طلبتكم ساعدوني ولاتبخلون علي

[*StrawBerry*]

السلام عليكم بنات شخباركم

حبيت اطرح عليكم مشكلتي

انا حامل الحين بالشهر الثامن وكله تجيني حالة خوف من الموت. وتوتر وقلق وماعرف شسوي لاجاتني حتى ماي ماقدر اشرب واحس نفسي يصير خفيف واحس بخفة بجسمي واقول بموت طبعا من حملت وانا على هالحال والحين زاد علي من نهاية السابع هذا حملي الثاني حتى بنتي مقصره وياها اقلها لاجات تبيني احضنها احس اني عاجزه ماقدر زي الشيء الي يمنعني


طلبتكم ساعدوني قولوا لي شسوي تعبت مرره

[سالي العابد]

انا كنت مثلك بس هالاعراض هي من الوسوسه تعودي من الشيطان الرجيم واقراءي سورة البقرة باستمرار و الاستغفار ولا تتركي السبحه من ايدك حتى تنامي و عن تجربه حبيبتي رح ترتاحين كتير جربي من الليله

[*StrawBerry*]

المشاركة الأصلية كتبت بواسطة سالي العابد

انا كنت مثلك بس هالاعراض هي من الوسوسه تعودي من الشيطان الرجيم واقراءي سورة البقرة باستمرار و الاستغفار ولا تتركي السبحه من ايدك حتى تنامي و عن تجربه حبيبتي رح ترتاحين كتير جربي من الليله

حمدلله على كل حال
اعوذ بالله من الشيطان الرجيم
سورة البقره كله استمع لها باليوم تقريبا4مرات
يسلموو عنوني لاخلا ولاعدم منك ربي يعطيك ماتتمنين

[أعشقه]

انا مريت بنفس الحاله وليومك تجي لي حاولي وبقد ماتقدرين تشغلين نفسك
والله انا تعبت واتعبت بنتي معي صرت ماهتم فيها وخذوها عماتها عني
وكل يوم والله اقلبها مناحه وماخلي زوجي حتى ينام وكله اقوله انا بموووت
وبعدين من دخلت الشهر 8 الا جاني نزيف وتنومت بالمستشفى وجلست يمكن سبوعين وبعدين ولدوني قيصريه
وقبل مااولد قيصريه كلمت زوجي وقلت له وصيتي وقلت له انا بموووت
بس هذي اوهااام وشيطان يخرب عليك ويخليك توسوين
ولدت قيصريه ولي الحين 6 شهور وبرضو للحين احس بضيق وكتمه وكل يوم اقول لزوجي بموت
واصلا الموت اذا جا .. ماراح ينتظرني سوا فكرت فيه ولا مافكرت فيه ..
راح احاول اشغل نفسي واغير تفكيري وانتي برضو حاولي تخلين الافكار الي براسك تكون اجابيه
والله يعين

[*StrawBerry*]

المشاركة الأصلية كتبت بواسطة أعشقه

انا مريت بنفس الحاله وليومك تجي لي حاولي وبقد ماتقدرين تشغلين نفسك
والله انا تعبت واتعبت بنتي معي صرت ماهتم فيها وخذوها عماتها عني
وكل يوم والله اقلبها مناحه وماخلي زوجي حتى ينام وكله اقوله انا بموووت
وبعدين من دخلت الشهر 8 الا جاني نزيف وتنومت بالمستشفى وجلست يمكن سبوعين وبعدين ولدوني قيصريه
وقبل مااولد قيصريه كلمت زوجي وقلت له وصيتي وقلت له انا بموووت
بس هذي اوهااام وشيطان يخرب عليك ويخليك توسوين
ولدت قيصريه ولي الحين 6 شهور وبرضو للحين احس بضيق وكتمه وكل يوم اقول لزوجي بموت
واصلا الموت اذا جا .. ماراح ينتظرني سوا فكرت فيه ولا مافكرت فيه ..
راح احاول اشغل نفسي واغير تفكيري وانتي برضو حاولي تخلين الافكار الي براسك تكون اجابيه
والله يعين

حمدلله على سلامتك يالغلا والف مبروك المولود
مثلي تماما كله اوصي زوجي على بنتي بس انا بنتي عند امي اكثر شيء
بالحيل كاسره خاطري وانا كله اقول يمكن اعراض طبيعيه من الحمل وتروح بعد الولاده
الله يشفيك يالغلا ويشفيني ويشفي كل مريض
ومشكوره حبيبتي لاخلا ولاعدم

[غُمُوض أُنثَى]

ياساتر شو هالافكار

خوفتوني والله

[*StrawBerry*]

المشاركة الأصلية كتبت بواسطة غُمُوض أُنثَى

ياساتر شو هالافكار

خوفتوني والله

بسم الله عليك من الخوف لاتخافين من وحده لوحده يختلف

[مشاعل الدوسري]

الله يهديك التزمي بقرأة القران
بعد كل صلاه 5 صفحات على الاقل بترتاحين.. انشالله

[*StrawBerry*]

المشاركة الأصلية كتبت بواسطة مشاعل الدوسري

الله يهديك التزمي بقرأة القران
بعد كل صلاه 5 صفحات على الاقل بترتاحين.. انشالله

ان شاء الله اختي انا القران على طول يامشغلته يااقراه يسلموو حبيبتي

[jorri sham]

الله يهون عليكي ويفرح وييسر قلبك
قررأي قران ازا عم تقولي شي بيمنعك لا سمح الله ممكن حدا ساحرك ما بدي خوفك
بس لانو السحر بقولو انوو بيمنع من شغلات
انشالله تكون من الحمل والتعب بس هي النفسية والله ييسر امووركيارب