بشروني ولا واسوني:(

[اخت نوره]

السلام عليكم ورحمة الله وبركاته ، اخواتي انا وحده من مليون انسانه عندها مشكلة تأخر حمل. ممكن يكون الموضوع ممل عند الاغلبيه لان المشكله متكرره وبعدة صيغ ، لكن مايحس بالشيء هذا الا اللي فاقده فعلا:(
انا صار لي سنه متزوجه والى الان ربي لم يرزقني بحمل والحمدلله ع كل حال ، المشكله اني لم اكن مستعجله او مهمومه الا بسبة ام زوجي الله هديها ويفتح ع قلبها:(
من شهري الثاني من الزواج وهي ملحة ومصره ان يحدث حمل تعبتني نفسيا وضغطت زوجي، والمشكله هم من النوع اللي يراجع مستشفيات عشان يحمل هذا (عقيم) .
صدمتني بعد مرور ست اشهر من زواجي وقدام زوجي قالت يافلانه ..العمر يمشي وانا ابي اشوف عيال ولدي..ابندعي وادعي لنفسك تحملين وان ماكتب ربي بنزوجه بالولود!!!
يالله كيف حسستني اني عقيم وكيف حطمت امل الامومه عندي ، الله يسامحها من حقها تشوف عيال ولدها بس لو كانت لم تجرحني!المشكله زوجي سكت وماقال شيء..كل اللي طلع معي ابتسامه وقلت ان شاء الله خير.


صرت كل شهر ااوهم نفسي اني حامل وانه تجيني اعراض ومره طرت من الفرح دق واحد ع زوجي قال حلمت بك وطلع تفسير حلمي ان مرتك حامل حللها.طرت من الفرحه لاني كنت اوهم نفسي بالحمل اصلا وعلى طول جاب لي تحليل منزلي ، وللأسف سالب..وماصدق ورحنا المستشفى وحللت دم وللأسف!
احس زوجي فقد الامل كلشهر اطلبه تحليل منزلي وكان ينتظر ويهتم واللحين ابدا مايسأل وش النتيجه ووش صار؟صرت افكر اني اروح لاهلي بكرامتي:(
والمشكله اللي عندي هي ارتفاع بهرمون الحليب)..حللت فترة ماكنت عند اهلي


اللحين مدري احس ان عندي اعراض حمل اخاف اني برضو واهم نفسي وانكسر بشوفك الدوره!.
واستحي اطلب زوجي تحليل منزلي .
كثرة نوم ، خمول ، دوخه بدون غثيان، حرارة ، احتقان بالحلق،ظهري شوي يؤلمني،سويت تحليل الكلور ونفع معاي والنتيجه ايجابيه ، ونبض السره برضو ايجابيه؟ اخاف انصدم :(
اعطوني من خبراتكم ، الله لايحرمني ويرزقني وكل متأخره بالذريه الصالحه:(