تجربتي المصوره عند دكتور ديفيد روبرتسون مستشفى برون هول

[CocO]

السلام عليكم جميعا

الله يرزق كل محروم بالذريه الصالحة ... امين يا رب

هاي أول تجربه لي بالأنابيب

ورسيت ع هالمركز ف دبي بعد تجارب غير جيده بمراكز الى فضيعه بمراكز أخرى

الواحد عليه السعي والتوكل ع ربنا فأمر المؤمن كله خير ان شاء الله ..

هذي قصتي

أعاني من تكيسات ف المبايض وكانت عندي لحميه بالرحم ... سويت عمليتين بمستشفى النور عند الدكتور أحمد عبدالحق

(تنظير لحميه .تثقيب مبايض) الحمدلله طلعت بنفس يوم العمليه وكان كل شي ميه الميه بحمد الله

وهالعمليتين عسب أزيد من فرص نجاح الأنابيب بأذن الله تعالى ...واللي كاتبنه ربنا فيه الخير

خذت موعد مع د ديفيد بدايه شهر 1 طلب فحوص دم ما حاسبت ع الكشف هديه يوم الاتحاد لدوله الامارات

والحمدلله فحوص الدم والهرمونات طبيعيه وطلب اني ايي ثاني او ثالث الدوره بشهر 1 عسب نبدأ مشوار الأبر (أبر التنشيط)


( مدخل المركز) بصراحه هاللحظه كنت برد للفت وارد بوظبي بس قويت قلبي طبعا الضغظ كان مرتفع

كنت متوتره واحاتي موضوع الابر وايد بس يوم شفت المنظر نسيت التوتر ويلست اصور

طبعا موعدي مع الدكتور مواعيد بوقتها اقصى تأخير لي بمواعيدي يمكن كان عشر دقايق

ماشي مرضى يتريون او متأخرين او ضغظ كل مريض له وقته الخاص

..العمليات لها اوقات والسونار وقت معين ... عجبني التنظيم وأرتحت نفسيا لأن ضغظ التأخير والزحمه بروحه ييب عوار الراس

يتبع ....

[رقي]

تابعي .. ننتظرك :)

[CocO]

شفت الدكتور بثالث الدوره ... بعد الالتراساوند حدد الابر (جونال 75 ) لمده ثلاث ايام عقب أرد اشوفه وبعد ما تكلمنا وأتفقنا نرد

2 أجنه ... وطلب من النيرس تسويلي سحب دم بكل زياره ... الين يوم السحب ان شاء الله

...

هاي غرفه فحص الدم




وشفت الدكتور بعدها بثلاث أيام وصفلي جونال اف 75 مع ابر cetrotide 0.25 لمده ثلاث ايام عقب ارد اشوفه


هالابره اليديده تلعوزت فيها اول يوم بس الحمدلله كله ف السليم ... مشروع المستقبل استوي نيرس


شفت الدكتور عقب ثلاث ايام وبعدها البويضات ما وصلت للحجم المطلوب تتغلى

زاد لي جرعه ابره جونال من 75 ل 150 و cetrotide 0.25 وطلب ارد اشوفه عقب 3 ايام

استيشن الابر






الخميس عندي الموعد إن شاء الله تكون البويضات وصلت للحجم المطلوب للسحب


دعواتكن خواتي والله يوفق الجميع ويرزق كل محرومه يارب

سأوافيكن بالتطورات

[CocO]

المشاركة الأصلية كتبت بواسطة رقي

تابعي .. ننتظرك :)

عزيزتي .. رقي ... تسلمين ع المتابعه فديتج ... الله يوفقج ويرزقج بكل خير حبوبه ^.^

[مريم بسملة]

ربي يوفقك حبيبتي وتنجح عمليتك يارب وتفرحي هذا الشهر يارب وتجي تبشرينا يااااارب

[سحآبة فجر]

الله ييسر أمرك ويتمم لك بحملك يارب. ماشاء الله شكله المركز راقي

[الأمورة سوس]

ماشاء الله عليك بتوفيييق
راح نتابعك
وندعو لك

[مسك أبيض]

بالتوفيق يارب وان شاءالله ربي يرزقك بالتوأم السليم بانتظار باقي يومياتك :)

[رقي]

ياااااااااااارب ييسر لك كل خطوة ويرزقك الذرية الصالحة
انا باذن الله بكرة ابدا التنشيط ونفس ابرة جونال اف 75 بس معاها مينغون 2 بودرة و1 موية

[لينة الاردن]

بالتوفبق يارب الله يحن علينا جميعا وما يحرمنا
رقي كيفك ياحلوه شو شايف كله ورا بعضه بالتوفيق ياقلبي