اذا اراد شيئاً قال له كن فيكون

[الابذكر الله تطمئن القلوب]

السلام عليكم ورحمة الله وبركاته صباحكم /مسائكم سعادة باذن الله
كيف حالكم ياحلوات حبيت يابنات اقص لكم قصة وقفت على هذي القصة بنفسي والي خلاني اكتبها اولاً لزيادة ثقتكم برب العالمين وانه هوا سبحانه بيده مقادير كل شيءاذا اراد شيئاً قال له كن فيكون وثانياً ابي ادخل لقلوب اخواتي التفائل بنجاح عملياتهم وثبات اجنتهم
في مره من المرات كنت اراجع عيادة العقم في مركز التخصصي في منطقة القصيم وكنت باديه اخذ كورس الابر وكنت قلقانه مره وخايفه جلست جنبي وحده في الغرفه المخصصه للانتظار وكان باين علي القلق سلمت علي وقالت شكلك مثلي بتسوين اطفال انابيب قلت ايه نصحتني بكثرة الاستغفار والصدقه وقالت ابقولك. قصه وحده من تبوك وتبوك تبعد الف كيلو عن القصيم المهم قالت لي انا قبل سنتين جيت هنا للمركز وقرروا لي اطفال انابيب سلمت امري لله اخذ زوجي اجازه واخذت انا اجازه لاني معلمه وبديت بخطوات العمليه في يوم الترجيع كنا حاجزين طيران لانه دوام زوجي رفضوا يمددون الاجازه كم يوم خلصت ورجع لي الدكتور الاجنة وكنا اخذين سياره اجره يودينا للمطار وصلنا للمطار وتفاجئنا ان الرحله تنكسلت وقتها ماعرفنا اي نسوي قال زوجي فيه رحلة للرياض خلينا نروح للرياض اكيد نلقا رحله من الرياض لتبوك المهم حجزنا ورحنا للرياض والمشكله الثانيه مالقينا رحله لتبوك وبالاخير قرر زوجي نرجع بالنقل الجماعي ركبت النقل وانا لي كم ساعه مسويه الترجيع والسياره تهز يمين ويسار واستغرقت الرحلة اكثر من 11 ساعه فقدت الامل بنجاح عمليتي قطعت اجازتي ونسيت الموضوع وقلت خيره بغيره مارست حياتي زي ماكانت ولا كاني سويت شي وجا يوم التحليل والدور مانزلت حللت وطلعت حامل حمدت ربي وايقنت ان قدرت ربي فوق كل شي مهما ارتحتي والله ماكتب ماراح تنجح والحمد لله ربي رزقني بولدين وانا جايه ابحاول مره ثانيه الله يخليهم لها يارب يابنات شفتوا قدره الله عليكم بالدعاء والاستغفار والله يثبت اجنتنا ويرزقنا الذريه الصالحه اخواتي لاتنسوني من صالح دعائكم