حوااامل طمنوني قلقانه حدي

[اوم حمود]

السلام عليكم ورحمة الله وبركاته

حوامل طمنوني الله يطمنكم انا الحين بالاسبوع27 وثلاث ايام

وكنت اتابع دوم حركه الجنين في يوم الاربعاء اللي فات حسيت بحركه البيبي صج توجع اول مرة احس كذا لاني عندي ولدين الله يحفظهم لي ويحفظ لكم عيالكم يارب من قمه الوجع ماقدرت انام وتميت صاحيه لين عقب عقب الفجر قلت حق روحي يمكن لاني دوم راقده هالوقت ما احس بحركته لكن عقبها لاخظت ان حركته قلت صرت احسب حركته لما يبدى يرافس يمكن 6 حركات ويادوب احس فيهم هل لازم اني اروح اراجع في المستتشفى وبعد سؤال ثاني انا وحامي كان قووي وتم معاي لين الخامس ونزل وزني مرة لكن الحين الحمدلله وزني رجع نفس قبل حمالي لكن من اخر مراجعه لي في اول الخامس وزني ما زاد كلش وكل اللي يشوفني يقولي ضعافنه واكثر شي خواتي لاني دوم في الويك اند عندهم هالشي عادي ولا لاء لاني خايفه يطلع البيبي صغير مع ان بطني كبيره وايد بهالحمل

اجري قلت لكم تقريبا قصه حيااتي هههه لكن جد ما عندى حد اساله غيركم امانه اللي تطمني لها دعوه بظهر الغيب ان شاء الله

[وظني بك ياربي جميل]

ان شالله ماعليك الا العافيه انتي والنونو اهم شي راقبي الحركه وسوي تصوير سونار عشان تتطمني بس
واهتمي باكلك يمكن وحامك كان السبب في نزول وزنك وطالما اكلك صحي وتهتمي بنفسك ماعليك خلاف .. وتوكلي على الله وربي يقومكم بالسلامه

[انثى تكره الظلم]

دائما انصح بالفتره الاخيره من الحمل مراقبه ومتابعه البيبى اول باول على الاقل كل 3 اياام

ماشاء الله بيكون حجمه كبر بالبطن ومتابعته اهم شىء

الله يقومك بالسلامه خيتوووووو

[لوليتا22]

احيانن يكون من قلة الاكل تبطا حركة الجنبن اهتمي بغذائك ولو ما زادت الحركه و رجعت للمعدل المعتاد روحي اعملي سونار افضل

الله يسلمك انتي و جنينك ي رب وتولدي بالسلامه

[υм вtℓαα]

انا مع كلام الاخت لوليتا بالفعل لما الام ماتاكل ماتحس بحركته كثير
لان الجنين بيكون نايم
اهتمي باكلك خيتي
الله يتمملك ع خير ويقومك بالسلامه

[nour karim]

حبيبتي ان شاء الله خير لا تخافي البيبي حركته تزيد وتنقص على حسب وضعيته في رحمك فبعض الوضعيات تخليك تحسي بالحركة قوية والبعض يخلي الحركة تبان ضعيفة مررت بهذه اللحظات كثيرا
فقط لازم تكون فيه حركة حتى ولو ضعيفة واذا شكيتي اتاكدي بالسونار
الميزان اذا نقصت راح يكون الضرر عليك انت اما الجنين فهو ياخذ من دمك ومن مخزونك لا يتاثر كثيرا لذا عليك ان تعوضي بالاكل المفيد والمتممات الغذائية كالفيتامينات والحديد والكالسيوم ضروري في هذه المرحلة
الله يتمم حملك على خير ويطمنك

[اوم حمود]

الله يخليكم حبيباتي ويطمنكم ويرزقكم ويعطيكم اللي تتمنونه يارب
بخصوص اكلي انا اكل عدل ااحمدلله واخذ مكملات كلسيوم وحديد وملتي فايتمنز لكن لسه وزني مثل ما هو من رجع بالخامس وهذا اللي مقلقني ان شاء الله موعدي الاحد بروح وبقوول للدكتورة كل شي ان شاء الله

[ورد وزهر]

الله يطمن قلبك