[jojo 123456]

المشاركة الأصلية كتبت بواسطة ماريا اسماعيل

اختى ام نرجوسة..اشكرك على كلامك...كل سلفاتي ذاقوا منها المرار..وهلقيت اجي دوري...من الاشياء اللي بتعملها حماتي معاي..رح اقولك جزء منها:انها بتجيب زباله اللي على الشارع وبيكون فيها صحون وكاسات مكسرات وتجيب الزباله على الدار وقدام زوجي واسلافي تقول: شايفين المهمله هادي ابني بجيب الها اغراض وهي بتكسرهم وترميهم عالشارع..وانا احلف وابكي واقول مش انا وما تصدق..بس الكل بيعرفها تاعت مشاكل...وكمان موقف اني كنت طالعة انا وزوجي ورجعت لقيت عباب غرفتي كوم زباله مرمية..سألت وسلفتي قالت ان حماتك اللي كبتهم...ما حكيت ضليت ساكتة...وموقف اخر ممنوع استضيف صحباتي عندي..بس اهلى استضيفهم..ومواقف كتير حتى لمن ييجوا ناس يزوروها عالبيت بتسير تحكي هاد(انا)بتصحى عالساعة عشرة وجوزها بيصحى قبلها ووسخة ما بتنظف..طيب انا من اول ما اتزوجت وانا بصحى الساعة 6وبمسح وبنظف الدار وبعمل الهم فطور..وبروح من الجامعة الساعة12ظهر وبلاقي الدار كأني ما نظفتها...ولا المطبخ بتسكروا بالمفتاح لمن اجي من الجامعة لانها عارفة اني بكون بدي اتغدى...ومرات بتسكر الحمام علشان ما ادخلوا الا بروح عند سلفتي...ولمن بدي اتحمم بروح عند اهلى...هذا اجزاء من مواقف حماتي...شو رايك يا ام نرجوسة..انا عمري ما غلطت معاها..انا حافظة لكتاب الله..كيف بدك اياني اغلط بحق حماتي...بس انا تعبت تعبت موووووووووووووووووووت من حياااااااااااتي...بس انا ماحدا رح يساعدني غير الله لانو ادرى بحالي...الحمدلله

كيف يعني ترمي الزبالة وتسكر المطبخ والحمام وتقول عنك وسخة وكل ها الشغلات الشريرة غالتي اذا كانت امكانيات زوجك ضعيفة اشتغلي وساعديه واجرو ول غرفة ع السطوح وانشاء الله تاكلي خبر حاف وماي ولا ها العيشة حاولي تقنعي زوجك انك تستقرو لحالكن
الله يهديها بس لازم تفكري بحل جدري للمشكلة هو انك تستقري لحالك