اعراضي دورتي غريبة.... اللي عندها جواب تفيدني

[سيران]

السلام عليكم وجمعة مباركة....انا برأيي انو اي شي بحياتنا اذا تغير فجأة فبكون في سبب،حتى لو تغير للأحسن او العكس...رح فوت عالموضوع مباشرة
من 12 سنة بتجيني الدورة،ومن يومها بتجيني اعراض قبل ما تجي،اللي هو نزول افراز كالماء تماما(مي عادي)قبل الدورة بكم يوم مع وجع فالبطن والظهر بين فترة وفترة
وهذا الشهر لزيادة تعذيبي،مافي آثار لشي،لاوجع لا افرازات،لا اي شي بدل انو انا بأيام ماقبل الدورة،مع العلم انا اليوم 26 من الدورة،والمفروض تجي من اليوم لبعد بكرا كحددددد اقصى
انا ماعم قول اني حامل،ممكن لو حامل كنت حسيت بأعراض الدورة...بس بتعرفو وقت بيطرأ تغير جديد فينا نحنا النسوان فمنستغرب،وهاد برأيي مش غلط.....يعني باختصار اش معنى هي اول مرة بتاريخ دورتي مافي علامات مجيء الدورة......و بضيف معلومة تانية،انا ماعم بشرب لاأدوية ولا اعشاب ولا اي شي ....من يوم ماتزوجت ولهلق،مشان ما تفكروا انو ممكن عم اتداوى و جسمي متغير عالمرة...لا ابدا.....وناطرة هالدورة تشرف لارتاح..استغفر الله العظيم ياربي...حبيباتي ممكن تفيدوني
ولزيادة القهر،جوزي طول هالفترة ماكان بده ولاد...ومبارح اطلع بعيوني بكل حنية وقللي بدي ولد
يعني كل هالفترة كنت واسي نفسي وقت ماكنت احبل وقول يلا عالاقل جوزي ماعم بتق علي عالولد ومابده...يعني كانت رغبتي وحدي...بس هلق هو كمان مشتهي على ولد مني...والحمدلله ع كل شي،جوزي بحبني وبده ولد لانه بحبني مو لانو بحب الاولاد......اخواتي طولت عليكن جد عم وجعلكن راسكن بقصصي،بس بليز اللي عندها تفسير مشان انعدام عوارض دورتي متل ماشرحت تفيدي ولكم الف شكرا سلفا،والله يفرح قلوبكم جميعا...