طبعا اول شيء قبل لا تبدأين سوي شيره او قطر وحطيها بالثلاجه تبرد ليت تنتهي الكيكه . المعيار اللي استخدمته كوب الجبنه الصغير والخلاط اللي استخدمته خلاط العصير المقادير كوب زيت كوب ونص سكر كوب ونص لبن 3 اكواب سميد 3 بيضات ملعقه صغيره فانيليا ملعقه صغيره بكنج بودر الطريقه : في الخلاط اول شيء حطي الزيت والسكر وشغلي الخلاط بعدين حطي البيض بالتدريج حبه ورى حبه والخلاط شغال طبعا بعدين حطي الفانيليا وروحي خذي لفه صغيره بالمطبخ وارجعي بس لا تطولين يعني مثلا روحي جيبي اللبن من الثلاجه بعدين حطي اللبن آخر شيء حطي السميد والباكنج بودر بالتدريج هذا كله طبعا والخلاط شغال وبعدين حطيه بالصينيه مدهونه بزيت ودقيق وخليها تقريبا ربع او ثلث ساعه قبل تدخلينها الفرن والحكمه من ذلك عشان السميد يتشرب الماده السائله وتصير الكيكه طريقه سمعت هالمعلومه من شيف وطبقتها وعجبتني النتيجه وبعدين دخليها الفرن تقريبا من ثلث الى نص ساعه والنار هاااااااااااااديه وكل شوي طلي عليها بس لا تفتحين الفرن الا بعد مرور ربع ساعه بعدين اشغلي النار عليها من فوق تتحمر شوي وخرجيها وعلى طول وهي ساخنه سقيها بالشيره البارده . صحتين وعافييه
اللهم اني استودعك اهلي وبيتي وزوجي وبناتي بسم الله آمنت بالله توكلت على الله ولاحول ولاقوه الابالله ربى هب لى من لدنك ذرية طيبة انك سميع الدعاء ربي لاتذرني فرداا وانت خير الوارثين ♥ اللهم اشفي اختي شفاءاً لايغادر سقماً