سويي اشعة الصبغه؟؟ذكري لنا تجربتج وفيدينا

[حرم الشيخ محمد]

شخباركم ؟ يارب تكونون بخير

انا صراحه بتكلم عن موضوع اشعة الصبغه منها نشجع بعض ومنها نضيع وقت من هالتفكير
ومنها ندردش

كل وحده سوت اشعة صبغه تذكر لنا تجربتها وشنو فايدتها

وبعد جم شهر حملتي لما سويتيها؟؟؟



انا امس سويتها وكنت ميته خوووووف

قالت لي الدكنوره اخذي ابره مسكن وانتظريني بغرفة الاشعه...

رحت وطوطحت براسي مادري شسوي جيت بروحي وزجي مايدخلونه برا

لا ام لااختكلهم بعيديين عني...
ادري انهم ماراح يسون شي لو انهم موجودين بس النفسيه شوي تتغير في ناس تهديج..احد يقولج لاتخافين ..بس ماااااااش

رحت وانا روجولي طق بعض من الخوووف

قالت لي السستر نامي ع السرير وافتحي رجلينج انا هني بغيت ارجع من الخوف

وحطوو ففق بطني جهاز تصوير الاشعه ولما دخلت الدكتوره قلت لها شنوو هذا ؟حسستوني اني بحرب
الكل يركض ومتوتر وتورني زياده

جت اقعدت الدكتوره دخلت المنظار وقمت اصيح لااااا دكتوره يعور قالت ماسويت شي للحين قلت مدري خفت يعورني ههههه,,
بدت توسع وتفر وتوسع وانا اقول عادي.... البلا بالصبغه مو بهذي

جاك الموت ياتارك الصلاه ..وافكر شلون انحااش طيب؟؟ 3 ممرضات انا اقول بنفسي استاهل احسن ليش جيت من قالولي اقعدي رحت اركض ع السرير وانا اقعد اتحلطم

وانا حاطه بالي من البنات اللي قريت عنهم الوحده تمووووووت من الالم...

المهم

بعد ماوسعت حسيت شي دخل فيني وانا اقول لااااا تكفين والله يعوور وصج كان في الم بس مايعور مثل ماصحت.انا من الخوف يجيني احاس بالم راح اصيح منه فا اصيح قبل لا اتعور

وهي دخل وانا تكفين مابي خلاااص بقوم وهي تقولي استني شويه

قلت مابي خلاااص ..انا مدري شجابني اليووم شحقى جيت ياربي

واقعد استغفر وادعي واكبر واهلل حسيت نفسي بعمليه جهاديه صراحه...

لما خلصت وقالت خلاص فنش ...قلت يمه مابغيتوووو الدقيقه صارت ساااعه

يمه يوووم خلصوووو فكو الاشعه وقامت الدكتوره حسيت اني مسجونه وفكوو عني
اختنقت

ولما قمت نزل معاي شوي دم وعزكم الله وصخ مثل الاقرازات البنيه اللي تنزل علينا
حسيت ان في شي او بقايه من دوره وتسقيط كان موجود ونزل الحمدلله

قالت لي راح ينزل دم شوي وبعدين عادي...والم اخذي مسكن وخلاص كل شي تمام

كان الالم مثل الدوره بالظبط سبحان الله بس زياده شوي

يعني الم تقدرين تتحملينه بس حنا عيارات والله

وع حسب ايد الدكتوره بعضهم ثقال صراحه,,


المهم طلعت النتيجه سلييييمه وهي مستانسه الدكتوره

قلت تووووووووبه اسويها ولا افكر فيها خلاص بنساها ..تضحك الدكتوره تقول باذن الله ماتحتاجينها..

وربنا كريم يرزقنا ويرزق كل محروم ومحرومه ياكريم

[جمانة نور]

ههههههههههههههه والله موتيني من الضحك توبة اييه،،على العموم انا كمان سويتها من 3 شهور المها مثل ماقلتي زي الدورة بس شوي زيادة انا قبل بنص ساعة أخذت تحميلة حق الألم وبراسيتامول كنت كثيييير خايفة بس الحمد لله عدت

[غصن ألبان]

موضوع حلو تسلمين حبيبتي ...
اني سويتها السنة الي فاتت ، رحت وحدي اني وزوجي
وكنت جدآ مرعوبة لكن ماباليد حيلة مضطرة اسويها لأن
صار سنين اتهرب منها ، طبعآ الكتورة كتبتلي كبسول مسكن
لكن مع الاسف مانفعني بشي ... التوسيع والانابيب الي حطتهم
ماوجعوني لكن الي وجعني هو الصبغة الي تدفعها بالانابيب
والمشكلة صار عندي هبوط بالضغط وكنت حفقد الوعي لولا
رحمة رب العالمين ، الكتورة كانت جدآ حبابة ومتعاونة وايدها
خفيفة ، ومن خلصت نزل دم وافرازات اجلكم الله لكن الحمدلله
ماصار عندي بعدها الم لامثل الدورة ولااقل ... ولحد الان ما
صار حمل والحمدلله على كل حال ... هذي قصتي مع اشعة الصبغة ...ودي♥

[Orchid109]

انا سويتها مرتين
المرة الاولى تالمت لان اللي سوتها لي الله لايسامحها يدها ثقيلة وبعدين صارت معي سالفة يعرفونها بنات المنتدى ماقول الا حسبي الله ونعم الوكيل ومع ذلك طلعت الاشعة غير دقيقة ابدن ابدن

ورحت لطبيب وقالي لازم نعيد الاشعة وقلت لا تعور وقال لا احنا اللي عندنا جهاز متطور والانبوبة صغيرة وهاتك ياكلام طبعاً اقنعني
وسويتها ولله الحمد على كل حال انا اولاً سويتها عند وحدة فلسطينية بمستشفى الحبيب الله يجزاها عني كل خير يكيفي اخلاقها وتعاملها ويدها خفيفة مرة بكل ماتتصورون مافيه الم الا الم الدورة واخف من الم الاشعة اللي سويتها بكثير
وكل ماقلت اي قالت اسفة والله ماقصدي الله يجزاها عني كل خير يارب وكانت واضحة معي مو نفس الاولية حسبي الله عليها الى يوم القيامة

المهم تشخيص الاشعة انو الانبوب الايسر مسكر والحمدلله عاجتها وسويت منظار


نصايحي :

الدورة اللي بتسوين فيها اشعة الصبغة خليك حريصة على تنظيف رحمك لازم مايبقى ولا دم من الدورة هذي حتى تجي الاشعة واضحة وماتعطي زي الضباب بالاشعة انا هذا اللي صار معي الدكتور قالي ترى هذا اللي بالاشعة كله دم كيف اعرف وش فيك !!!!!

٦٠٠ ريال وعلى غير فايدة !

ووعطاني ادوية تنزلها وقال اذا جتك غزيرة لحد ماتحسي حالك نظفتي تعالي وفعلن هذا اللي صار معي .

زي مانتو عارفين الاشعة باليوم التاسع من الدورة ويشترط عدم الجماع قبل الاشعة بيومين !

اخذي ابرة فولتارين او تحميلة مسكنه افضلك قبل الاشعة بساعة مو تخفف الم الاشعة مو مهم الم الاشعة الالم اللي بعد الاشعة هو الالم لانو ماراح تقدري تمشي بعدها وراح تحسي بمغض وكذا.

افضلك خليكي صايمة ١٢ ساعة قبل الاشعة ليه لانو بترجعين غصبن عنك بعد الاشعة فالافضل تصومي فقط ١٢ ساعة عن الاكل

اقولك انسي تجارب الحريم بعضهم عيارات وتكبر المشكلة وكانو سالفة فيها حياة او موت
وكل حرمة ختلف عن الثانية وعلى حسب الطبيب انا اتذكر باشعتي الثانية شفت حرمة سوته وماشيه بسرعة مشاء الله عليها ومعها التقرير ولا اثرت فيها على كلامها تقول بسيطة مرة !

وفيه حريم يتالمون الم مو طبيعي وفيه بنات لا



وبس هذا اللي عندي
وان شاء الله ربي يكتب للاخوات المقبلات على الاشعة الشفاء والحمل العاجل يارب

[امنيتي طفل والله كريم]

انا كمان سويتها مرتين
الاولى قبل سنه ونص اعطوني مضاد حيوي قبلها بأيام
وقبل الاشعه بربع ساعه ابرة فولتارين والحمدلله حسيت بمغص خفيف لما دخلت الصبغه وكانت الدكتوره حبوبه جدا ومتفهمه وكانت الانابيب سليمه وبعدها تقريبا بأربع او خمس شهور صار حمل لكنه طلع خارج الرحم بالأنبوب اليسار.
الثانية قبل ست شهور تقريبا مااعطوني مضاد ولا عطوني مسكن وتعاملهم جاف وحسيت اني بمووووووووت من الألم وطلع عندي الانبوب اليسار مسكر من اثر الحمل الخارجي . وللحين ماصار حمل والحمدلله على كل حال.
نصيحتي للي بتسويها لازم لازم تاخذين ابرة فولتارين.
والله يرزق الجميع الذرية الصالحة.

[حبيبة حاتم]

غدا ان شالله موعد الصوره لي عوده باذن الواحد الاحد دعواتكم

[أم معاذ إن شاء الله]

الحمد لله عملتها الشهر الي فات كان الم محتمل اكثر شوي من الدورة بس كنت اشغل نفسي بالاذكار و اقرا آية الكرسي
الحمد لله انه سوتهالي دكتوورة مو دكتور والله كان اكثر همي لانه الام يتنسى بعدين
الدورة الي بعد الدورة حسيت الدم لونه اسود مو زي العادة !! و الايام الاولى في الدورة كان عندي الم شديد
حسيت اني نظفت جيدا
الله يرزقنا الحمل هذا الشهر

[حيرانة]

سلام...اناكنت راح اسويها الاسبوع الي مر لكن وجد عندي عدوى..الدكتورة قالت الحالة خفيفة و اقدر اعملها لكن لما خبرتها انو عندي السكري قالت لأ لازم اخليها المرة الجاية يعني الشهر الجاي ...انا اريد استفسر اذا سويت اشعة الصبغة (خايفة منها موووووت) اقدر احمل على طول في الدورة الي بعديها (بالكلوميد و الابر التفجيرية) من غيراضرار على الجنين من أثر تاصبغة؟

[زووووز]

مرحبا صبايا
انا سويتها بشهر شعبان اللي طاف بمشفى حكومي بعد انتهاء الدوره بيومين ماعطوني شي قبلها
نمت عالسرير ودخلت هذه حديدة الكشف وفتحتها بعدها دخلت مثل الملقط للتثبيت حسيت بالم منه وبعدها الممرضه بدات تضخ الصبغه وحسيت بمغص قوي لكن محتمل ولما صرت اتالم الدكتور ياخذ الاشعه بغرفه ثانيه صار يقولي اخذي نفس
والحمدلله عدت بعدها قمت ونزل دم و صرفوا لي مسكن للالم ومضاد واستمر الدم معاي خمسة ايام تقريباً
الحمدالله النتيجه سليمه وصار حمل بنفس الشهر ماجاتني الشهر اللي بعده لكن ربي مااراد اجهضته
وانا باعتقادي ان السبب بويضتي ضعيفه
لاني اعالج عن ضعف التبويض وبذاك الشهر ماكنت ماخذه علاج
بالتوفيق لكل اللي سووها هالشهر يارب تحملون حمل ثابت سليم وقريت عن بنات كثير حملوا بعدها

[Um Ghala]

أنا انتظر الدورة عشان اعملها هذا الشهر الله يسسسسهل يآرب .. قالت الدكتورة ضروري اسويها و لازم اخذ ابره مسكنه و مضادات منعا للالتهابات ..

والله يرزقني و يرزقكم من فضله عاجلا غير اجلا يآرب ..