تعبت من التفكير

[مطلقه 23]

السلام عليكم ورحمه الله وبركاته ..
هذا اول مشاركه لي .. انا مطلقه عمري 23 ..
اول شىء بقول لكم اسباب طلاقي ..
1/انا ما حبيت زوجى ولا ارتحت معاه ولا احس معاه بالامان
2/دائم يكذب علي .
3/ضعيف شخصيه بالحيل .ما يعرف يدافع عن حقه .لدرجه اهله يتحكمون فيه.وكل شىء ما عنده راىى ..
4/ابد ما يتكلم معى 24ساعه ساكت واذ سالته عن شىء كل اجباته كذاب .
5/جلست معاه سنه و8شهور والله ولا مره قال لي تعالي نامي ..بالاخير صار يرسل رساله بالجوال ..لكن كلام لالالالا .
6/يستغفلنى با شياء كثيرهه ..
7/دائم اذ صارت مشكله يقول كلام كبير..كبير مرهه ..

دائم يجينى شك انه مريض نفسى ..


المهم تطلقت منه ..وارتحت الحمدلله
تكفون ادعولي ..
بس بعض الاحيان يجيني تفكير ان هالاسباب ماهي كافيه للطلاق ..
وانى ما راح ادخل الجنه ..

بصراحه تعبت
تكفون ابى ردود

[أم لـين]

وليش تفكرين انك ماتدخلي الجنه !!!
يعنى تبليتي عليه قلتي شيء سواها وهو بالاساس ما سواه
الطلاق مباح فليش انتي متضايقه

[شمس الربيع]

خلاص ما حصل شي انتي ما ارتحتي معاه و طلبتي الطلاق و هذا صار من الماضي لازم تنسيه و تفكري بحاضرك و مستقبلك المهم ما معك اطفال

اما دخول الجنة فما له علاقة ابدا بزوجك السابق يعني الناس في عهد النبي صبى الله عليه و سلم ما كانت بتطلق

خلاص انسيه و ما تذكري مساوءه لاحد

امما لاجل دخول الجنة نجتهد بالطاعات و اخلاص الدين لله لذلك اشتغلي اختي بالاعمال الصالحة الي تقربك من رب العالمين و تملا حياتك بالراحة و الرضا بقضاء الله و ان شاء الله ربي يعوضك الزوج الصالح

[احلى من العسل]

ليش تفكري انك مابتدخلي الجنه ليش ربطتي طلاقك بدخول الجنه مالها علاقه ببعص ؟؟؟؟؟؟؟؟؟؟؟
ولازم تفهمي ان كلشي قسمه ونصيب ونتي نصيبك معاه خلاص انتهى وصارماضي فكري في بكره خليك متفائله انتي صغيره والمستقبل قدامك اشغلي نفسك بالاشيا الي تحبيها اذا عندك هواهيه مارسيها اوكملي تعليمك اذا ماكملتي فيه اشياكثير حلوه بحياتنا ممكن نسويها ونسعدبها وان شالله ربي يرزقكك بالزوج الصالح الي يقدرك

[Aum Reda]

شنو ما تدخلين الجنة من اللي قصر هو و لا انتي
المفروض هو اللي يفكر كذا
سنة و نص متزوجة و لا صار بينكم شي لازم فيه مشكلة عنده
اللي صار صار خلاص و الأيام ما ترجع
اهم شي تهتمين بنفسك و بحياتك الجديدة و يا رب يعوضك بواحد أحسن منه

[شيوخه11]

انتي مقتنعه انو اهو مقصر خلاص
بعدين اهم شي الوحده تعيش مع رجل يحترمها يقدرها له كلمه قدام الناس

ياقلبي لاتفكرين ولاشي
الله يعوضك خير منه يارب

[اخت ذات النطاقين]

من جد عيش يومك
والله انا زي حاااااالتك لدرجه احيان ادعي اقول يارب انت تحكم بين عباااادك
يارب افصل بيني وبينه بالحق
والحمدلله
انا تقريب نفس الاسباب الي عندي من طليقي
والحمدلله على كل حاله
وسال الله ان يعوضني ويعوضك خير
وحسبي الله ونعم الوكيل
وكل شي بقدر من الله والحمدلله على كل حاااال