اليوم جبت لكم طبق هندي وايد عجيب مشهور بالهند ويقدم في البوفيهات في وجبة الافطار ويقدم بطريقتين بالشعيرية ( البلاليط) وبالسميد اليوم انا بسويه بالسميد لان وايد عجيب وممكن تناوله في وجبة العشاء ايضا او بالرحلات ويقدم للضيوف حزة العصاري والمغربية ووووو هذي صورة المقادير كزبرة مفرومة شوية ورق كاري ست اوراق وفلفل اخضر حبتين نشقهم من النص وفلفل احمر يابس ملعقة صغيرة ثوم وزنجبيل مطحونين وملعقة صغيرة حبوب الخردل بصلة صغيره مقطعة جوانح فلفل احمر نص ملعقة صغيرة واللي مايحب الحار يستعمل الفلفل الاحمر الكشميري هو مب حار ابدا ورشة بسيطة جدا من الكركم نحمص كوب سميد عالنار شوي لين يتغير لونه شوي نحاسب لايحترق نقلي حبوب الخردل اول مايسخن الزيت ونغطي الجدر عشان مايتطشر علينا وريحته قوية جدا عفكرة نخليه شوي عالنار ينقلي زين نص دقيقه وبعدين نضيف البصل وثوم الزنجبيل وورق الكاري والفلفل الممجفف والاخضر ونغطي الجدر ونخليهم شوي يتقلون مدة نص دقيقة نضيف الفلفل الاحمر والكركم ونقلب شوي وعقب نضيف كوب ونصف فقط ماء ساخن والكزبرة والملح نسيت اصور هالخطوة بس معليش تخيلوا اني صورتها اول مايبتدي يغلي المرق نرفع الجدر عن النار ونصب السميد بالتدريج ونحرك بسلك البيض بسرعه عشان مايتكتل ونرجع الجدر على نار خفيفة جدا مدة ربع ساعة وهذا شكله وهالطبق لمحبين الاطباق الهندية فقط والباقي يروح بعيد منااااااك وهذا شكل الشعيرية اللي بنفس هالطريقة بس مو من تصويري لقيتها بقوقل لاختي الغالية انا مسلمة عشان تشوفين شكلها لاني عطيتج المقادير وماوريتج صورتها وبالعافية upma ينلفض كذا اوبما ومايقدم معاه شي ينوكل كذا لحاله يعني لاصلصلة ولاحاجه يتيم الابوين ويقدم خاصة بوجبة الافطار