¸.•´, `•.¸ It's a GIRL¸.•´, `•.¸

[Future Mommy]

السلام عليكم
كيفكن بنات ؟؟ ان شاء الله تمام
اليوم كان كتير حلو بالنسبة الي بصراحة لاني عملت حفلة صغيرة حتى خبر الكل عن جنس البيبي وطبعا عملت صور وعجبتني وقلت بحطها هون لحتى اعطيكن افكار تنفع بمختلف الحفلات
بالاول وقبل مانبلش بالصور خليني احكي ع الحفلة
هي مو من تقاليدنا بس من تقاليد الغرب وانا حضرت حفلتين من قبل وعجبتني الفكرة فـ سويتها والفكرة تتمثل في عمل ديكور ازرق و وردي (او اي لونين بناتي وولادي) وتكون الحفلة متكاملة تستدعي فيها كل اقاربك واصدقائك وجيرانك وتخليهم بالاول يحزروا اذا معك بنوتة ولا ولد يعني بالاول الضيوف راح ينقسموا لفريقين: بلو تيم (الفريق اللي بيقول انو معك ولد) و بينك تيم (الفريق اللي بيقول انو معك بنت) وممكن تساعديهم ليحزروا مثلا تحطي صورة السونار...وبعدين في اخر الحفلة يتم اكتشاف الجنس اما من خلال الكيك (يعني لو ولد تخليه من جوا ازرق ولو بنت يكون من جوا وردي) او تطيري بالونات في السماء لونها ازرق او وردي ع حسب الجنس
المهم.. خلينا هلا نبلش بالحفلة
نبدا بالبااب والمدخل



تاابع زينة المدخل والصالون




البوفيه موجود بالغرفة المجاورة على طول وكل حدا من الضيوف بيختار عصير وشكولاتة واكل وبيحطو في صحن ملون على حسب الفريق تبعو (وردي او ازرق)













بالونتين (وحدة بناتية وتانية ولادية حتى طير بالونة منهم في اخر الحفلة)


صورة الطاولة الكبيرة اللي فيها الكيكة تبع اعلان جنس البيبي بعد التزيين


في الاخر صورة مقربة للكيكة قبل القطع وبعد القطع والاعلان عن جنس البيبي : طلعت وردية من جوا يعني مستنية بنوتة حلوة


هدول الصور تابعين لاجواء الحفلة بس مالي علاقة فيهن هدول هدايا جارتي عرفت قبل بيوم انو عندي بنت وساعدتني بالتزيين وجابتلي ملابس بنوتية بتجنننن الله يعطيها العافية وياكم








وبسس هيك
مستنية رآيكن بفاارغ الصبر حول كل شي بالحفلة
في امان الله

[افنان الحربي]

ياااااي مرا جميلة الفكرة واعجبني التقديم تسلمي

[Future Mommy]

الله يسلمك حبيبتي
شكرا كتير لالك
منوورة

[υм вtℓαα]

رووووعه مره والتقديم اجمللللل
الله يجيبها بالسلامه يارب

[Future Mommy]

تسلمي ام بتوولة
اميين يارب
وبتشكررك كتيير ع مرورك الحلووو

[nour karim]

ههههههههههههههههه اول مرة اسمع بحفلة من هذا النوع تريدين الحقيقة هي فكرة روووووووووووووووووووووووووووووووعة عجبتني كثير تسلمي ومبروك البنوتة الف مبروك الله يتمم حملك على خير يارب

[حياتي توأمي]

مبرووووك البنوته حبيبتي

والله يتمم لك على خير يارب

[غصن_البان]

فكرة جميلة والتنسيق رائعواحلى ما الفكرة انها بتخرج الحامل شوي من ضغط الحمل ترفيه في محله
مبروووك

[أسيرة زوجي]

ما شاء الله

الله يتمملك بخير و عافية يا رب

و تشوفيها في حضنك

الحفلة كثير حلوة و تنسيقها بصراحة رائع

عقبال حفلة ولادتها

[ندى جوري]

الف مبروك future mommy البنوتة وربي يتمملك على خير الحفلة سويتيها رااائعة بصحتكم والفكرة شفتها قبل بفتافيت وعجبتني كتيييير المهم اختي اسالك يعني الرزنامة الصينية ثبتت معك لاني كنت سالتك قبل وقلتيلي لما ابين راح اجاوبك وشكرا (على فكرة انا كتبتلك باللون الوردي اذا لاحظتي ههههه)