جنس الجنين

[النوري84]

مرحبااا بناااات..


حبيت اسال متى اقدر اعرف جنس الجنين اي اسبووع؟؟


انا 11 اسبوع؟؟


اقدر افحص؟؟

افيدوني


انا اقول يمكن بدري لان حملي كان متاخر


واهلي يقولون يبان لاني اخر الثالث


عندي ولدين وبينوو اول الرابع..


متامله تكون بنت ان شاء الله وبصحه وسلامه اهم شي


الله يوفقكم جميعااا

[شاطئ القمـر]

الله يخليلك ولادك ويعطيكي بنوتة حلوة

بس والله بكير خيتو بعد التجربة لا تستعجلي خليكي لبعد الاسبوع 20

قبل بيكون في امكانية للغلط بتخمين جنس الجنين لانه مو كل الحالات واحد

[النوري84]

شاطيء القمر

صح كلامج


بس تعرفين الفضول ذابحني


بس عادة يبين فالاسبوع 14 او 16 اعتقد


وانا قلت بتريااا لين نص الشهر الرابع


الله يرزق الجميع بالذريه الصالحه التامه المعافاااه اهم شي هذاااا

[ام يونس123]

السلام عليكم
الله يخليلك اولادك ويرزقك البنوته الي تتمني انا عن نفسي بين معي من اول اسبوع في الرابع وان شاء الله يبين معك..

[النوري84]

أم يونس تسسسلميين حبوبه...

[حـورية]

لا ما يبان او يمكن يعطوكي احتمالات
بس ما يبان اكيد الا عقب ال 18 او 19 اسبوع و في اجنة ما تبان عشان تكون وضعيتهم مسكرين ارجلهم
ان شاء الله يا رب تجيبين بنوتة امورة في تمام الصحة و العافية

[النوري84]

حوريه ..
شكلي بتريااا احسن عشان يكون واضح..
تسلمين عالمرور..

عاشقة المستحيل..منووره الصفحه

[نوووشه]

انتظري اختي توك بدري والشهور قدامك وشهر عن شهر بيكبر الجنين ورح يوضح اكثر نصحيه انتظري من الخامس ووراء عشان تضمنين باذن الله و ما تنصدمين من اخطاء السونارواذا مررره فيكي فضول اعملي رباعي بس عشان توضح الملامح اكثر خليه بالسادس الله يرزقك باللى تتمنين

[rayona]

الله يرزقك ببنوتة كيف تتمنين

[نبعة الحب]

لالا حبيبتي حتى لو قالت لج الدكتورة احتمال كبير يطلع غلط انصحج الاكيد من الاسبوع 17 وفوق يكون كامل لان دائما في اختلاف بجنس الجنين بالبنت والذكر يكون في شي متشابه بينهم ومن الاسبوع 17 يكون افضل وكت يعني انتظري من 17 اسبوع وما فوق اختي كانت في الاسبوع 17 قبل شهر قالو الها ولد وبقت ولد بعدين قلت الها تعالي نروح لعيادة خاصة بس للسونار ونتاكد لان هنا ما يغلطون اول ما كشفت عليها الدكتورة قالت الها بنت سبحان الله وبقت بنت يعني انتظري احسن بعد