آخر أخباري+استفسار مهم عن دوالي الخصية

[سيران]

السلام عليكم اخواتي الغاليات:
قطعتكم 3 شهور وهي مدة طويلة بعرف بس اسمعوا اللي صارمعي
زوجي طلع معه مشكلة بس بالضبط مامنعرف شو هيي
عمل تحليل للحيوانات المنوية
والدكتور قال لازم عملية،بس زوجي مابيعرف كتير بالمصطلحات الطبية بالالماني لهيك مافهم بالضبط اذا كانت المشكلة بالعدد ولا بالحركة ولا عرف اديش نسبتهم
المهم عمل عملية من شهرين وقلله الدكتور يجي يفحص بعد شهرين ليشوف الوضع
وبكرا رايح يفحص لنشوف النتيجة
بس عندي استفسارين:
الغريب بالعملية انو عملوله الشق بالخصية نفسها مو تحت البطن
مع انو العلم متطور ،ايام زمان كانوا يعملوا عملية الدوالي بشق الخصية بس بعد ماصار إله مضاعفات اتطور العلم وصاروا يعملو شق صغير تحت البطن ويعملوا العملية
فيكون تسألوا وتشوفوا عالنت كمان،كل عمليات الدوالي الحالية بيعملو شق بالبطن مو بالخصية
بقى ليش عملوا لجوزي شق بالخصية مابعرف
هاد سؤالي يا بنات بليز اللي عندها معلومة تجاوب
اصلاً انا شاكة بعملية الدوالي وبعتقد انو العملية كانت عملية الخصية المعلقة اذا سمعانين فيا
لهيك بنات بترجاكم تفسرولي اكتر اذا عندكم معلومات ولو بسيطة
عن عملية الدوالي وعملية الخصية المعلقة
بفرض انو جوزي كان بعاني من الدوالي او من الخصية المعلقة او حتى من التنين
واهم سؤال مين حملت بعد عملية الدوالي حمل طبيعي يعني ومتى صار الحمل
بليز يا غاليات اذا عندكم اي معلومة لاتبخلوا علي فيها
وادعولي احمل عن قريب
والله العظيم الغربة صعبة من دون ولاد
انا دورتي بهاليومين ادعولي ماتجي
والله يرزق كل مشتهية بإذنه تعالى
والحوامل الله يتمملكون على خير يارب
ورجاء ياغاليات سامحوني على تقصيري
لانو وقتي صاير كتييير ديق
عم ادرس لغة وعم اشتغل وبتعرفوا طبخ ونفخ دوبني انام صدقوني
طولت عليكن حبيباتي
بالتوفيق للجميع وناطرة ردودكم
اللهم ارزق اخواتي وارزقني الحمل في القريب العاجل
فأنت القادر على كل شيء
اللهم لاتذرنا فرداً وانت خير الوارثين
امييين....

[حياتي توأمي]

ان شاء الله البنات اللي جربوا يفيدونك والله ماعندي معلومه ياقلبي ولا كنت راح افيدك اكيد ياحبيبتنا سيران

بس حبيت ادعيلك من كل قلبي
الله يرزقك يارب
من يؤنس وحشتك ويونسك بالغربه يارب
اللهم لاتذرها فردا وانت خير الوارثين
يارب أرحم حالها وقلة حيلتها

[ام البنوتة]

انا اللي اعرفه ان الخصية المعلقة لا تؤثر على الانجاب
غير كده ما عنديش فكرة والله

[أم.محمد]

حبيبتي
ماعندي فكرة والله
لكن حاسة بك لانه نفس ماشاكل زوجي والمشكلة زوجي موراضي اصارحني ماذا قاله الطبيب
الله يسهل يارب وتحملي قريبا وهذا الشهر يارب الله يرزقك بمايسر نفسك وطيب خاطرك يارب.
حبيبتي ممكن سؤال
هل زوجك عنده عروق حمراء او نقط حمراء مجموع بها شيء احمر مثل الدم على كيس الخصيتين؟

[سيران]

شكرا لدعواتكم حبيباتي
ام محمد زوجي عمل العملية وخلص
ولا قبل ولا هلق عنده اي شي غير صحيح بالخصيتين
ان كان بالشكل أو تورم أو التهاب او اي شي غير طبيعي
كله تمام يعني لو ماعمل التحاليل ماكنا حسينا بأي مشكلة
حسبنا الله ونعم. الوكيل
حبيباتي بليز بدي ردود وتفاعل اقل الشي دعوة بضهر الغيب

[يآ أرحم الرآحمين]

الله يرزقك الحمل و ما تجي الدورة هذا الشهر و تطلعي حامل بإذن الله
الغربة صعببة جدا و اللغة الالمانية أصعب الله يعينك

[يارب أرزقني طفلااا]

ما عندي فكره عن العمليه يا قلبي

بس صديقتي بعد ما عمل زوجها الدوالي حملت بعد 4 اشهر عقباللك يااارب يا واحد يا احد

[سيران]

بنات وين ردودكم وتفاعلكم
انا مقهورة من جواتي
اللي قاهرني انو بهل المانيا اللي ماله مريض بيمرض
لك هون بدوخوا الواحد على قد مابجيبوه وبياخدوه وعالفاضي
واذا بده الواحد يتعالج بدو مليون سنة لحتى يبلشوا معه خطة معالجة
الوقت والعمر عم يمشيييي والدكاترة هون مابهمون شي
ادعولي بنات وبترجاكن اللي عندها معلومات تفيدني والله مالي غيركن
الله ينولكن اللي ببالكن يااارب

[يآ أرحم الرآحمين]

حبيبتي سيران والله كلهم الدكاترة باروبا سوااااء يعني على مهلهم و ما يعطوكي معلومات كافية لأنهم بالنسبة لهم الأطفال راح يجي على مهلهم مش زينا إحنا العرب بنمووت في الخلفة ... عشان كدا بتلاحظي انو عدد المواليد عندهم قليل بالمقارنة مع الشعوب العربية


الله يرزقك حبيبتي و تفتكي منهم

[سحابة الماضي]

ممممممم انا اللي بعرفو انو بعمليه الدوالي بشقو الخصيب عشان بتخلصو من الدوالي اكتر من حدا عملها عنا
انا الخصيه المعلقه ما عمري سمعت فيها

والله يرزقك الحمل السليم المعافاه يا رب