مهما مر الزمن نرحع نسأل نفس الاسألة نحن الامهات قلوبنا لا تكل ولا تمل :)

[يارحيم]

اهلين عزيزاتي.. انا من رواد هالمنتدى من زمان لكن مشاركاتي محدودة (لكن لما اشارك ما عاد اسكت هههههههه).. كنت نشيطة في المنتدى زمان قبل ما يشرف حبيب قلبي خلودي :) الاعضاء اللي كانو يشاركون معاي وقتها برضه اختفو شكلهم كلهم انشغلو بعد الانجاب مع اننا كنا 24 ساعه على المنتدى لما كنا نحاول نحمل وبعد ما صرنا حوامل.. بس وش نسوي عاد هذي الدنيا ومشاغلها..

انا ادخل اقرا كثير واستفيد وطبعا رجعت اكتب لنفس الاسباب القديمة.. ابغا احمل :) شكله هذا المحفز الوحيد اللي لا يقاوم للكتابه والاستشارة..

طبعا موضوع حملي الاول كان قصص وسوالف تلاقونها بمواضيعي لكن قصتي باختصار انه انا وزوجي ما كان عندنا عيب واضح لتاخر الحمل وكنا مستعجلين عشان كنا في غربة والدكتور على طول اقترح انابيب (الله يسامحه) تبهذلت واخذت ادوية وابر وبالاخير فشلت فشل ذريع لانه اساسا من 14 بويصة ما طلع لي الا جنينين ومن الدرجة الثانية بعد ولا ثبتو الحمدلله.. وبعدها بديت اروح دكاترة واستشير وقالي واحد منهم بما انه عليك الدورة الحين ما يمديني اعطيك منشطات بس اذا ودك عشان ما نضيع هالشهر اتابع معك التبويض واسوي لك تلقيح صناعي.. وطبعا قبلها سوو لي اشعة صبغة.. وبعدين تلقيح صناعي بنفس الشهر والحمدلله حملت وجبت نور عيوني وحياتي خلودي..

يعني بالعربي ماعرف اذا الحين بعد اشعه الصبغه اقدر احمل طبيعي ولا لازم تلقيح صناعي.. مع العلم سويت العمليه بدون اي منشطات او ابر.. وما كنت متوقعه نجاحها ابدا بعد فشل الانابيب.. قلت في نفسي يمكن اشعة الصبغة حلت المشكله.. وبعدين اقول يمكن ماقدر احمل طبيعي بسبب شكل رحمي او لاي سبب ثاني لان التلقيح الصناعي يضمن لك يوصل الحيوانات لين البويضه وماعليها الا تتخصب.. عاد انا وزوجي اتفقنا من يكمل خلودي ست شهور نوقف الموانع (موانع طبيعيه) وننتظر لين يصير سنة او سنة ونص يمكن يصير حمل طبيعي واذا ما صار رحنا سوينا تلقيح صناعي..

الحين ولدي كمل سنة وما صار حمل الحمدلله.. انا مادري لو انا احسب التبويض غلط.. لانه الدكتور لما تابع التبويض معاي تأخر لين اليوم 17 او 18 بس كنت اقول يمكن لاني كنت متاثرة بعملية الانابيب اللي قبلها بشهر والابر اللي اخذتها وقتها.. بس يمكن انا تبويضي دائما يتأخر؟ المهم اشتريت اختبار التبويض وبجربه الشهر الجاي ان الله.. بس هالشهر فجأة صار عندي امل اني حامل.. ماعرف ليه احساس!! مع انه مافيه اي اعراض تماما ..والحين انتظر ميعاد الدورة.. من اللقافه اليوم سويت اختبار الحمل وكان سلبي بس توه باقي يومين على الدورة.. بس مافيني صبر.. ودي احمل طبيعي مافيني شدة دكاترة وتلقيح :( بس ماقول الا الحمدلله اللي اوجد العلاج وسهله لنا..

المهم طبعا في نهاية كل هالبربرة اللي صجيت روسكم فيها (كنت ازعج البنات ببربرتي من ايام تجمعات الحمل هههههههه) حابه انكم تشاركوني فرحتي لو طلعت خلال اليومين الجايات حامل.. او تشاركوني تساؤلاتي حول وضعي مع الحمل بعد شرحي للوضع السابق.. والف شكر لحسن قرائتكم وسعة صدركم :)

[ام بودى الصغير]

ان شاء الله ربنا يكرمك وتطلعى حامل الشهر ده من غير تعب ولا كشوفات هو قادر على كل شئ

[يارحيم]

مشكورة علي مشاعرك ودعائك حبيبتي ام بودي.. الله يستجيب.. ماتتخيلون فرحتي لو طلعت حامل.. مو لاني مستعجله لا بالعكس ولدي بعده صغير بس بفرح لانه معناتها انا ممكن احمل طبيييعييي.. يارب حقق مناي..

[الجوهرية]

الله يرزقك ويرزقني الحمل بدون تعب دكاترة وابر ومنشطات ومصاريف والحمد لله على كل حال


يارب تبشرينا بحملك هالشهر يآآآرب العالمين

[ام النور و السرور]

ان شاء الله تحملين طبيعي ويثبت انا مثلك باقي على دورتي يومين وعندي الام قويه وافراز بني خفيف والله كريم

[نفوولي]

الله يرزقك الحمل السليم ويفرح عينك بشوفته بدون دكاتره ولا علاجات

[يارحيم]

مشكورين على دعاويكم ومشاعركم الله يتقبل يارب.. دعمكم مرة يعني لي ويرفع معنوياتي ويعينني على مصاعب الحياة..

اليوم الصبح سويت تحليل وكان برضه سالب.. وما نزلت الدورة مع انه ميعادها اليوم اوبكرا.. قلت في نفسي خلاص مارح اسوي اختبارات انتظر كم يوم واشوف.. وطبعا كلام الليل يمحوه النهار بتشوفوني بكرا الصبح اول شي اسويه اروح اجرب الاختبار هههههه

احيانا التفكير يأخر الدورة.. مابغا اعيش بالوهم شكلها متأخرة وتستهبل علي هالشهر.. عموما ياخبر النهارده بفلوس بعد كم يوم يبئا ببلاش :)

[علووويه]

اختي لا تركزين ع يوم التبويض
خلي الجماع يوم اي ويوم لا هذا افضل شي للحمل واذا يومي افضل بعد
وجربو وضعيات تزيد فرصه الحمل وخلج بعدها نايمه ع ظهرج ساعتين وارفعي نفسج بمخده عشان يوصل اكبر كميه
واكثري من الاستغفار
وربنا يكتب لج الحمل ان شاء الله وتجين تبشرينا

[ahlam-f]

دورتك منتظمه حبيتي وكم مدتها 28 او 30
واذا تاخرت عليك حللي
ويارب تكوني حاااااامل

[حياتي توأمي]

يارب يرزقج حبيبتي بدون تعب وادويه
والله حاسه فيج
ومع معاناة الابر والادوية

الله يرزقج يارب ويعطينا الأجر والثواب علي السعي والتعب
وان شاء الله تحملين طبيعي
بس إذا ماعندج مشاكل تبويض ان شاء الله راح تحملين طبيعي ليش لا
الله كريم حبيبتي