قصة ولادتي بإبنتي الله يحفظها

[ممنوع شباب]

السلام عليكم ورحمة الله وبركاته

كان تجمع حوامل رمضان مره ممتع مع اني جيته متأخر لكن الحمد الله استفدت كثير

انا صارلي 34 يوم والده والحمدالله اموري تقريبا تمام .. لكن جيت اقولكم قصة ولادتي علشان حوامل الشرقيه تتعض منها ..

اثناء حملي كنت متابعه عند الدكتوره صبيحه بمستشفى المانع بالدمام .. وكانت الامور ماشيه اوكي حددتلي ولادتي ب8 رمضان وطبعا تاخرت عن هالموعد رحت لها بيوم 13 رمضان كشفت علي قالتلي مفتوح 1سم طبعا اسبوع وهو 1 سم وقالتلي تنويم قلت لا مااقدر قالت ضروري تتنومين قلت اجي بكره

قالت بكره الخميس انا مو موجوده والجمعه طواري تعالي السبت الساعه 8 الصبح من الطوارى على طوول قولي انك حسيتي بالم ولاده علشان يطلعونك فوق قلت طيب ..

طبعا قالتلي عندك الرحم شوي ضيق وحجم البيبي كبير وزنه 3,700 .. راح نعطيك طلق صناعي واذا مافاد عمليه قلت طيب

ورحت الخميس لمستوصف السلام عند دكتوره مصريه قالت اخر حد يوم الاحد لانه المويه قليله والرحم ضيق هنا سويت حاله استنفار

واطلع مرت علي هالـ 3 ايام برعب صياح وانهيار والكل يهدي فيني انه العمليه اريح من الطبيعي ومافي خراب ولا شي .. وانا كنت مااسمع لأحد ابي اولد طبيعي

جاء يوم الجمعه وتجيني الوالده الله يحفظها قالتلي اولدي بحكومه وش تبين بالخاص ماوراهم الا قص هالبطون وانا رفضت قلت الحكومه معاملتهم جدا سيئه .. طبعا هذي النظره السائده للكل

رحت نمت عند اختي وقعدت اشرب قرفه وعلبتين زيت خروع ودهنت بطني بشي من العطار نسيت وش اسمه وتبخرت بقشر البصل وتقرى اختي ع بطني المهم جات الساعه 4ونص الفجر ومافي اي اثر للولاده وتروح اختي تنام تقول ماش مامنك فايده

ونمت انا بعدها صحيت على الم خفيف الساعه 6 الصبح واقول لبنات اختي شكلها ولاده عطوني ملابسي ابي اسبح واتسبح واتنظف وفجاه يختفي الالم وارجع انام .. وتج الساعه 8 نفس الحكايه ويخف وانام ولما جات الساعه 9ونص ويبدى الالم فيني واقعد احوس بالغرفه وتدخل علي اختي تقولي عسى ماشر قلت شكلها ولاده قالت نزل شي عليك قلت دم خفيف قالت اقوم زوجي قلت لا انتظري المهم الالم يروح ويجي والدم نفسه خفيف وكل شوي تقول نروح المستشفى وانا اقول لا لما اذن العصر قلت يلا مشينا ورحنا وودوني لغرفة الولاده

كشفت علي وحده سودانيه قالت مفتوح 3 سم وانا واختي فرحنا قالتها متى الولاده قالت على 8ونص ان شاء الله لانه عنق الرحم عندها رطب وولادتها سهله قالتها اختي هذي بكر قالت اجل لا بتتاخر على الساعه 12 ان شاء الله تكون والد

المهم من 3ونص وانا بالمستشفى انتظر الطلق يجي مافي فايده يجي طلق خفيف ونتشقق من الوناسه انه خلاص بينفتح الرحم ومر الوقت والرحم للحين 3ونص جات الدكتوره على الساعه 11 بالليل كشفت علي قالت 4 الا شوي مفتوح اذا صار 5 نوديك غرفة الولاده وبنعطيك طلق صناعي على 12 وبعد ساعتين مانفتح بنسويلك عمليه طبعا اول ماجات الدكتوره طلعوا اختي برى وعيوا يفتوحون لها الباب

كلمتها جوال وقلتلها اللي صار قالت الحين تطلعين باي احقيه تقولك عمليه .. قلت اطلع شلون

قالت انا جايه الحين المهم دخلت بالغصب وقالت وين الدكتوره صبيحه قالولها طلعت قالت وين السودانيه وجات قالت انا ابي اطلعها على مسئوليتي شلون تحددلها عمليه وهي بكر .. وتهاوش اختي فيهم قالت الدكتوره اساسا الدكتوره صبيحه كاتبه طلق صناعي لمدة ساعتين وفورا عمليه احسن لكم تروحون مستشفى ثاني ..

عصبت اختي ووقفت اوراقي وطلعت وراحت عند الدكتوره صبيحه وتاوش فيها تقولها ليه حددتي عمليه انا ولدت عندك 4 ولادات طبيعي واخر ولاده مفتوح الرحم عندي 10سم وورلدتيني عمليه ماانتظرتي علي حرام عليك هذي بكر وخافت الدكتوره وماعرفت وش تقول ومن كثر خوفها عطتنا التقارير من غير مانطلبها .. وطبعا هالمستشفى لو تموتون ماتطلع ورقه خاصه فيهم لبرى المستشفى

وكل هالماساه وانا رحمي مفتوح 4سم .. قالت نروح للولاده والطفال مستشفى حكومي قلت لاااا مستحيل نروح لاسطون قالت بعيد بالخبر قلت طيب الروضه قالت اوكي

رحنا للروضه .. انا مااودي اسميها الروضه ابي اسميها المجزره ..

دخلوني غرفة الولاده .. والله ثم والله غرفة يرثى لها مافيها اي استعداد للولاده كشفت علي قالت مفتوح 6سم انا فرحت كثثثير قلت بس طمني اختي ولما راحت يجيني خوف توقعت يجيني نزيف واموت او الجنين يموت مستحيل واحد مننا يطلع صاحي .. واقعد اصيح واتشهد

دخلت الحمام علشان البس لبسهم .. وشوي تدق اختي قالت اطلعي بسرعه لاتقعدين قلت شصاير قالت الحين اطلعي قوليلهم زوجي يبيني واطلع واقولهم زوجي يبيني وعيوا يطلعوني بالموت طلعوني .. ولما شفت اختي قالت تخيلي الحين بيولدونك واقولها بروح البيت وارجع تقولي الدكتوره مايمديك توصلين الا هي والده كيف تولدين وانتي مو مفتوح غير 6 سم

والله يابنات لو اقولكم وش كثر قذارة هالمستشفى مااوفيها حقها ذكروني بمسلسل رية وسكينه الي يقصبون البشر

طبعا هنا جا اخوي وهو معصب قال تروحين مستشفى الولاده والطفال غصبا عنك امي بالبيت تصيح تقول ودوها الولاده لاتموت تجين غصب ويركبني السياره ويوديني للمستشفى

دخلت ولقيت انواع الزحمه والصياح والصراخ قلبي طاح في بطني .. تجي تكشف الدكتوره قالت مفتوح 5 سم يلا تطلعين فوق ولاده طبعا الساعه 2ونص الفجر هالكلام بيوم الاحد 17 رمضان

وتجي اختي تودعني وانا ماسكه الصيحه مجرد ماراحت وانا انهار صياح وركبوني ع هالكرسي وطلعوني فوق

طبعا قالولي من وين دايه وقلتلهم سالفتي كلها وتجيني الاستشاريه قالت على اي اساس تححدلك عمليه لافكت مويه الجنين ولاحطت طلق صناعي كذا بس عملية والسلام قلت ماادري

وكل ماجات دكتوره المناوبه تنعاد القصه نفسها

جات الممرضه قالت ليه ماتبين عمليه لاشفتي الالم الجد وقتها تقولين ياليتني سويت عمليه .. حسبي الله ونعم الوكيل على هالممرضه من قالت هالكلام وكل الم طلق فيني يختفي

جات الساعه 5 الاربع قالت الدكتوره راح نفك موية الجنين وفكتها لي وقالت المويه مو نظيفه الجنبن متبرز داخل البطن واكلم اختي واصيح ..

وبدى الالم يجيني قلت خلاص راح اموت طبعا الرحم لسه 5سم ماتغير ولما جات الساعه 7 حطولي موسع لعنق الرحم ومهدئ بالمغذي وجابولي الطلق الصناعي والرحم انفتح 6سم

من 7 واانا اشوف الموت بعيوني من الالم شي مايحتمل نهائي عطوني الكمامه السودا طبعا وجودها مثل قلتها مااثرت ولا شي فيني

واقولها تكفين ابي عمليه وترد علي ممرضه ثانيه حسبي الله ونعم الوكيل عليها برد وقح قالت (( دامك تبين العمليه كان قعدتي بالمانع ليه جيتي )) قلت مو شغلك انتي نادي الدكتوره

المهم طول هالوقت وانا رحمي 6 سم زاد الالم ماقدرت اتحمل وفجاه قلبت وحش واقوم من السرير اقولهم ابي اطلع << نعودت الاخت ع الطلعه من مستشفى الى مستشفى

ويحاولون ينوموني وانا مافي فايده قالولي النبض يمكن يخف ويصير بالجنين شي نامي علشان الجهاز واقولهم لا ماابي سوولي عمليه ولا عطوني ابره قالوا خلاص بنجبيلك ابره وينادون الدكتوره كانت مصريه قالت نامي ونعطيك قلت مافي اشوفها بعيني المهم كتبت الوصفه وراحت الممرضه تجيب الابره

ووقتها نمت واعطتني الابره طبعا هذا الكلام كان الساعه 10 الصبح وكل شوي اقوم واصيح وارجع انام من قوة الالم راسي صرت اضربه بالسرير وهم عادي ولا همهم حاطين رجل على رجل متعودين ع الوضع

وكل الي معاي ولدوا وخلصوا وجاو بعدين وانا على حالي

جات الساعه 11وربع وراح الالم وصار عندي شي يبي يطلع اقولها ابي الحمام تقول لا هذا الراس يمكن انتي اقعدي شدي وانا اشد وكشفت الدكتوره قالت مفتوح 10 سم قلت يعني بولد متى طيب قالت متى ماربك كتب
لما جات الساعه 12 الظهر خلاص فيه شي يبي يطلع واقول للممرضه قالت خلاص قرب الراس قلت انتي وش تبين نادي الدكتوره انتي ماراح تولديني وتروح تنادي الدكتوره

وجات وحده ع راسي الله يوفقها دنيا واخره مسكت يدي وقعدت تهديني وخلتني ادفع وانا مرتاحه مسكت يدها لي نستني كل شي من وجع وماجات الساعه 12:17 دقيقه الا ولدت باحلى بنوته وماادري وش صار بعدها لاني نمت بسبات عميق ماحسيت بنفسي الا مقوميني علشان اطلع ع سرير ثاني

والحمد الله على كل حال صحيح هالتعب مره مؤلم لكن الحمدالله والحمدالله والحمدالله طلعت انا وبنتي سليمين


صح على فكره الدكتوره الي في مستشفى المانع واثقه ثقه عمياء انه عمليه وتقول لاختي باستهزاء لاودلت اختك ضروري تعلمني حاولت اختي تدق عليها لكن ماقدرت توصلها

وبس هذي حكايتي كلها فيها اكشن ودموع والم وفرح . . سوري اني طولتها بس حبيت تشاركون كل لحظه مريت فيها

والحمد الله على كل حال ..

[أم جنى فديتها]

مكتوب لك تولدين فهالمستشفى الحكومي
اللي الكل يعاني من تعاملهم الخايس
عن نفسي بروح اشتكي عند المدير قبل ماولد بشهر

انا قيمت قصتك ب5 نجوم تستاهلينها
الحمدلله ع سﻵمتگ ..
وألف مبروووووووووگ البنوووته..
عقبالي ببنوته قميله ..ياررب

[مهره الدنيا]

والله بكيت

لمن أخوك يقوول امك قااااعده تصيح

الله يطول بعمرها ياااارب

الـــــــــــــف الـــــــــــــف الـــــــــــــف

مبرووووووووووووووووووك حبيبتي

والحمدلله على السلامه

[عيون حبيبي]

الـــــــــــــف الـــــــــــــف الـــــــــــــف

مبرووووووووووووووووووك حبيبتي

والحمدلله على السلامه

[...றεறoOo...]

الحمدلله على سلامتك
جدا تعبتي بولادتك اجر ان شاءالله
والف مبرووك البنوته الله يحفظها ويخليها لاهلها

[ورودي البيضاء]

درس يتعلموه البنات انهم يستشيييييرو اكثر من دكتورة دايما

والله اروح لاكثر من اربعة والاقي اقل شي ثلاث منهم كلامهم يختلف عن بعضهم

لازم الاستشارة والاستخارة مستحيل امشي عمياني ع كلام وحدة مدري هي تخاف ربها او تلعب فيني

خصوصا لو فيه وضع معين خاص بك ...

يلا نتعلم من بعض

الحمدلله ع السلامة وسلامة البنوتة وأجر وعافية ياعسل

[روحي ملاك]

الحمدلله على سلامه
الف مبرووك على بنوته
وتربى بعزك يارب

[نسمات هادئه]

ياااااااااااارب يكتب اجرك على هالتعب ..

وألف ألف مبروووووك .. والحمد لله ع سلامتك انتي والبنوووووووووته

[هوادي***]

يممممممممه

حرام عليك ذبحتيني

ليش تقولين
والله انا بموت خووووووف

وين اروووح


قلبي بيوووقف


انا بكريه......شكلي بمووت




من الخوووف نسيت اقوولك الحمدلله ع سلامتك

والله يكتب لك الاجر



وعششان هالبلااوي انا برووووح مستشفى فقيه

خليهم يذبحوني...تعبت من التفكييير


سوري خاصمتك



ودي ووردي

[ام جنى الامورة]

الحمدلله على السلامة
ومبروك البنوته الحلوة تتربى بعزكم
ولازم البكرية تطول بالولاده ليتك مشيتي وطولتي بالمشي لما قالوا انفتح 5
ذكرتيني بولاده بنتي حسيت بالألم نفسه ونفس الصياح والدموع
بس أنا مانمت بعد الولاده عيني على بنتي خفت تخطف ورفضت اطلع من غرفة الولاده الا لمى يحطونها بإيدي وطلعنا سوى الحمدلله