ساعدوني يا أخواتي

[نبع المحبة]

السلام عليكم ورحمة الله وبركاته
أخواتي العزيزات اليوم المفروض أبدل البامبرز مال بنتي الساعة 7 لكن كنت مندمجة مع الحلقة ونسيت أبدلها مع اني كنت أعرف انها متبرزة فيه بعدين اتذكرت الساعة 9 يوم رحت أبدلها ونظفت البراز وجدت الجلد محمر وطلع منه دم
أنا خفت وقلت لريلي يتصل عالطبيب وقال الطبيب هل الدم طالع من الشرج قلت لا هو طلع من الجلد عشان البامبرز قال ما عليه بسيطة حطي سودو كريم لين ما يخوز الاحمرار اللي هو أعتقد يسمونه (( طفح جلدي))
صرااحة ندمت على اللي سويته لأني متعودة أبدلها باستمرار تقريبا كل 3 إلى 4 ساعات وأشتريلها البامبرز الأبيض وأحطي لها سودو كريم يوميا والحمد لله ما كانت تعاني من الاحمرار أو من الطفح لكني اليوم خليتها 6 ساعات بالحفاظ بسبب إلتهائي بالتلفزون وهي كانت متبرزة أتوقع هذا كان سبب الإحمرار ،،، سؤالي الآن يا أخوات هل أوديها المستشفى أم أسمع كلام الطبيب ؟

[ام ديالأ]

مايحتاج المستشفى وحتى وانتي منتي مهملتها عادي هذا الشي كل ألاطفال يصير معاهم كذا

[اهات الصمت]

شي طبيعي يصير معاها كذا مايحتاج تودينها مستشفى سودو كريم مره تمام استمري عليه

[مخلصة رغم الجروح]

حياتي مايحتاج مستشفى حطي كريم وبأذن الله تروح الله يحفظها لك

[ام رزان1]

مثل ماقالو الصبايا
مايحتاااااج ولدي اختي كان زي كذا والحمدلله
كم يوم وراح حتى اثار مافيه
بس استعملي الكريم بنظام وانتبهي للحافظ
وانشاء الله يطيب

الله يخليه لك يارب

[مشاعل الدوسري]

نتائج الكريم على حسب تفاعله مع الجلد انا بنتي كريم سودكو ما يتفاعل مع جلدها بسرعه فا استخدم كينا كومب مرهم ..
بيوم يبين فررررررررررررررررررررق واضح

[شموع الورد]

عادي واذا ماراح استخدمي ميبو ع طول

[نبع المحبة]

الحمد لله أبشركم انه ما شاء الله راح الاحمرار والتورم شكرا عالافادة خوااتي