السلام عليكم ورحمة الله وبركاته
اتمنى منكم التفاعل لفيت في منتديات كثير مالقيت مايشفي غليلي ودي اسوي تجمع لامهات الاطفال الخدج طبعاً بعد اذن المشرفات
اول شي انا ام لطفل خديج عمره ثلاث شهور ولدته بالشهر السابع اول طفل لي بعد معاناة عشر سنوات مع المنشطات واطفال الانابيب والحمد لله من الله علي ورزقني باول مولود وعقبال خواتي المنتظرات سبب الولاده مادري وشوا بالظبط بس كان معاي طلق ومارضى يوقف وبوقت الولاده التف الحبل السري وولدني قيصري
ابي اعرف منكم ياامهات الاطفال الخدج
كم ظل طفلك بالحضانه ؟ انا ابني طول لسا طالع الحمد لله
هل رضاعة الخديج متعبة؟ وكم ملي او سنتي يشربون ؟ ومتى ازود كمية الحليب ؟وايش الحليب الي تستخدمونه؟كيف تتعاملون مع الاستراغ (تكرمون) والغازات طفلي بهذلني يستفرغ مع خشمه ويروح نفسه يخوفني بالمره؟
هل صار لابنك مشاكل جراء ولادته قبل الاوان ؟ ابني الشعب الهوائيه ماكتمل نموه فعلشان كذا طول على الاكسجين وتضخم بسيط بالمخ
وهل صحيح نموهم بطيءويطولون مايجلسون ؟