تحفيز بطانة الرحم مع الدكتور بندر العبدالكريم

[رقي]

السلام عليكم ورحمة الله وبركاته
اغلبكم عارفين يابنات اني سويت الحقن المجهري 3 مرات وكلها فشلت رغم ان الاجنة من الدرجة الاولى وكل شي تمام وهادي ارادة الله

قرأت عن تحفيز بطانة الرحم وانها تزيد نسبة انغراس الاجنة ومايسويها بالطريقة الحديثه الا الدكتور بندر العبد الكريم في مركز بنون بالرياض وماشاء الله تبارك الله كم وحده سوتها ونجحت محاولتها

فاستخرت واتواصلت معاه وقالي اجيه من اليوم 8 في الدورة الى اليوم 11 لعمل تحفيز بطانة الرحم
ورحت اليوم العاشر من الدورة وقلي باذن الله نسوي التحفيز حاليا وهوا يجدد بطانة الرحم وينشط الدورة الدموية ويزيد نسبة ثبوت الاجنة وسعره معقول ومقدور عليه ب300 ريال بس والتحفيز مايسويه الدكتور الا للي فشلت عندها محاوله او اكتر

المهم سويت التحفيز عنده في العيادة اعطوني تحميلة فولترين وبعدين سوا لي التحفيز بدون تخدير طبعا ومدته مايتجاوز دقيقتين تقريبا يعني قريب من الترجيع بس في آلام زي الام الدورة
والحمدلله بعد ماخلصت وراني علبه فيها لونين غامق وفاتح وقالي الغامق هادي البطانة اللي مو كويسه وقالي اخد حبه اسبرين يوميا والفوليك الين بعد السحب والترجيع واعطاني مضاد لمدة 3 ايام عشان الدم اللي ينزل بعد التحفيز يبقى 3 ايام

والتحفيز التاني بيكون من يوم 21 الى 24 من الدورة ان شاء الله وبعدها نبدا البرنامج الطويل لاني استخدمت البرنامج القصير قي محاولاتي الفاشلة ومافاد

وطبعا اهم شي تحليل الغدة وهرمون الحليب يكون كويس والحمدلله

دعواتكم ربي ييسر لي وماكتبت عن التحفيز الا لانه كتير بنات يسالوا ويبغوا يعرفوا كيف يكون واي سؤال انا في الخدمة

[رقي]

وهادا باختصار منقول من احد المنتديات عن التحفيز:

تحفيز البطانه: هو عملية بسيطه تتم في العيادة بدون ألم و بدون تخدير

فوائدها: - تجديد بطانة الرحم - تزيد معها مواد في الجسم تساعد على انغراس الأجنه - زيادة تدفق الدم للرحم - تزيد من نسبة نجاح عملية الأنابيب او الحقن المجهري للضعف

من يحتاج هذه العمليه: من سبق ان فشلت عندها عملية حقن مجهري وكانت الأجنه كويسه

طريقتها: هي تكون على جلستين كل جلسة تاخد أقل من دقيقتين بجهاز خاص للتحفيز

توقيتها: الجلسة الأولى من اليوم 8 الى اليوم 11 من الدوره و الجلسه الثانيه من اليوم 21 الى اليوم 24 من الدوره الي قبل عملية الحقن المجهري مباشره

فرقها عن الكحت العادي: - زيادة تدفق الدم - لا تسبب زيادة في الكحت زي الكحت العادي - نظامها في الجهاز ثابت يعني كل المريضات تنعملهم بنفس الطريقه - أرخص - لا يحتاج تخدير - نتائجه أفضل

[الأمورة سوس]

مشكووووره عزيزتي
إن شاء الله نسمع خبر حملك هذا الشهر. يارب ياقادر ياكريم

[أحلى عطور]

رقي حبيبتي الله يرزقك ياقلبي ..
انا سويتت منظار عند الدكتور منظار رحمي وسوى معاها تحفيز للبطانه ..
بس كان تحت تخدير كامل ..
انا خايفه من الالم وعندي موعد السبت باذن الله الجلسه الثانيه ..
مرررة مرعوبه والله الالم كيف كثير والا اقدر اتحمله ..
لانه قال انتي خوافه والشغله ماتستاهل كل هالخوف ..

[حلم 11]

الله ييسر لك يا رقي ويتممم امورك ياررررررب وتبشرينا بحملك قريب
بس هل اثناء التحفيز فيه الم؟

[Oum meryam]

الله يسهل أمور ويرزقك ضعف ما تتمنين

[Ray00m]

معلومات رائعه رقي وبالتجربه بعد ههههه
الله يكتب لك الحمل عاجلا غير اجل يارب

[رقي]

اللهم امين يارب يرزقنا جميعا ياااااااااااااااارب

الله ييسرلك يااحلى عطور .. قصدك التحفيز الاول كان بتخدير كامل عشان معاه منظار والتاني راح يكون بدون تخدير ؟
وليش سوى لك المنظار ؟

اما بالنسبة للألم ياحلم فاول شي يدخل جهاز يمسك عنق الرحم واهم شي الوحده ماتشد وتكون مرتاحة وبعدين يقولك بسم الله ويبدأ التحفيز وبيكون في ألم زي ألم الدورة يعني تحسي بمغص شوي قوي بس في النهاية هيا دقيقة او دقيقتين بالكتييييير

[ahlam-f]

الله ييسر امورك
ويرحم ضعفك
ويرزقك ربي بالذريه الصالحه
بعد التعب اللي تعبتيه ..

[ام مشعل 2013]

الله يكتب لك الحمل السليم

كلام جدا افادني جزاك الله خير