أنا ساكنة مع زوجي لأنه له نصيب في البيت بس السكن شبه مشترك يعني أنا في شقتي الخاصة مع إنها صغيرة بس ما أحد يضايقني فيها
بس لو عندنا نبني أو نشتري بيت ما راح أقول لا
الي مضايقني في الموضوع إن زوجي متى ما حبينا نطلع يعزمهم على الطلعة وقليل إذا طلنا وحدنا
ولما نروح السوبر ماركت دائماً يسألهم إذا يبون شي وهاتي طلبات مع إن أخو زوجي الكبير هو المسؤول عنهم وعن طلباتهم وما يقصر عليهم
ولما آخذ شي لازم ياخذ لهم مثله
ولما نرجع من السوق أو طلبنا من المطعم زوجي يستحي يدخل وأحد يشوفه أخذ لي وما عمل حسابهم !
بنات أخو زوجي أحياناً يزعجوني بالطلبات السخيفة مثلاً علبة كيك جاهز ،، دريم ويب ،، سميد ،، لحم همبرجر ،، عصيرات ،، فوشار ،، شكلاته ،، مزيل مناكير يعني أشياء ماهي من الأساسيات
أحياناً يعجبهم شي من ملابسي ويطلبوها ويرجعوها وسخة وأنا ما أحب ألبس شي لبه غيري أو وحدة تستعير وتعطيه أختها تلبسه يوم ثاني !
وغير كذا يستلفون مني فلوس وما يرجعون بعدين أكتشف إنهم صرفوها على أشياء تافهة
وأم زوجي دائماً تبي زوجي سفرها هي وبنتها مع إنها تسافر كل سنة أكثر من مرة واحنا جالسين في البيت
أما أخت زوجي أنا ما آخذ راحتي بوجودها لأنها دائماً تغتاب زوجات اخوانها والله أعلم إذا كانت تغتابني أنا بعد