عندي الم بعد الجماع وش اسوي؟

[دلع بنوته]

بسم الله السلام عليكم ورحمه الله وبركاته

مشكله مالقيت لها حل وبصراحه مسببتلي مشاكل مع زوجي انا في نهايه السادس وانا من ثلاث شهور تقريبا احس بوجع بعد الجماع مثل وجع فض البكارة وكل مرة يزيد الالم بعد الجماع ما اقدر اجلس واذا مشيت اتوجع واحس بحرارة في البول لمده ساعتين او ثلاث ساعات عشان كذا انا اقلل مرات الجماع وزوجي متضايق مرة اخر مرة تجامعنا فيها من اسبوعين ورحت عند الدكتورة عطتني تحاميل مافادت رحت لها امس وصفتلي كريم اليكا ام بس انا قريت في النشرة انه مضر للحوامل وزوجي حده زعلان بالله عطوني حل وهل يمكن يكون فيني مرض ؟او شئ عادي بالله ردو

[ملاك العشق]

والله مالي علم بس ربي يعينك

[دلع بنوته]

مشكورة على اهتمامك ودخولك

[بنت تبوك]

روحي عند امك من الحين لين ماتولدي يكون احسن لا الم ولاغيره..

[نسيم الصبا]

لا يااختي اذا تحسي بالم روحي ارتاحي عند امك
بكره يرضى
مافيك لامرض ولا شي لاتوسوسي

[روح ملائكيه]

اختي روحي لدكتوره تفتهم واكدي عليها تعطيك علاج مايضر الحامل..
الحرقه في البول(تكرمون) دليل الالتهابات ويمكن هي السبب ...
ولازم يصير جماع لأخر مراحل الحمل لأنه يساعد على توسع المهبل ويسهل الولاده..
وانتي حاولي ترضي زوجج بكلماتك وبصبرك ..وان شاء الله مايصير الا الخير
ربي يسهلك ولادتك
اختك ام محمد

[..ام بدر..]

الالم الي تحسين فيه مافتمته هو زي الحرقان ؟
ولا بعد الجماع يجيك مغص وزي الم الدوره؟

اذا حرقان فهذا معناها عندك التهابات لا م تعالجينها

واذا مغص دوره حاولي تخفون بالجماع يعني مايكون بقووه ولا تخلينه ينزل جوا لان المني اللي يسبب لك التقلصات....لاتحرمين زوجك شوفي اش سبب الالم وعالجيه صعبه تحرمين زوجك وتروح عينه لبرا لاسمح الله وتندميييييين....انتبهي لزوووجك ترا الرجال مايستغنون عن هالشي روحي في اقرب وقت لدكتوره ثانيه اشرحيلها الموضوع واوصفيلها الالم وهي بتعرف تلاقيلك الحل....والله يخليلك زوجك ويسخر قلوبكم لبعض

لكن لا تروحين لاهلك من الحين باقي قدامك السابع والثامن والتاسع واربعين يوم نفاس حرااام تتركينه هالمده كلها....هذا رايي وشوفي اللي يناسبك

[دلع بنوته]

الالم اللي يجيني مو مثل مغص الدورة يجي مثل كاني انجرحت من جوا بقوة وحرقه بالبول تجي بعد الجماع لمدة ساعتين او ثلاث بعدين تروح .........والاخوات اللي يقولون روحي لامك والله امي ودها اجيها بس زوجي دايم يقولي ما اقدر استغني عنك وخصوصا ان امي في مكان بعيد عني .......عالعموم مشكورات ياللي رديتو بس انا لحدالان مالقيت لي حل .....

[قهوه فرنسيه ..~]

قلبو شكله عندك التهااب
روحي للمستشفى وخليهم يسوون لك مسحه مهبليه

[دلع بنوته]

مافهمت وش المسحه المهبليه؟