تكفون تعالوا أبكي من كثر شوقي للأمومه ..

[لمسة دفا]

السلام عليكم ورحمة الله وبركاته
كيفكم
حبيت اقول لكم مشكلتي أنا توني جيت من المستشفى وبقولكم مشكلتي من البداية ..
انا طبعا شهر 3 سويت تلقيح صناعي وماربي كتب لي الحمل وقال الدكتور ارتاح شهر 4 بس الدورة في شهر 4 نزلت قبل موعدها بخمس ايام حتى نزلت وماحسيت بها ابدا وما حسيت بأي ألم أول يومين كان دم وثالث يوم خف واليوم الرابع خف أكثر واليوم الخامس اغتسلت المهم انتظرتها هالشهر في 5 مانزلت انتظرتها نفس موعدها اللي كل شهر تجيني وهو 8 من كل شهر لان دورتي كانت منتظمة كل شهر تجي يوم 8 لاكن بعد التلقيح نزلت يوم 5 وهالشهر للحين مانزلت رحت حللت البارح تحليل رقمي طلع 1 يعني سالب مافي حمل المشكله ألم ظهري بيذبحني ماأحس إلا بظهري بس وخفت يكون فيني كيس أو شي توني جيت من الدكتورة قالت انتظر أسبوع وأسوي التحليل مرة ثانية نشوف النسبة إلا أرتفعت..
ماادري وش اسوي والدورة مااحس بها ابدا لاكن الاسبوع اللي فات كنت احس بها انها بتنزل مع ألامها وصدري مره يعورني لاكن ألحين ماعاد احس باي شي إلا ظهري بس
وش رايكم أنتظرأسبوع والتعب مرة يزيد في ظهري والسبت عندي موعد في مستشفى ثاني بسوي أشعة الموجات ..

انا بنتظاركم إذا احد مر بنفس مشكلتي يعطيني رايه تكفون
أكتب وانا أبكي كنت حاسة إني حامل واليوم تحطمت
الله يعوضني

[ملاك الروووح]

يالله ياكريم تفرح قلبي وقلب لمسة دفا بالحمل السليم يااااااااااااااااااااااااااااااااااارب

[لمسة دفا]

المشاركة الأصلية كتبت بواسطة ملاك الروووح

يالله ياكريم تفرح قلبي وقلب لمسة دفا بالحمل السليم يااااااااااااااااااااااااااااااااااارب

آمين يارب
مشكورة يالغلا



تكفون وينكم مافي احد عنده خلفية

[أم ريـــم]

حبيبت قلبي لاتزعلي نفسج ولاتضايقن اللي فيه الخير بيصير فديتج

انا ماعندي خبره عشان انصحج بس حبيت ارد عليج وادعي لج بالذريه الصالحه

الله يصبرج ياعمري واكثري من الاستغفار والله يعوضج كل خير

[Nourelhouda]

ان شاء الله حامل يا رب يا كريم ما تقلقي تفاءلي خير و ان شاء الله تفرحي يا رب بشرينا.... الله يفرحك.

[يارب ارزقني مااتمنى]

والله ماعندي خلفية كل اللي اقدر اقوله وانا من قلبي ادعيلك والله
الله يفرح قلبك بالحمل يارب
والله انا حزينه على نفسي وصرت من ادنى شي احزززززن وابكي
الله يرزقك يااختي
ماحبيت اطلع وانا مادعيتلك

[عاشقة الأمل]

الله يفرح قلبك بالحمل السليم المعافى والله ماعندي علم وأنا مثلك مشتاقة أكون أم
ربي يكتب يلي فيه الخير ويبشرك عن قريب

[حامل لأول مرره]

حبيبتي لاتروحي تسوي اشعه ولاشي

اجلسي بالبيت وصلي وادعي لربك وانتظري اسبوع وسوي التحليل

وحطي براسك عشان نفسيتك ماتتعب اذا حملت الان او تاخر حملي الحمدلله ع كل شي

حطي لنفسك انه ذا ممكن يصير وذا ممكن يصير

عشان ماتنصدمي

وربي يرزقك بالذريه الصالحه اللي تسعد قلبك ياررررب

[(ملاذ الروح)]

حبيبتي الله يرزقك بالحمل السليم لاتتضايق واعرفي انو الخيره فيما اختاره الله
ربي لا تذرني فردا وانت خير الوارثين

[ام علوان]

حبيبتي كل شي بإرادة رب العالمين
لا تزعلي لما تنزل الدورة معناتها بداية جديدة لشهر جديد افرحي ولا تضايقي ربي يفرحج قريب بالذرية الصالحة
اعتقد لو كان في حمل كان طلع يمكن خربطة في الهرمونات
عشان جدي اخرتج الدورة يمكن تنزل قريب
لكن الله قدرته اقوى من كل شي يارب تكونين حامل وتستانسين
المهم ارتاحي يمكن فيج شد في ظهرج الراحة اهم شي
والله يرزقج عاجلاً غير عاجل
بس عندي سؤال ليش سويتي تلقيح صناعي ؟