السلام عليكم اخواتي طبعا بحاول اكتب لكم قصة ولادتي ....
ولدت يوم الاربعاء الساعة 5:14 فجرا ...
انا تنومت عندهم من يوم الاثنين لانهم فكو الربط وصار ينزل دم كثير واحس الم اسفل بطني ويسون تخطيط مافي طلق وكل شوي احس الالم يقلولي مافي شي المهم قالو مالك الا يوم بالتاسع قلت يلا مدام دخلت التاسع بمشي زي الحريم وكل مامشي باسياب المستشفى احس الم واقول بس اتهيا وحماتي جايبه قهوة فيها قرنفل وزنجبيل واشرب كوبين وانسدح الا الالم وقبل يوم فتحو الربط لقيوه 2سم بس قلت ماعتقد بولد الا متاخر ورجعو حطو الجهاز مافي طلق قالت امي خلي الدكتورة تكشف نتاكد
جات طبعا وكشفت الا قالت 4سم يلا انزلي كشك الولادة وانا ابكي ماتوقعت اصلا مجهزة الاغراض عشان الصبح بيطلعوني
وبس اقعد اقرا ادعيه تسهيل الولادة. والخوف والفرح انو نفسي اشوفه بس خايفة من الولادة
يوم نزلوني الكشك الا تدخل شي زي العود طويل. وتفك موية الجنين الا احس كاني اتبول وحارة بعدها بدا الطلق يبان بالجهاز
وكل ماجا طلق يكون اقوى من الي قبله
صرا اصيح اقول ابغى عمليه يقلولي عمليه وكل شي نازل جاني دكتور مصري بس يخاصم ومعاه سوداني الله يسعده قلي بس استني دقايق وينتهي كل شي
جاني طلقه قوية الا يدخل يده يقيس قال 9 سم كويس يلا استعدي للدف الا جات الممرضة تضربني ابرة بنج من جوا مرا تعور بس مستحمله الا شقوني وقلي ادفعي والحمدلله جا نور عيني بس كتن يبكي بس صوته خفيف وحطوة تحت اكسجين يقلون الرئة باقي لانو ماله الا يومين بالتاسع وانا اشوفه يبكي تحت الاوكسجين وادعي انو ربي رزقني مع الالم الي يسونه فيني بس خلاص بمجرد ماسمعته نسيت كل شي نزلو المشيمه بعد ماضغطو ع بطني وقعد يدخل شاش ينظف طبعا المصري جا يخيط ونفسيته مرا خيط من جوا اللين برا بعدين جهة الفخوذ حسيت فيها بس استحملت اللين خلص وبعدها صار يدخل شاش كمان والالم
بعد ماخلص نظفوني وكل شي جابو لي عصير واكل عشان مادوخ ماقدرت الا للعصير بس بعدها كل من جا دخل يده عشان خايفين عليا من النزيف اللين خلاص قالو يلا اللبسي بنطلعك غرفة طلعوني الا انا بدوخ بس الحمدلله الان متعبني الغرز وماقدر لاامشي ولااجلس
دعواتكم يخرج نور عيني من عنايتهم
08-01-2013, 12:28 PM
قصة ولادتي بلغالي الله يحفظة
رنيم20 
جديد منتدى إستفسارات مرحلة الولادة
العرض الشجري
