حابه افضفض

[رنيم الشهري]

السلام علكيم
صباح الخير
كيف الجميع
انا اليوم حابه افضفض لان ما اقدر اتكلم في موضوعي لأحد
وانا دائما بطبعي كتومه
انا باقي لي شهر واكمل سنتين من زوااجي
حملت بعد زواجي بــ3 شهور لكن طلع كيس بدون جنين واجهضت
بعد 8 اشهر من الاجهاض عملت تحاليل هرمونات كل شئ تمام وبعد شهرين
عملت اشعة الصبغه طلع عندي ميلان بالرحم وقرحه الحمدلله علاجتها
وبعد تحاليل زوجي طلع عنده الحيوانات المنويه صفر صفر مو يعني انعدام
الحيوانات المنويه تنقسم ا3اقسااام فئه a.b..c.
الاولى تكون قوويه ونشيطه وهي الصالحه للحمل هي الصفر عند زوجي
الفئه الثانيه موجوده لكن فيها نسبة تشوهات عاليه وقلة حركه
طبعا الفئه c تعتبر كلها ميته وما ينظروون لها
من هنا بدأت معاناتي طبعا زوجي اخذ كورس علاج لمدة 3 شهوروحاليا خلص الكورس وانا ما حملت استغفر الله ربي احس ما تغير شئ عند زوووجي
وزوجي مداوم على العسل وحبة البركه
ما تدروون يابنات شنو الي صاير فيني كرهة نفسي حتى عمري 27 احس كان عمري 37
طلع لي شيب وجهي شاحب وما اطيق اقابل احد مرة اخو زوجي تزوجت معاي بنفس الليله وماشاء الله عندها 2 وهي اصغر مني عمرها 17
ما اطيق اطلع من شقتي اسمعها تلعب مع اولاده واسمع اصواتهم اجلس ابكي ودي بطفل يملي علي المكان ويسليني دائما احس بتعب قلق قلة نووم ما اعرف انام من التفكير احاول ما افكر وانشغل باي شئء بس مو قادره الفكره براسي مو راضيه ترووح اكتب لكم وانا دموعي على خدي احس بتشتت اكل بدون شعور اعصب على اتفه الاسباب وصايره ما اتقبل زوجي وصرت اسمع اغاني استغفر الله تعبت من الدنيا ومن الناس الي ما تحس ولا ترحم
طبعا زوجي الى الان ما عاد التحليل لان الدكتور مسافر هذا الي اقدر اكتبه الحين
مو قادره اكمل
بنات ساعدوني انصحوني اطلع من الحاله الي انا فيها