متى ,وهل ,تفضلين اخبار الناس بجنس الجنين ؟؟؟

زهرة البنفسج · 07-07-2010, 10:41 AM

بسم الله الرحمن الرحيم
اخوتي دائما السؤال اللي يتردد متى نخبر بالحمل ..
لكن انا بسألكم سؤال ثاني يعني زي الاستفتاء ..
هل تخبرين بجنس الجنين اذا ولد ولا بنت اول ماتعرفين ؟؟
انا من الحين وانا ببداية الرابع الناس هلكتني اسئلة عرفتي بنت ولا ولد ولا لا ؟؟
وانا ماعرفت للحين وبما ان هذا اول حمل بعد 7 سنوات الحمدلله ..ماادري اقول على طول ولا لا ؟؟
عشان كذا قلت بشوف انتوا اش تسوون لو بموقفي ؟؟
مشكووووورين

green · 07-07-2010, 10:48 AM

انا بصراحة توني في الشهور الاولى بس

لو اعرف ماراح اعلم احد حتى زوجي

اعرف كثير علموا انه ولد و توفوا الجنين وقت الولاده او بعدها على طول

ماله اي داعي يعرفون

العين حق و ما شاء الله

زهرة البنفسج · 07-07-2010, 10:51 AM

مشكورة ياقلبي الله يتمم لنا بخير ..
والله كلامك صح انا عمتي قبل سنه حملت وقالوا لها ولد وعلمت كل الناس واول ماانولد مات بسلامة كل الاخوات بس عشان كذا انا خايفة

زهرة البنفسج · 07-07-2010, 11:12 AM

هيا بنات انتظر ردودكم

green · 07-07-2010, 11:13 AM

نصيحة لك لاتعلمين لانك تاخرتي بالحمل

يكون فضول الناس عليك بزياده

اذا سالوك قولي مابان مسكر رجوله او معطينا ظهره

انا بصراحه يرفع ضغطي اللي يدخل في شؤون غيره

عالم الخيال · 07-12-2010, 05:29 PM

اقتباس:

المشاركة الأصلية كتبت بواسطة green

نصيحة لك لاتعلمين لانك تاخرتي بالحمل

يكون فضول الناس عليك بزياده

اذا سالوك قولي مابان مسكر رجوله او معطينا ظهره

انا بصراحه يرفع ضغطي اللي يدخل في شؤون غيره

فعلا صادقه والله

انا معاكى

نهائيا لالا تقولى لاحد
والله يسهلك

زهرة البنفسج · 07-07-2010, 11:17 AM

اختي الله يسعدك والله انك حاسة فيني يسألون بزياااااادة
بس زوجي يروح معاي الاشعة وخايفة هو يقول ..
وعادي اكذب اخاف يكون علي ذنب

green · 07-07-2010, 11:29 AM

انت اعرف بزوجك اذا ما يمسك كلمه قوليله خلك برى

بعدين خوفيه بالقصص عشان يسكت والافضل ما يدخل

قريبتي دخل زوجها معها وعرف انه ولد ما بقى احد ما علمه

وولدت ولدها تعبان كانوا ينتظرون ان يتوفى

لكن رحمة الله اوسع

لكن حركته ضعيفه وكلن فيه ليونه في العظام

ولها كم سنه والى الان مراجعات باستمرار في المستشفيات

الله يشفيه و يعافيه و يقر عيني والديه به يارب

والله الوحده احيانا تضطر تكذب بسبب فضول الناس

الله يوفقك و يثبت حملك و يكفيك شر الناس و يقومك بالسلامه و يقر عينك بشوفة صغيرك سليم معافى تام الخلقه يارب

~~لحن الحياة~~ · 07-07-2010, 01:14 PM

حبيبتي الناس ما بتترك حدا بحالو
انا من راي تقوليلون العلم عند الله والي بيجي من عند ربنا انا رضيانة في
وانشالله بتكملي حملك على خير

منااوي · 07-07-2010, 01:22 PM

لاتخوفووووني بناات انا قلت لكل الناس ان ببطني ولد وش اسوي؟؟؟؟
مع العلم انو كنا مخططين انا وزوجي مانعلم احد بس الله يهديه مادريت الا واهلي واهله يعرفون وقتها اعترفت بعد ماله داي اكذب اكثر

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري