زوجي يخونني وكذاب

[Huda.91]

السلام عليكم ورحمة الله وبركاته


اخواتي انا جاية هنا افضفض لكم

زوجي كان رح يطلقني والسبب انه غلطان ومايبغى يعترف بغلطه
المشكلة يا اخواتي انا فتشت جواله ولقيت في رقم متصل عليه 3 مرات
اخذت الرقم وبحثت بالنمبر بوك وانصدمت
لقيت الناس مسجلينها صديقة زوجي صايعة ضايعة
يعني اسم زوجي موجود!!
تكلمت مع صاحبتي وقلت لها ترسل لي رسالة على جوالي انها حبيبته
غيرت اسم صديقتي حطيته رقمها
وفعلا هذا الي صار وصورت وارسلته عالواتس
اتصل علي معصب ويهاوشني
ورجع من الدوام وتهاوشنا هوشة كبيرة،سوى مشكلة كبيرة من ولا شي
لحد الحين انا مو مستوعبة ليه كان يبغى يطلقني
كل مرة يسوي مشكلة ويقلبها علي ويتهرب من غلطه
انا اعترف بغلطي بس مو مثل غلطه
كان بايعني وجرحني بكلام كثير وفوق كلهذا انا سكت ماتكلمت بشي بس اعتذرت
وفوق كل هذا زاعلني ولايكلمني
كان يبغاني اتصل على اهلي كلهم بس اتصلت على اخوي الكبير وهدا الوضع لانه يبي يوديني بيت اهلي
ويرسل لي ورقتي
ليه؟عشانه واثق انها مارح توصل لي؟
والشي الي يثبت اكثر ان النمبر بوك طلع زوجي من ضمن الجهات المشتركة حقتها
طيب وبعدين؟
انا حامل في شهري الرابع وتحسفت اني حملت
سب اليوم الي تزوجني فيه
يقول لي انتي مثل الحمار تنكرين
ويمنن على المصروف الي يعطيني ياه كانه شي مو واجب عليه
انا انجرحت منه مرتين،جرح الخيانة وجرح كلامه
وللاسف ان هذي مو اول مرة يخون
لما اروح بيت اهلي يحمل برامج دردشاتويسولف مع البنات
المشكلة ما صار لنا سنة متزوجين
حتى كان رح يضربني امس
انا والله تعبت وفكرت انفصل عنه لكن ظروفي مع اهلي صعبة
هذا الي مخليني اسكت من البداية
امي منفصلة عن ابوي وقالت انها مارح تستقبلني لو انفصلت
وابوي متزوج وحدة مثل الجني ماتخاف الله ماقدر اعيش معاهم ابدا


صبرٌ جميل وبالله المستعان