شوروا علي .. الخياطه في اليوم التاسع؟

[مسآلمه]

السلام عليكم..
تكفون خواتي ابي استشيركم
انا لي 9 ايام والده وفي اليوم التاسع شفت الجرح منزل ماده صفراء كثيفه جداً (الله يكرمكم)
ولما نظفتها ونشفتها لقيت خيوط طايحه بالمنديل خفت ورحت للمستشفى على طول
قالت الدكتوره انه عادي تنزل وعطتني مضاد
بس مااقتنعت في كلامها احسه بدري مره تنزل في هالوقت
تكفون طمنوني عادي تنزل في هالوقت؟
والعاده كم تاخذ الخيوط معكم؟

ردوا علي الله يجزاكم خير

[النُهى]

يسعدلي يومك ياغلا

امممممم اول شي لازم تروحي لطبيبه شاطره من هالناحيه بتقولك اذا خياطتك سليمه او لا
ثاني شي اذا يحتاج خياطه سوي خياطه مره ثانيه بس لازم مايكون عندك فقر دم
ثالث شي الجرح اذا التأم بتطيح الخيوط ع شكل عقده مو خيط طويل وهيك
رابع شي تظل الخيوط لمدة اسبوعين وتبدا تطيح وفيه ناس تطول عندهم الى ٢٠ يوم فهذا شي طبيعي
خامس شي النظافه الشخصيه والاكل الصحي اهم شي خلال هالفتره علشان كل شي يكون سليم
وسادس شي كسر الخوف والمبادره بالاهتمام بنفسك من اول يوم بالولاده راح يوفر عليك وقت وتطلعي من الاربعين بدون اي مشاكل تذكر :)
وتحياتي لك

[مسآلمه]

النهى ياعمري مشكوره عالرد الله يجزاك خير ويحققلك امانيك
فعلاً الخيوط نزلت على شكل عقد مربوطه
واذا عالاهتمام انا قاعده اهتم من البدايه بس من نفسي من غير ماتقولي الدكتوره شي
تخيلي طلعوني من المستشفى من غير مايعطوني شي غير كبسولات ومسكن
ولا حتى غسول ولا حتى جتني الدكتوره تفهمني كيف اهتم بالخياطه
ولدوني ونسوني.. اهمال مو طبيعي
بس انا لما طلعت استخدمت ديتول ومرهم ميبو من نفسي بدون استشاره
ولما رجعت للدكتوره البارح اعطتني غسول ومرهم
الخياطه مسويتلي رعب من البدايه . ربي يستر ويعديها على خير

[raghda]

عادي حبيبتي أنا باليوم السابع راحت
بس انتبهي لحالك لحتى تتأكدي من جرحك المهم يكون التأم

[مسآلمه]

raghda مشكوره طمنتيني ربي يسعدك

[اذهبة]

مرهم ميبو ماعليه كلام.. ما شاء الله ، فيه زيت السمسم

لكن الديتول اخاف يكون قوي عالمنطقة.. مادري

انا الدكتورة كتبت لي غسول.. اسمه saforelle ..




موووووووووفقة

[النُهى]

ان شاااء الله امورك تمام اذا طاحت الخيوط ع شكل عقد
ميبو ممتاز وديتول دائماً زين علشان الالتهابات
وشي طبيعي انهم ماقالو لك شي لانهم نفس الكلام سوو لي يعني مافيه نصائح طبيه
بس صرفو الادويه وخروج

بالنسبه للغسول كل انواع الغسول زينه وكلها علشان يحافظ ع المنطقه من الالتهابات وتفكك الخيوط
بس اهم شي الاستخدام ع حسب وصف الطبيب

والله يسهل الامور

[مسآلمه]

(اذهبة _ النهى) مشكوريين عالرد
الحمدلله التزمت بكلامها الي قالته لي اخر مره والحمدلله احس مكان الخياطه في تحسن

تسلمون ربي يسعدكم ويجزاكم خير

[جودي خالد]

ربي يطمنك حبيبتي