اهليييييين وحشتووووني .. انقطعت بسبب الرحلة ابشركم وصلنا الرياض بالسلامة بس للحيين محتاااسة مابعد تنظم نومي وولدي بعد يقوم كل ساعتين يبي رضاعه لانه مو متعود على نوم الليل هنا التوقيت عكس تماما.. وانا لو انام شوي يصحيني وحاله.. يارب ينتظم نومنا بسرعه تعبت.. والكل طبعا يبي يشوفني ويشوف خلودي وانا مابعد لحقت ارتب اغراضي يعني بالعربي حوووووسة...
تخيلو ولدي بدا يرفض الرضاعه الطبيعيه شوي يقعد يبكي يبكي وانا ارضعه يجنني واذا عطيتو ببرونة يشرب على طول! يعني مع كل هالحوسة وقرر الاخ يرفض الرضاعه اختار توقيت غلط مو فاضيه له هههههه انتم كيغكم كيغك ميشو وكيف رمروم؟ والباقيه كلهم ان شالله انكم بخير
اثري في مدادي انتي من الناس الغالين على قلبي كنا سوا بتجمع الانابيب وحملنا وولدنا صرنا سوا بتجمع المواليد.. لنا عمر سوا:) ماعليك من اشكال عيالك الحين بس يكبرون كلهم بيتغيرون تماما!! اللي يشوف صوري انا واخواتي وحنا صغار مايصدق اشكالنا الحين تماما تغيرنا.. وطبعا اهم شي الصحة والعافيه والتربيه السليمة وش فايدة البنت لو كانت جميله بس معقده نفسيا!! ولا اخلاقها سيئه؟ الله يعين بس على التربيه لازم نهتم من الان لان الطفل يبدأ يبني شخصيته من يوم ينولد!! والكل يعرف ان زمننا هذا زمن الامراض النفسيه الله يحمينا واياكم.. افكر اشتري كتاب عن تربية الاطفال من الولادة ببالكم شي تقترحونه علي؟؟