هلا حبيبتي،الله يقومك بالسلامة،هلق أكيد الطين يؤثرعلى الكلاوي،لأن إذا المي اللي فيها كلس كتير،مع مرور الزمن بيتحول هاد الكلس في جسم الإنسان إلى رمل و قطع أحجار كبيرة،ويضطر المصاب إلى اجرء عملية،فما بالك بأكل الطين؟
أنا بعرف مو بإيدك سبحان الله هاد وحام من قديم الزمان لهلق بصير مع النسوان الحوامل،حبيت أنبهك واشرحلك،ولكن حتى ماخبي عليك،فيني قلك انو بنت عمي كانت حامل و كانت تاكل طين و طباشير والحمدلله هيي ماصرلها شي،بس ولدت بنت كان قلبهافيو ثقب ومابعرف اذا هالشي كان من أكل الطين،بس الحمدلله شفيت وكبرت البنت،وكمان النسوان قديما كانوا ياكلوا طين ومايصرلون شي،وجدتي كانت منون و خالتي وأمي وماصرلهون شي،بس من الناحية الطبية أكيد بيأذي الإنسان كونه شيء غير قابل للأكل،والله تعالى أعلم،ربي يتمملك على خير وانشالله مابتشوفي شر،وحاولي تخففي من أكله...بالتوفيق