اللي ولدت في التخصصي ولا رعاية الرياض تدخل وتشور علي

[منااوي]

السلام عليكم
كيفكم يا صبايا ياحلوين
انا عضوه جديده بالمنتدى بس متابعه من زمااان
واستفدت كيييير من المواضيع اللي بالمنتدى وكل مايطري ببالي سؤال القاكم سائلين عنه بس اقرى عن جد ريحتوني بس الصراحه مااشوفكم تتكلمون كثير عن المسشفيات الكويسه واللي مو كويسه والدكاتره والخوات اللي والدين وكاتبين قصص ولاداتهم اذا كانت ميسره ولا متعسره ياليت لو يكتبون اسم المستشفى اللي ولدت فيه والدكتوره اللي ولدتها وكيف معاملتهم علشان الكل يستفيد انا الحين حامل بالسابع ومررررره محتاره وين اولد انا حاليا اتابع بمستشفى الوطني بس اخر مره رحت عندي موعد ودخلت قسم الولادة وانا اول مره ادخله لقيت الدكتوره اللي انا اتابع معاها تبي تولد وحده بس كانت قاسيه معاها جدا وتصارخ والبنت ياقلبي خايفه وباين عليها صغيره مره كرهت الدكتوره وانشالله مااولد عندها هي مصريه الله يهديها المفروض تكون احن من كذا ماعلينا انا محتاره بين مستشفي التخصصي الطبي بالرياض اختي ولدت فيه وكانت قيصري واخذت عندهم ابرة الظهر للتخدير وتقول انها مرره كويسه ولا حست فيها ولاصار لها مضاعفات والمستشفى الثاني رعاية الرياض التئمينات سابقا هذا مستشفى صراحه احس انه مرررررره كويس بس ابي اسئل مين مجربه تولد فيه واخذت ابره الظهر لاني ناويه اخذها انشالله واولا واخير التيسير من عند الله لاهو من مستشفى ولادكتوره بس برضو لازم ناخذ بالاسباب
واسفه على الاطاله
والله يقوم كل الحوامل بالسلامه ويشوفون اطفالهم بصحه وعافيه
ااه تعبت

[منااوي]

ياوييييييييلكم من ربي محد رد علي وانا متعبه نفسي وكاتبه كلام كثير

[منتهى الرقة]

ماعرف عن المستشفيات اللي ذكرتيها

الله يسهل عليك ولادتك

[ام هديل]

أنا عن نفسي أنصحك في رعاية الرياض أنا أراجع عندهم ورعايتهم بالمرة حلوة وبالنسبة للولادة أول مرة أولد عندهم لكن كثير أعرفهم ولدو فيه وكانو بالمرة يمدحونة وطبعن كنت أسال الي الحوامل فيي المستشفى وقت المراجعة وكانو يمدحونة في الولادة القيصرية عند الدكتورة رغد وشاهدة وأنشالله بولد عندهم مع الدكتورة كيران أنا مرتاحه معها ولها في المستشفى 18سنة

[منااوي]

يسلمووو منتهى الرقه على المرور

[منااوي]

يسلموو ام هديل وانا بعد احس ان رعاية الرياض افضل من ناحية الخبره والعالم كلها تولد عندهم اكثر قريباتي يولدو فيه بس ابرة الظهر انتي ناويه تاخذينا >>>>>>> شريره تبي تدخل الفكره براسك
والله يعطيكي العافيه اذا رحتي تراجعين اقرب موعد اسئلي الدكتوره عنها اذا كويسه وعندهم احد خبره وارجعي خبريني
>>>>> مررره تمووون

[أم ليان 1000@]

طيب ممكن سؤال الولادة بكل من التخصصي ورعاية الرياض بكم ؟؟؟ طبيعي أو عملية
والتخصصي هو نفسه مستشفى الملك فيصل التخصصي ؟؟؟

[صعبه]

انا مو من الرياض والا كان افدتك قلبي


واصبري اكيد البنات بيجااوبونك وانتي بعد استخيري قبل تعزمين على مستشفى محدد


الله يقومك بالسلامه

[منااوي]

ام ليان والله مااعرف بكم الولادة بس اعرف ان التخصصي العمليه باثنعشر الف هذا من علم اختي
والمستشفى لا يختلف التخصصي الطبي عن فيصل التخصصي
وثانكس ع المرور

[منااوي]

يسلموووو صعبه على المرور