الهديه

[جميله وشيك]

بسم الله الرحمن الرحيم

انا طول الوقت هنا في المنتدي اعلق وبس لكن بجد نفسي اعرف رأيكوا في موضوعي مش هسميها مشكله لاني معرفش هي مشكله اصلا والا لاء باختصار زوجي طيب وحنون وفيه كل الصفات الكويسه اللي في الدنيا ماعدا......المجاملات...... يعني احنا متعودين عند اهلي في اعياد الميلاد والمناسبات نجيب هدايا لبعض احنا متجوزين من اكتر من 3 سنين عمره ماجابلي هديه مع اني في كل مناسبه بجيبله هديه عيد جوازنا وعيد ميلاده حتي في عيد الحب لكن الموضوع لو اقتصر عليا خلاص مش مشكله المشكله اللي بتخليني محرجه وفي نص هدومي لما نروح لاهلي احنا بنروح مره كل 3 شهور او حاجه برضه مش بيرضي ناخد معانا حاجه هو مش بخيل خااااااااااااااااااالص والله بالعكس بس يقولي كبري كبري هما مش غرب انا بتكسف جدااااااااااااااا ومش بايدي حيله مره وقفت تحت العماره مش عارفه اطلع مكسوفه وهو يقولي ايه ماتطلعي قلتله طب هندخل كده بايدنا فاضيه يقولي احنا رايحين عند حد غريب اطلعي اطلعي وطلع وسابني واقفه وفي الاخر طلعت ببقي مكسوووووووووووووووفه جدا وانا داخله كده فاضيه وبدخل الاقي امي عاملالنا وليمه اكل اشكال والوان وانا ماشيه بتعطيني فلوس واكل ولحوم وكل شيء ع اني متيسره الحال الحمد لله تقولي ماينفعش تمشي بايدك فاضيه طيب يعد كل ده ينفع ادخل بايدي فاضيه؟؟؟؟؟؟

رأيكوا ايه هل انا مكبره الموضوع وازاي اوصله النقطه دي انا بتكسف جداااااااااااااااااا اتكلم معاه في الحاجات دي هو عمره ماحرمني من حاجه وبيديني فلوس دايما بزياده بس الهديه ليها طعم تاني هل انا صح والا ايه؟؟؟ معلش طولت عليكوا