هذا اللي صار .. وش الاسباب ياترى ؟!

حرم الغالي · 08-08-2010, 02:05 AM

السلام عليكم ورحمة الله وبركاته

حبيباتي بغيت استفسر اذا عندكم اجابه شافيه لوضعي

انا متزوجة لي 7 سنوات وعندي بنت وولد

انا حملت من مدة 10 شهور .. وسقطت على طول يمكن كان لي يوم اسقط 43 يوم

طبعا الحمل نزل فجأة .. وقال ان الكيس صغير والحمل نسبته ضعيفة ونزل عادي

بدون مايعلموا لي تنظيف لان الحمل توه ..

طيب زوجي زعل وبكى .. طبعا بعد ماسقطت قالت الدكتورة لازم اخذ مانع مدة 3 شهور عشان ارتاح ويوقف الدم مع اني ماطولت كثير وان انزف زي الدورة

طبعا خذته فقط شهر واحد وبعدها زوجي المملوح حلف ما اخذه وتركته لعيونه

والحين من محرم للحين ماصار حمل .. وزوجي كل يوم يحن فوق راسي ملييييييييييت من حنته .. راجعت المستشفى بعد تقريبا 3 شهور من تسقيطي قال الدكتور عادي دامنك ماكملتي سنه وعلمته بسالفة زين الشباب وحنته علي .. قام وعمل لي سونار عشان يتأكد من حجم الحوض وقال كل شي سليم وطلب مني اعمل تحليل للتبويض بعد 21 يوم من الدورة اللي بتجي .. وعملت تحليل بعد الدوره وطلعت النتيجه انه ماكان في تبويض .. بعدها عطاني منشطات كلوماتيد لمدة 3 شهور واستخدمته اول شهر اختلت عندي الدورة نزلت بس يوم ونص .. واللي بعدها نزلت قليله .. وراجعت المستشفى وطلب مني بعد ال3 شهور من استخدام الكلومتيد اعيد تحليل التبويض ولاادري شالنتيحه لان موعدي على ذو القعدة ..

والشهر اللي بعده نزلت عادي .. وهالشهر نزلت بعد عادي.

طبعا دورتي مالها يوم معين تنزل فيه اول مرة جاتني بعد مااستخدمت المانع جات بيوم : 19 ومره 22 ومره 25 ومره 21 ومره 28 والحين 26 ...

سؤال : مدري هل دورتي تعتبر مش منتظمة ولازم لي منظم ينظمها .؟

سؤال : شنهو يمكن يكون سبب تأخر بالحمل طول هالفترة مع العلم اني ماتأخرت لما حملت بولدي وبنتي .؟

ياليت تفيدوني ... حتى عيالي يحنون علي يبون داده
من كثر مايسمعون حنه ابوهم

بانتظاركم ياغوالي

سمسمه عمرو · 08-08-2010, 02:27 AM

والله حبيبتى للأسف ماعندى علم بالموضوع
كنت اتمنى افيدج
بس ان شاء الله البنات يردون عليجى ويفيدونج

سمسمه عمرو · 08-08-2010, 02:36 AM

ربى يرزقك ما تتمنين عاجلاً وليس آجلاً

حرم الغالي · 08-08-2010, 03:33 AM

مشكورة ياغالية عالمرور والمشاركة النبيله ماقصرتي يالغلا

سولآف · 08-08-2010, 04:07 AM

طيب يالغلا زوجك كشف على نفسه ؟؟

انا مثلك عندي بنت وحده من عقبها ماجبت شي
حتى حبوب منع الحمل اكلتها ثمان شهور بس
ولي كم سنه ما اكلتهم ولما تركنا العزل ماحملت كشفت وصار عندي ضعف بسيط
وعالجت
ولاحملت ذي الفترة كلها بنتي عمرها الحين اربع سنوات
اخر شي كشف زوجي وصار عنده الحركه ضعيفه ؟بالرغم من انوة كان سليم قبل وجبنا البنت طبيعي
يصير للرجال مثل مايصير معنا
ودورتك تعتبر منتظمه لو انها تغيب بالشهور هذا اللي يسمونها مو منتظمه
تقبلي مروري يالغلا

حرم الغالي · 08-08-2010, 04:10 AM

للرفع للشطار

ياويل حاااالي · 08-08-2010, 05:29 AM

اول حاجه حبيبتي خلي زوجك ينسى فكرت الحمل
وثاني شي حطي املك باالله قبل كل حااااجه
ثالث شي انتظري وشوفي الدكتور ايش يقولك لانو هو اعلم بحاااالتك انا دورتي ماكنت منتظمه والدكتوره كتبت لي منظم الدوره شهرين بعدهااا حملت والله يرزقك بالحمل عاجلا غير اجل ويفرح قلبك وقلب زوجك وقلب عيااالك...

حرم الغالي · 08-08-2010, 11:13 AM

مشكورين حبيباتي .. والله ماقصرتوا يالنشميات .. والله كريم

انا بنتي عمرها 6سنوات وولدي عمره 4سنوات .. الله يكرمنا ويكرم الجميع

وردة الأحساء · 08-08-2010, 01:13 PM

الله يرزقنا معكم ماعندي ولا واحد اهئ اهئ .... نفسي افرح بأول واحد بعدين اصير مثلكم افكرك بالثاني والله قلبي محترق ابغى انسى بس ما اقدر لان الدورة كل شهر ...
بالنسبة لكِ أختي أطلعت على المنتديات شفت كثير يقولون ان عصير الأناناس وقت الدورة لين وقت التبويض بعدين خلاص كل شهر يساعد على تنظيم الدورة وتقويت المبايض بس مايصلح للحامل لانه يسقط الجنين

ربي يوفقك لكل خير

شموع الورد · 08-08-2010, 01:23 PM

الله يرزقنا معكم ماعندي ولا واحد اهئ اهئ .... نفسي افرح بأول واحد بعدين اصير مثلكم افكرك بالثاني والله قلبي محترق ابغى انسى بس ما اقدر لان الدورة كل شهر ...
بالنسبة لكِ أختي أطلعت على المنتديات شفت كثير يقولون ان عصير الأناناس وقت الدورة لين وقت التبويض بعدين خلاص كل شهر يساعد على تنظيم الدورة وتقويت المبايض بس مايصلح للحامل لانه يسقط الجنين

ربي يوفقك لكل خير
واللة انا زيك يا حبيبتى
وانتى يا حرم الغالى شوفى كلمى زوجك ب اسلوب لان كثرة الاسقاط يرخى الرحم يصير كل ماتحملين يسقط مرت اخوى مثلك وشلون كلى حبوب المنظم لمدة 3شهر وابعدى عن حبوب منع الحمل وحاولى ان زوجك ما يجيك خلال هاذى الاشهر علشان الرحم يرتاح بعد ثلاث اشهر سوى الى تبغين انتى وابو الشباب