حبايبي ساعدوني تكفون والله تعبانه جدا

[الحلوة جدا]

السلام عليكم ورحمة الله وبركاته

شخباركم شمسوين شعلومكم انشالله كلكم ياحوامل بخير ؟؟

المهم بقولكم سالفتي

انا حامل بالشهر التاسع وباقي اسبوع واخلصه وادخل العاشر

وقال لي الدكتور راس الجنين فوق ولازم عمليه وانا خايفه ولارحت الستشفى اسوي العمليه

قلت بصبر اشوي يمكن ينتكس راسه وينزل تحت

وحركته طبيعيه وكل شي حلو وكويس

بس اذا عندكم حلول او اقتراحات خل اسويها خلال هالاسبوع

طلبتكم يابنات لاتبخلون علي بحلولكم

فديتكم ربي يسهل عليكم يارب

مع السلامه

[فرحه]

حبيبتي المستشفى هو الحل لك لان الجنين اذا عدى شهر التاسع مو زين تنقص عنه الموية
وربي ما حط هذا الشهر للولادة سبحانة الا له قدرتة في ذلك
لا احد يقول المشي لا لان المشي يجيب التعب لان الراس مو تحت
ولا احد يقول اشياء وخرابيط
الحل انك تروحين
والله يقومك بالسلامة
وتولدين بصحة وعافية وجنينك بخير يارب
طمنيني عليك

[muneera1970]

ربي يسهل عليك وعلي بعد
بالنسبة لي تعبت من دخلت تاسع وانا تعبانه
يارب يسهل عليك وينزل راس البيبي وتكون ولادة طبيعية

[al-johara]

حبيبتي عندنا في قطر حريم يسوون نفس المساج فالبطن

عشان يعدلون وضع الجنين في مثل حالتج

مادري اذا عندكم ولا لا بس اسالي

انا رفيجتي كانت فنفس حالتج فالتاسع والبيبي مقلوب راحت عند وحده تعدلها وضع الجنين

والحمدالله ولاده طبيعيه

الله يهون عليج حبيبتي

[rnoom~,]

آوه آجل .. , آنآ .. بنفس مدينة al-johara بقطر وصرآحه قد سمعت عنه ..

إخت زوجي رآيحه له .. وتقول شغلهم زين وععدل والله يسسهل علي وعليج وعلى الثآنين حبيبتي

[ميلا فؤادى]

ان شاء الله تتدير راس البيبى ...

وتولدى طبيعى ...

اللهـ يقومك ويقومنا كلنا بسلامة ياا رب...

ادعولناا ...

[سوسو *$*]

سمعت والله اعلم الحبي زي الاطفال يعدله وادعي ياعسل ادا ربي كتب تولدي طبيعي حاتولدي طبيعي

[نبع المحبة]

خيتوو ادعي الله ان ينزل راس الجنين تحت
وفي عيادات يسوو مساج عشان يتعدل مكان الراس
الله يكون بعونج وتولدي طبيعي

[غلازوجي]

اهلين حبيبتي اتذكر امي كانت تقول اذا كان راس البيبي موتحت احبي على ركبك مثل البيبي
ولله يسهل ولادتك ويقومك بسلامه وتولدي طبيعي

[حورية المحيط]

لا تنسي يا حبيبتي قول الرسول الكريم صلى الله عليه و سلم عن ماء زمزم :" زمزم لما شرب له" أشربيه بنية تعديل رأس جنينك و تولدي بالسلامة , و إذا ما توفر لك أقرئي سورة ياسين في موية مرة و اكثر في اليوم و اشربيها و بللي بطنك بها , و ربي ياخذ بيدك و يعدلك الجنين تولدي طبيعي بسهولة يارب ...