الحمد الله ولدت وجبت خالد

[ميمي الغامدي]

السلام عليكم ورحمة الله وبركاته
حبيت اكتبلكم قصة ولادتي بخلودي الله يحفظه لي
اول شي كنت دايما ادعى ربي يسهلي ولادتي وتكون بيوم وساعة طيبه والحمد الله ولدت يوم عرفه يعني ليلة العيد وصار العيد عندي عيدين
في يوم 8 كنت مره طفشانه من الثقل ومن كثرة المشي خرجت امشي العصر ورجعت بيتي علي المغرب وشربت ملعقتين خروع مع عصير جوافه وخفت كثير ومن كثر ماخفت دخلت انام الساعة 8بالعشاء المهم نمت وصحيت علي الساعة 3 اخر الليل وحمدت ربي ان ماصار لي شي ولا جاني اسهال الله يكرمكم رجعت انام الين الظهر طبعا هذا كله من الخوف صحيت وجلست بموية حارة الا ويخرج مني خيط احمر علي فكره انا لي اسبوع ينزل مني دم بني والدكتورة قالتلي علامة ولادة طبعا كنت صايمة يوم عرفة حسيت بشوية مغص قلت شكلي باولد اليوم وعلي طول فطرت وشربت قشر بالزنجبيل والقرفة وتمر ودهنت جسمي بزيت زيتون وجوزة وحبة البركة وبداء عاد المغص يجيني وصرت امشي بالبيت الين صار الطلق كل 5دقايق وزوجي كان نايم صحيته قلتله ماعاد اقدر اتحمل وديني المستشفي رحت المستشفى. علي الساعة 7والحمد الله كان الرحم مفتوح سبعة سانتي وقالولي ولادة وانا اتالم وكل شوى يجو يقيسو يلاقوه واقف علي السبعة الين الساعة 9وطبعا يعطوني طلق صناعي زيادة ولا في فايدة يفتح سانتي زيادة المهم انا مره تعذبت كل ماتجيني الطلقه يقولولي دفى وانا ادف ونبض الجنين يضعف ويحطولي اكسجين ولا في فايدة النبض كل ماله يقل هنا حولوني علي العمليات فورا لانهم خافو علي الجنين يموت وكان في خطر علي حياته سويت العمليه وخرجت الساعة 11 بالليل كان الحبل السري ملتف علي رقبته والحمد الله ان الدكتورة ماحاولت تخرج راسه كان اختنق ومات
واول مافتحت عيوني سالت علي ولدي طبعا كل ماسال احد يقلي ماادري انا مره خفت وما صدقت يخرجوني من العمليات قابلت زوجي بالمصعد وطمني علي الولد وارتحت دخلت الغرفة وطلبت اشوفه والحمد الله شفته والله شعور لايوصف بس طبعا انا ماكنت اقدر اشيله ولا ارضعه وجاني فقر دم بعد العملية وذبحوني بابر الحديد واللي الي كان بالعملية عشان يخرج الدم الفاسد تنومت 3ايام وخرجت
الحين امشي شوي شوي عشان العملية تتعافى وولدي جنبي والحمد الله
علي قضاء الله وقدر وعسى ان تكرهو شي وهو خير لكم
الله يسهل ولادة كل حامل ويخفف عنها ويخليلي ولدي ولا يحرمني منه ويعطي كل محروم الذرية الصالحة

[Om KHaled]

الف حمد الله على سلامتك أختي ميمي
الله يقومك بالسلامة

[تبسم عشاني]

ميمي الحمد لله ع سلامتك وسلامة البيبي
ويتربى بعزكم ودلالكم

[النوري84]

حمدالله على سﻻمتج..ومايشوف شر البيبي..

[مهرة فارسها]

الحمد الله على سلامنك ويتربى بعزكم

[غلادنس]

الحمد الله ع السلامه ويتربى بعزح

تصحيح لمعلومه الكل معتقد فيها

الحبل السري لما يلتف على رقبه الجنين مايسبب له اختناق لانه لسه الرئتين ماشتغلوا عنده ... يعني ممكن يكون الحبل السري هو الي يضغط عليه ولا يوصله اكسجين كويس

ماله دخل بالاختناق الي تفكروا به انتوا

[أم ح ــنونـہ]

مبرووووك حبيبتي
والحمد لله على سلامتك انت والبيبي
ويتربى بعزكم ان شاء الله
وعقبال باقي الحوامل يااااارب 

[بدآيه حلم]

مبرووووكك الف الف مبرووك وربي يجعله من مواليد السعاده ومن الصالحين


والحمدلله على سلامتك


عقبال ما اولد وجميع الحوامل بالسلامه
،،

[سماء الاحساء]

الحمد لله على سلامتك ويتربع بعزك

[um yuseef]

ألف الحمدلله على سلامتك

يتربى بعزكم و يجعلو من مواليد الهداية و الصلاح