بسم الله عليك ليش تنجنين.. الموضوع بسيط
واسبوعين امرها سهل
بقولك تجربتي .. انا متابعه عند دكتوره بمستشفى خاص
في البدايه حسبتلي على موعد الدوره وحددتلي موعد الولاده
بس بعد ماسوت السونار قالتلي انه عمره اصغر بعشر ايام تقريبا
لأنه حمل متأخر.. يعني صار قبل موعد الدوره الثانيه بشي بسيط
كنت شاكه في كلامها
في بداية الشهر التاسع رحتلها عشان المتابعه وعشان تجهز ملفي واخذه معي لانها عيادات خاصه فقط مو مستشفى
نبهتني مره ثانيه على الحسبه واكدت عليها في التقرير الي كتبته لي
وقالت انتبهي يقولونلك دخلتي العاشر ويولدونك لازم تصبرين بعدها عشر ايام لأنه حمل متأخر مو على حسبة الدوره
وفعلاً الحين باقيلي يوم واخلص التاسع على حسبة الدوره ولاولدت ولا فيه اي بوادر ولاده نهائياً وببقى على حسبتها واشوف شيصير معي
انا حاسه فيك لأننا ودنا نخلص بسرعه ونشوف اطفالنا بس الي صبرنا طول هالاشهر يصبرنا اسبوع او اسبوعين زياده
يمكن حالتك تختلف عن حالتي .. ويمكن تضبط معك حسبة الدوره .. كل شي ممكن واكيد هالشي يختلف من جسم لجسم
ادري طولت عليك بس حبيت افيدك بالي صار معي..
ربي يسهل علي وعليك وعلى كل الحوامل يااررب