كرهت الحياه والسبب >>> والدي

[عروووس لحبيبي]

السلام عليكم
اتكلم عن صديقتي او اختي لاني تعبت من حالها وساتحدث بلسانها


كرهت الحياه والسبب والدي الذي لايرى الا نفسه
اناالثانيه في البيت واختي الكبيره تزوجت وانا تو تخرجت من الجامعه وقتي كله لاهلي دوم اساعد امي واذاكر لاختي الصغيره ،، والدي العزيز لايرضيه شي دائم الزعل لاتفه سبب وصعب الارضاء لايقبل الاعتذار بسهوله لحضة هو راض ولحضة هو زعلان ولسبب ليس له وجود مثلا
لم انا مشغوله ؟
انا لا اساعده ( حيث انه لا يحب ان يفعل شي بمفرده حتى في اصلاح السياره مثلا او شيء مكسور ) ؟
لم تاخرت في النوم ؟
ويعاملني كان لا شخصيه ولا راي واذا اشار بشيء فهو واجب وليس خيار حتى الذهاب الى السوق ويتدخل في ادق التفاصيل مع ان للانثى خصوصيتها لا يحترم مشاعري ابدا
لا يرى الانفسه فقط ومشاعره هو وتفكيره هو ورايه. هو ومايحب هو و هو هو هو

هو كريم جدا لكن هل كل شي الماااااااال ؟؟؟؟؟


تعبت من هذا الحال واستنفذت طاقتي وصبري وامي لا تستطيع شياء وما يزيد الامر سوءً انه تقاعد من الشركه وهو خمسين سنه فقط

اصبحت افكر في الزواج كحل للخلاص لكن ما باليد حيله

نصائحكم ،،،
والله نفسيتي تعبانه عليها ومو عارفه حل ادعمها نفسيا فقط واعطيها امل في الحياه وادعي لها

[مشاعل الدوسري]

مالفت نظري الا


اصبحت افكر في الزواج كحل للخلاص لكن ما باليد حيله





ابدا ابدا ما تحط الزواج مهرب من البيت لان ممكن تبتلى بواحد العن من ابووها ..

أغلب الي تزوجو هروب من منزل اهليهم و عشان يفتكون من مسئولية البيت ..

مو مرتاحين في بيت ازواجهم ..

الزواج استقرار في النفس و قناعه تامه بأمور الزواج ..

الزواج احترام الزوج اهتمام بلبيت اهتمام بلنفس اهتمام بلطبخ ..
مع احتماليه انجاب طفل يعني ايضا مسئوليه ..
الزوج راح يكون في دوامه و له حياته بعد الدوام و الروتين اليومي و و و الخ ..

تشيل فكرت مهرب الزواج



لكن تدعي بك صلاه ان الله يرزقها بلرجل اللي تتمناه و تذكر صفاته ..

انا قبل لا اتزوج
قبل زواجي ب 3 شهور هلفتره هذي كل اسبوع او اسبوعين انخطب...
فا كانو اللي يخطبوني كلامهم مو مريح..
فا دعيت دعاء بصلاتي .. و قلت

يارب ارزقني برجل يحتاجني يحتاج وجودي حناني و عطفي ..
يارب ارزقني برجل يقدر ذاتي و يحثني على صلاتي ..

و لما تقدم لي زوجي كان بجد محتاجني لانه كان مطلق و عنده ولد ما في حد يهتم فيه و هو نفسيته دمااار ..
ثاني شي اول طلب اطلبه قال ابيها تصلي ما قال ابيها طويله بيضاء و جميله و شعرها كذا و كذا

فز قلبي على كلمت ابيها تصلي و محافظه و اخلاقها كويسه و روحها مرحه الحياه محتاجه لمثل هلامور.. لما دخلت اشوفه قلت له

انا ما اصلي داايم لكني اصلي .. قلت تجيني فتره اهمل بصلاتي ..
و كذا و كذا و كذا شروطي.. هو احترم صراحتي و قالي نساعد بعض عشان نوصل بمراتب تشرف في دينا .. و نحث بعض على الصلاه .. ارتحت له و وافقت و تذكرت دعائي ..

الطلب اللي كنت اطلبه من ربي بكل صلاه حققه لي ..


فا تلتزم بصلاتها و تدعي لابوها و تقوم الليل و تكون النيه نية الدعاء للوالدين و لها و للجميع ..

تدعي بكل وقت و تحسن عملها لاهلها ..


قبل لا اتزوج ..

كنت انا الوحيده اللي ارتب و انظف في البيت .. كنت اصحى قبل الصلاه صلاة الفجر انظف غرفتي
و انظف و امسح الصاله و المطبخ و اجمع الغسيل اللي نشرته قبل لا انام .
و امسح الممرات و هذا كله اسوي عشان امي لا تتعب ..
بيتنا كان دورين ..
بعدها اصلي .. و بعد الصلاه اجهز للفطور و بعدها البس ملابس المدرسه و اروح ..
اول ما ارجع اشوف اذا في غسيل اغسله و لا لا ..
بعدها اخذ لي فرره على الدور الثاني وشهو اللي تعفس فيه و شهو اللي محتاج ترتيب .
و اروح اتغدى و ارجع اكمل ترتيب .. انام ساعتين و اصحى اكوي الملابس اخلص من الملابس ادرس دروسي ..
كل هذا كان على راسي .. رغم ان محد طلب مني ..و اختي المدلله ما كانت تحرك شي ما اهتميت اهم شي ما اشوف امي تعبانه يعني لما
الواحد يساعد اهله يساعدهم بصفاء النيه من قلب يسمونه البر بلوالدين طاعتهم و مساعدتهم ..

[ام ديالأ]

ياحبيبتي شي عادي مافيها اي مشكله ابوك ويعتمد عليك اي بنت وحيده في البيت هذا حالها وتحكم في السوق ونوم عادي لانه عارف انك في يوم من الايام بتتزوجين مثل مأختك وراح يفتقدونك من جد شي عادي

[احساس أنثى]

حبيبتي اكيد انتي مالك اخوه لهيك معتمد عليكي !!

[شوق وحنين]

سمحي لي ما فهمت.. انتي مب متزوجة؟ منفصلة يعني؟ لأن توقيعج فيه شريط الحمل..

[ويدو الحبوبة]

اختي ابوها ابوها لا يعلم حبه لها الا الله مافي اب في الدنيا مايحب فلادات اكباده الا انه لا يضهرها لها لازم تشيلكل الافكار السوداويه عن ابوها
لازمها تكلم امها ليكون دور في تغير الاب و لو قليلا
ي
يجب ان تستغفر الله كثيرا و ان تدعي له بالهدايه و ان يحنن الله قلبه عليها
والله يعطيها زوج صالح يعينها و يسعد حياتها

[ويدو الحبوبة]

المشاركة الأصلية كتبت بواسطة شوق وحنين

سمحي لي ما فهمت.. انتي مب متزوجة؟ منفصلة يعني؟ لأن توقيعج فيه شريط الحمل..

اختي هههه ان الاخت تحكي بلسان صديقتها

[عروووس لحبيبي]

شكرا لكم ع الردود

مشاعل : ترى انا دوم ادعي لها وما تغيب عن بالي ابد هي غاليه علي وحامله همها
انا معاك في اللي تقولينه عن النظره الى الزواج لكن عارفه المجتمع و وضع البنت فيه أغلبهم مستضعفات بين هالجدران والزواج هو الحل لنهاية العذاب


لا هي مو الوحيده عندها اربع خوات غير اللي تزوجت وحده اخر سنه جامعه والثانيات بالمدرسه وعندها ثنين اولاد
هي من نفسها تساعد امها ما حد يقول لها وهي طيوبه اصلا وما تشكي من مساعدة الاخرين بالعكس كثير احيان تهمل نفسها عشان الباقي هي مشكلتها ان ابوها ما يقدر ولا يحترم مشاعرها ولا يحسب حساب الغير اهم شي انا ويش ابغى
مثلا تعرفوا لما يكون شخص ملان وفاضي كيف يتصرف ويختلق سبب لمشكله او يحط قوانين او يتفلسف ويرى الاخرين دوما اقل منه وما يسلموا من الاهانات
البنت كبرت المفروض تتغير المعامله سوا تزوجت او لا ما يصير يعملها ويتحكم فيها ع انها ياهل

هي طيوبه لدرجه تحسس اللي قدامها انها ضعيفة شخصيه اتوقع هذا اللي مخليه يعاملها كذا غير عن الباقي

ربي فرج همها في هذه الايام المباركه وفي هاليوم اخر جمعه في رمضان

[رواسي]

مافيه مشكله ولا شي عادي

والله فيه بنات يكرفون لين تطيح وجيهم

ماقالو شي بس شكل صديقتك حساسه شوي

لو كانو يضربونها وحابسينها ويكرفونها. هنا نقول فيه مشكله ومن حقها تشتكي

لكن هي تقول هو كريم ومايقصر عليها



الحل ياقلبي هو كالاتي

تغير شخصيتها. هي مو متخرجه وما عندها شغل يعني فاضيه تحاول تنظم وقتها

لاجاء بعد المغرب تضبط القهوة والشاهي

وتجلس مع اهلها جلس عائليه. تسولف عليهم عادي لو تنصب عليهم مافيه مشكله

تسألهم عن حياتهم في الماضي ومن هالكلام

والله مع الوقت تلقى أبوها يقول تعالي خلي الشغل وتعالي سولفي معنا

ابد لاتحط في بالها فكرة الزواج هروب من البيت مو بالضرورة يكون الزواج سعيد