السلام عليكم ورحمة الله وبركاته
كيفكم
حبيت اقول لكم مشكلتي أنا توني جيت من المستشفى وبقولكم مشكلتي من البداية ..
انا طبعا شهر 3 سويت تلقيح صناعي وماربي كتب لي الحمل وقال الدكتور ارتاح شهر 4 بس الدورة في شهر 4 نزلت قبل موعدها بخمس ايام حتى نزلت وماحسيت بها ابدا وما حسيت بأي ألم أول يومين كان دم وثالث يوم خف واليوم الرابع خف أكثر واليوم الخامس اغتسلت المهم انتظرتها هالشهر في 5 مانزلت انتظرتها نفس موعدها اللي كل شهر تجيني وهو 8 من كل شهر لان دورتي كانت منتظمة كل شهر تجي يوم 8 لاكن بعد التلقيح نزلت يوم 5 وهالشهر للحين مانزلت رحت حللت البارح تحليل رقمي طلع 1 يعني سالب مافي حمل المشكله ألم ظهري بيذبحني ماأحس إلا بظهري بس وخفت يكون فيني كيس أو شي توني جيت من الدكتورة قالت انتظر أسبوع وأسوي التحليل مرة ثانية نشوف النسبة إلا أرتفعت..
ماادري وش اسوي والدورة مااحس بها ابدا لاكن الاسبوع اللي فات كنت احس بها انها بتنزل مع ألامها وصدري مره يعورني لاكن ألحين ماعاد احس باي شي إلا ظهري بس
وش رايكم أنتظرأسبوع والتعب مرة يزيد في ظهري والسبت عندي موعد في مستشفى ثاني بسوي أشعة الموجات ..
انا بنتظاركم إذا احد مر بنفس مشكلتي يعطيني رايه تكفون
أكتب وانا أبكي كنت حاسة إني حامل واليوم تحطمت
الله يعوضني