فطيره البسطرمه بالبيض كنت شاريه عجينه البف بسترى المربعات بس للاسف وصلت البيت متاخره وكمان كانت تحت مشترواتى من السوبر ماركت العجينه ساحت على بعضها ولزقت وطبعا حاولت فيها بس استحاله الفك ابداا المهم وانا بقلب فى النت شوفت وصفه بعجينه مشابه وحشوه مختلفه فقررت اعملها بطرقتى وما يتناسب مع ذووق بناتى وزوجى طولت عليكم تعالو نشوف المقادير بف بسترى 250 جرام بسطرمه ممكن لانشون 6 بيضات 3 عود بصل اخضر فلفل اسمر جبنه رومى مبشوره الطريقه ده شكل العجينه فردتها على سطح مرشوش بالدقيق وضعتها على قالب التارت وظبتها فى القالب ومشيت عليها النشابه علشان اقطع الحروف الذائده ظبت الجوانب كويس فى القالب ووضعت نصف كميه البسطرمه كسرت البيض بشكل متقارب ويادوب شكيت الصفار بالشوكه مجرد خدش زى الصوره حطيت فلفل اسمر( البسطرمه حادقه مش محتاجه ملح راعى هذه النقطه عزيزتى) وضعت البصل المقطه شرائح والجبنه المبشوره حطيت باقى البسطرمه على الخليط فردت جزء اخر من العجينه ووضعتها فى التارت وعملتها بالنشابه من الحروف دهنت الوجه بيضه مع رشه فلفل اسود ورشيت جبنه روومى دخلتها فرن ساخن على درجه حراره 180 درجه بتاخد تقريبا نصف ساعه نضع السكينه فى منتصف القالب لاختبار النضج لو طلع نظيف يبقى البيض نضج من الداخل معلش هى احمرت من شويه الحمد لله كان طعمها تحفه بصراحه مكنتش متخيله انها تتطلع طعمها رائع كده