الميزانيه للتجهيز البيبيي اتمنى تشاركوني مهم

[ليان يوسف]

صباح الخير ..
حبيت نتناقش شوي بها الموضوع لاني سألت كم وحدة من قريباتي الميزانية اللي لازم تحطها الوحده لتجهيز نفسها والبيبي وبنسبة لتجهيز اتمنى احد يرد علي يعني المجربات من قبل نظام 3 برباتوزات مهدات مدري كم وكذا مشت معكم الطريقة واغراض الصيداليه متى تشترونها والرضعات مافي مشكلة لو الوحدة اشترتهم من الحين الحمل يختلف من وحده لو حده بس الاغلبيه تقولي لو اني مجهزة من السابع كان احسن لانهم تعبو ومالهم خلق شي صاروا يروحون السوق ويالله مشي حالك بأي شي طيب كل وحده فينا لازم تحط في بالها لاسمح الله حصلت لها ولادة مبكرة ؟؟؟؟؟
وهي حاطه في بالها من الثامن بأجهز وصار اللي صار وولادة وش بتسوي خاصتن البكريات شعورك وانتي تجهزين للبيبي وتختارين له ولك ع ذوقك شي جميل اتمنى تفيدوني وتنصحونا نصيحة حلوة والله يسهل علينا يارب ويتمم علينا بكل خير اللهم لاتذرني فردا وانته خير الوارثين ....

[شهـــ ksa ـــد]

انا بصراااحه احس إنه الوحده تبدأ تجهز من بعد معرفة نوع الجنين من الرابع
و تكونين مخططه و كاتبه كل شيء بورقه عشان ماتروحين و تجيبين شيء ماله داعي

وإذا عالميزانيه مو عاااارفه بصرااااحه كم ان شاءالله ثلاث شهووور و ابدأ اجهههز

[ليان يوسف]

المشاركة الأصلية كتبت بواسطة شهـــ ksa ـــد

انا بصراااحه احس إنه الوحده تبدأ تجهز من بعد معرفة نوع الجنين من الرابع
و تكونين مخططه و كاتبه كل شيء بورقه عشان ماتروحين و تجيبين شيء ماله داعي

وإذا عالميزانيه مو عاااارفه بصرااااحه كم ان شاءالله ثلاث شهووور و ابدأ اجهههز

انشالله الله يسهل عليك يارب

[ام الغاليk]

انا كمان بكريه وماني عارفه وش اشري للبيبي وبنفس الوقت متحمسه ابي اليوم قبل بكره بس خايفه عن نفسي وعلى البيبي من كثره المشي انا ببدايه السادس وامي تقول بدري على التجهيز خليه بالثامن

[ليان يوسف]

المشاركة الأصلية كتبت بواسطة ام الغاليk

انا كمان بكريه وماني عارفه وش اشري للبيبي وبنفس الوقت متحمسه ابي اليوم قبل بكره بس خايفه عن نفسي وعلى البيبي من كثره المشي انا ببدايه السادس وامي تقول بدري على التجهيز خليه بالثامن

ياعمري صح المشي الكثير مو زين روحي ع الصباح روقان انتي وزوجك ادخلي محل وامشي شوي شوي وارتاحي شوي لانك بتثقلين انشالله ع الثامن ماتدرين عن نفسك والله يسهل يارب

[ام الغاليk]

ان شاء الله بحاول اروح هالايام الله يسعدك حبيبتي
لان بجد احس نفسيتي تعبت ابي شي يفرحني يارب يتمم لي ولكم على خير واشوف ولدي ويونس وحدتي
اللهم اني استودعتك جنيني وديعه عندك فاحفظه بحفظك ياحي ياقيوم

[منااير]

اول ماتعرفوا نوع الجنين انزلوا جهزوا نصيحة مني والله بثقلوا بعدين والله .. وبعدين جايه الشتا بعدين ينشال الصيفي او يغلى لحقوا اللحين
وبعدين ماحد قلكم لما تجهزوا تهلكوا نفسكم بالتجهيز كل طلعة على الخفيف جيبي كم غرض و لما تبلشوا بكير من الشهر الرابع مارح تحسي ماديا

[Carmella]

مناير ذكرتيني ايام كنت اقضي جهاز عرسي وشالو الصيفي وحطو الشتوي واتورطت واضطريت اخد شتوي لانو مافي وقت
انا كنت ناويه اقضي بالخامس بس بعد مافكرتيني بالمعاناه الي عانيتها لا حبيبي بروح اخدلو من دحين
من زين الشتا عندنا بجده تقولي كأنو مكيف بدون فريون

بس منتظره الراتب ينزل وابدأ ان شاء الله لو كم يربتوز وكم كوفله خفيفين

لكن بالنسبه للميزانيه ما اعرف انا بكريه..بس ماما تقولي مرا تكلف خاصه لو جمعناها مع اغراض النفاس واغراضي
تقولي 5000 ماتكفي لانو منها السرير حقك الي راح تستقبلي الناس وانتي فيه وسرير البيبي ودولابه واللحاف
والتوزيعات وغيره وغيره...
واول فرحتي نفسي اسوي كل شي عشانو

[ام فيصل وجود]

الله ييسر لكم ولنا الأمر
أن شاء الله ببدا تجهيز بالسابع بس الميزانية مااعرف والله لأنو حتى أشياء العطار يبليها

بس أتوقع مكلفه حيل .. ولازم تكثري بربتوزات لأنو الطفل يستهلكها كثير وحلوه تبع مذر كير عن تجربه
تجيك ٥ في كيسه .
واللفات خذي ٣ استعمال يومي و٢ تبع الضيوف

[رضاك يارحيم]

تعبني التفكير بالموضوع
بس انا الحين بنص الخامس
كتبت كل الغراض بورقه فيه موضوع مثبت بقسم الشهور الاخيره
استفدت منوه
وعلى الراتب ببدا اجهز شوي شوي
كل شهر ابي كم غرض
بخلص البي بي اول وبعدين انا
وبعدين العطاره
وبعدين الظيافه
ماودي اضغط على زوجي بشهر واحد كل شي صعبه
كذا اريحلي وله
ونفس الوقت احس متعه كل فتره انزل اخلص شي


الله يسهل علينا