اكتشفت انه يخونني وربي تعبانة ومانمت للحين

[كنافة نابلسية]

السلام عليكم

يارب صبرك وربي للحين مانمت من اللي شفته قبل كم ساعه كنت ماسكه جواله عشان بأضبط المنبه
ودخلت عالرسايل من لقافتي المعتادة
ولقيت رسالة شكله نسى يمسحها
وكاتب فيها كلام حلووو وربي العظيم اني اول ماجا على بالي انه بيرسلها لي وراحت بالغلط
ومسمي البنت باسم رجال بس انا بعدها شكييييييت ولقيت له مكالمة وهو مداوم انا هنا انجنيت

ودقيت عالرقم و جاتني الصاعقة بنت تقول الوو
سكرت على طول
واخذت رقمها بجوالي
وللحين مانمت
وربي جفاني النوم
انا مقهوووووووووورة
من الرسالة اللي كتبها لها
مو قادرة اتخيل زوجي يقول كلام حلو لغيري
والله بكيت من قلب ودعيت عليهم
زوجي حنون وطيب ومايقصر معي
بس لييييه يسوي كذا

كرهته وبنفس الوقت حزنت عليه
لاني مهملة لأبعد الحدود
مهملة نفسي كثييييييييييييييييير
لاصبغات ولاقصات ولالبس ولا مكياج ولا سشواااار
وصوتي عالي غلى بنتي
صح اقوله كلام حلو
واتدلع عليه احيانا بس في اللبس والشكل كأني من عصر آخر
و الله متحسفة
ماأطلع لأحد وكابتة نفسي ولاأطلب منه يوديني مشغل ولاسوق ولازيارة
وكأني خوي له
انا تمام بالطبخ
لكن ماأنوع
ماأتفنن
كذا مرة لمحلي عن المناكير
عن التشقير
عن النقش
عن الشعر
وغيره كثير
مجرد يقول نفسي
لأنه مكان عمله يشوف من النسااء أصناف
وبنفسه قال اخاف الفتنه
انا بليده متبلدة احساس
قولولي شسوي
كيف اتصرف معاه الحين
مستحيل اواجهه لأن المواجهه راح تخليه يستمر
واللي لاحظته عليه هالكم يوم انه زايد بعطفه علي وكأنه ندمااان عاللي سواااه
هعوانا اليوم بس كشفت موضوعه
مااااحطة : يابنات لاتدعووووون عليه والله ثم والله انه فيه خير لكن مااااأدري كيف وصل لرقم هالبنت أسأل الله العلي القدير انه يكفيني انا وزوجي اياها بما شااااااء
ادعولي اليوم في ساعة الإجابة تكفوووون