ساعدوني استخدمت حبوب لتخفيف الم الدورة والنتيجة !

[الفراشه الذهبيه]

سلام عليكم

اول مره انزل موضوع عن الدوره اكرههها ليتني ماابلغت

المهم زي ماتقول الاستاذه على قولها حطوها بين قوووسين(___)
انا بقول من دحييييييييين لكم حطوها بين قوسين (الدوره تعووووور)

تعوووووووووووووووووووووووووووووووووووووووووور احس ببكي كل ما اذكر الالم احس محد يتألم زيي

المهم امي الله يرحمها كونت اشوفها تاخد حبوب ثنتين وحده لونها وردي وتانيه صغيييره مره لونها ابيض بس مش عارفه اش كان يعورها وقتها وتاخدها ماادري حبوب ايش يعني ما اعرف من الحبوب غير بنادول واحس اني خبيره بعد المهم شنطة امي من زمااان معايا وفيها ابعض اغراضها دي وعطر وخرابيط كل حاجه ولقيت الحبوب دي فيها بالسطفه شوفت مدتها ماعرفت انتهت ولا لسى المهم منكتر ماهوا الالم عذااااااااااااااااب اخدت الحبوب الي لونها وردي بس يدوب دقااايق وفجأه احس اني بدوووووووووخ وبطنييي ااااااااااخ حسيت بموت وقتها والمصيبه كمان شربت مشروب غازي للأسف ماقدرت اقاومه المهم بطلت اخذها لين جاتني الدوره استغفر الله مرا تانيه في شهر 6 على ما اعتقد وروحت جربت الحبوب التانيه البيضا الي صغيره مره يوووووووووووووووه اسوأ اسوأ من قبل شي فضيييييييييييع صرت بين الحياة والموت ارمي نفسي عالسرير وشويه امشي لانو درسنا انو المشي يخفف الالم صرت امشي وانا اشششهق ابكي من بشاعة الألم واستحي اعلم حد وما ابغى اقول ل أحد مرا مرا اخجل مستحيل اقول لحد

كتبت اسم الحبوب دي الورديه في النت طلع لي كلام طوييييل وممل اني اقراه كلو بقيت انزل انزل تحت قرأت كلمه (والحوامل وووو______الخ) حسيتها تبع حوامل يعني والتانيه كتبت وطلع انها حبوب عظااااااااام

بالله اش الحل معاها تعبت تعبت احس اني وقت الدوره اكون انا مش انا اكون ميته وفي المدرسه اخ يالمدرسه (لا تعليق)