فترة جلوس الطفل

[cup cake]

السلام عليكم ورحمة الله وبركاته

شخباركم شخبار اطفالكم .. الله يحفظهم ويحفظ طفلتي

حبيت اسئلكم واستفتر في اي فترة بدو اطفالكم با الجلوس؟

طفلتي عمرها اللحين كملت 5 شهور و فديتها للحين ماتشد جسمها اقعدها واخلي جنبها مخدات و تنقلب على جنب شلون احاول اخليها تحاول تجلس من اخليها تجلس تصيح و اطيح نفسها على المخده و سوال ثاني بنتها لما كان تطعيمها الى 4 شهور كان وزنها 5.8 و اللحين ماعرف جم بس ابيها تكون مربرة شوي شلوون ياريت الى طفلها مليان شوي تعلمني على برنامجها و شنو تعطيه

والله يحفظ لكم عيالكم ويخلي لي طفلتي

[أم فروحة]

أهلين حبيبتي الله يحفظ بنتك ويخليها لك
أنا بنتي دخلت الشهر السادس 10 أيام ولحد الآن ماقعدت, بدري عليها الجلوس الحين يالا تتقلب أما جلوس لسه يبيلها كمان شهر أو شهرين , وأنت لا تستعجلين عليها كل طفل له قدرات ومميزات تختلف عن الطفل الآخر
أما بالنسبة لطعام الطفل قبل 6 شهور ما ياكل شي فقط حليب, على الشهر السادس دخلي لها سيريلاك وخضار مسلوقة وفواكه أما البروتينات والموز ابتعدي عنه عشان الحساسية هذا كلام الدكتور لي

[عيش الحياة]

اغلب الاطفال يجلسو بعمر السبع شهور وقدرات الاطفال تختلف بعضهم قبل وبعضهم يتأخرو وكلها مجرد قدرات

اما بالنسبة لبنتك بصراحة انا اشوفها صغيره وحرام تضغطي عليها بالتعليم بالجلوس لوحدها لان العمود الفقري لين والجلوس المبكر قد يسبب مشاكل بالعمود الفقري

في عمر بنتك يبدأ الطفل بالانقلاب من الظهر الى البطن والعكس وهذه الفترة مهمة له لتقوية عضلات الظهر وانت حاولي انو تبقى بالوضعيه انو تكون على بطنها كتدريب لها حسب قدرة طفلتك

وتقدري تجلسيها بانك تحطيها على حظنك وتكون ساندة علىيكي هذه الوضعيه مناسبة لعمرها

بالنسبة للوزن لا يعتبر زيادة الوزن صحة انما تقاس صحة الطفل بنشاطه وتطور قدراته الحركية والفكريه والوزن في الحد الطبيعي

ان شاء الله اكون افتدك اختي

[cup cake]

ام فروحة تسلمي حبيبتي و انا بديت ادخل لها بعض الاطعمه الخفيفه وفواكه وبسكويت

عيش الحياة : تسلمي حبيبتي بس انا مو قصدي ان ابيها تجلس قصدي انها احاول اخليها تشد جسمها اكثر للجلوس وشكرا على المعلومات افدتيني ^_^

[محبوبته]

انا طفلي داخل بالسادس له اسبوع مافكرت بالجلوس اصلا بدري عليه ..

ومثل ماقالت عيش الحياة الوزن ماله علاقه
ابني صحته كويسه بس مشكلته رخاوه لاجيت اوقفه ع رجولة مايقدر
ويتقلب بس مايقدر يرفع راسه ع طول يطيح

جواب عيش الحياة جددا مفيد استفدت منه الله يعطيها العافيه

اذا بنتك تشد نفسها الحممدلله هذا اهم شي

[درين]

الله يحفظ أطفالنا من كل مكروه و يخليهم ألنا يارب العالمين