السلام عليكم ورحمة الله وبركاته ..
اللهم صل وسلم على نبينا محمد ..
ولادتي كانت في تاريخ 18_6_2010 والموعد الدكتوره
معطتني تاريخ 28-6-2010 قبل بعشرة ايام ..
في تاريخ 17 الصبح الساعه 11 نزل على ماي واااايد وانا بكريه وماعرف شو اسوي بس كنت اعرف ان هذي من اعراض المخاض (من كثر مااقرا عن الولاده في المنتدى )سالت امي ووقلتلها نزل على ماي واااايد بدون ريحه ،،قالتلي هذا شي عادي مجرد ريح ووصخ ((ماتباا تخوفني )) وكنت انتفض وارتجف من الولاده ،،دشيت الحمام وسبحت وخذيت شور (استعد حق الولاده) ..بس ماشي تقلصات
الساعه 1 تغديت عادي واسولف واضحك
عالساعه 3 سرت عند يدتي تمسحلي بطني (عسب تسهيل الولاده)بعدها سرت البيت وتعبت حسيت بتقلصات وكل 10 دقايق ادش الحمام بس ماينزل شي ..
الساعه 6 سوتلي امي قرفه شربت شوي من التعب ماقدرت اجلس تقلصات شديده تجيني وترووووووووووووح كل 5 دقائق (الله يستر) قالتلي اختي تعالي انروووووح المستشفى يمكن بتربيييييين قلتلهاااااااا لا مابروووح مافيني شي عادي تقلصات تروح وتجي بعدين بروووح اذا زاد علي ...
اخوي شافني وجاب ماي زمزم وحط فيه زعفران اصلي وشربت منه شوي قالي اشربي زياده قلتله ماااااقدر خلاص ..
بعد صلاة المغرب تعبت خلااااااااااااااااااااص دمووووووعي اربع اربع تعبااانه قلت حق اختي يالله انسير مستشفى تعبانه واااااااااااااااااااايد وتقلصات شديده جدااااااا بموووووووووووووووووووووووووووت وسرناااااااا وصلنا الساعه 8وفحصوووني قالووولي ولاده ومفتوووووووح 5 سانتي باقي 5..
خلوووني على سرير وحطولي تخطيط قلب حق الياهل وانا اصيح ظهري يعورني وحوووضي بيتفتت واحس ان شي بينفجر مني من تحت وشوي جات الممرضه وسوتلي غسيل معده (ماء حار وصابون )وقالتلي سيري حمام ..
سرت الحمام بس البووول مانزل عندي وقالتلي الممرضه ليش مايسوي بول اقوووللها البول ماينزل عندي ,,الممرضه زقرت استشاريه وجات عندي وقالتلي انتي عندج التهابات فظيعه فالمثانه عشن جيه البول ماينزل عندج وقالتلي ليش فالمراجعه ماقلتيلهم انج تعبانه والبول متعبنج قلتلها والله كل مراجعه اقوللهم ان مثانتي تعورني ويردون علي ويقولولي ان هذا عادي لان راس الياهل تحت ...
وركبووولي قصطره حق البول يعوووووووووووووور وااايد الله لايبليكم وجلوكوز وطلق صناعي
والدكتوره كل نص ساعه تفحص كم سانتي والله العظيم وااايد يعور من ساعه 8ونص لين 12 يفحصوني كل نص ساعه وفالاخر جاني طلق وفتح10 سانتي بس مركبيلي اكسجين منوم كنت بنام اثناء الطلق بس مسكت عمري بس المشكله الكبيره ان النونو نام ف بطني ولف راسه تحت عند الحوض .. وامي سايره
فالاخير تعبت وكان بيغمى علي ركضت الدكتوره عند زوجي عسب توقيع ياااا شفط او قيصريه وكنت اصارخ وشاله المستشفى .،، جات المستشاريه وشقت العجان ودخلت ايدها عسب الشفت وشفطو اليااااهل الحمدالله ارتحت واستوالي تمزقاااااااااااات ونزيييييييييييف والتهابات ،،(بعدني ماخلصت قصتي))
جات الدكتوره سودانيه وسوتلي خياطه يمكن قاعده اتخيط نص ساعه بعد ماخلصت خلتني ارتاح نص ساعه ،بعد نص ساعه جات استشاريه عسب اتشوف الخياطه (انصدمت وطلعت عيووونها وتفاجات وقالت حق الدكتوره انتي شو سويتيلها كله غلط ))....
الاستشاريه بطلت الخياطه كلها وخيطت اماكن معينه وخلتني تحت الملاحط من ساعه 2 لين 5 وحطولي ثلج يومين عسب يخف النزيف والحمدالله الحمدالله شفت بنتي