ظنتكم يحتاج اشتري ملابس لبيبي مره ثانية ؟

[أنوار الولاية]

السلام عليكم

طبعا مثل ماتعرفوا انا كنت حامل اللعام ببنت وتوفت وجهزت كل شي لها بلون بناتي

الحين حملي قالوا لي اخر سونار انه ولد ، الحمد لله مو هامني الجنس اهم شي سلامة الحمل

وانا قلت اذا كان ولد بشتري فقط للمستشفى كم شي بلون ولادي والبقية بستعمل الي عندي هم جدد حتى لو لونهم بناتي مو هامني وخاصة انهم ملابس نوم وكلها شهر او شهرين وتصغر واخذ جديده ، يمكن اخذ كم قطعه اذا احد بزورني

شو رايكم انا اشوف حرام اخذ جدد وخاصة اني صرفت عليهم مبلغ وماخذه ماركة

بس اليوم زوجي يقول لي مابتشترين للبيبي ؟ انا استغربت قلت له ماليه داعي بشتري اشياء بسيطه وكم قطعه وفرش فقط للمستشفى


انتوا شو رايكم

[zo0on]

الله يقر عينك فيه يارب انا اشوف كلامك صح

وقت الاستقبال خذي كم قطعه

[شوشو 8298]

صحيح كلامك وكلها شهر او شهر ونص وراح تغيرين كل البس لان البيبي يكبر بسرعه بنتي الاولى صغرت عليها الملابس وهي مالبست نصها جديده

[سعاده الروح]

صحيح كلامك اختي لاتشتري ملابس مره ثانيه بس كم قطعه وبعدين الأطفال اول ماينولدو ترى مافي فرق بين بنت ولد متشابهين يكونوا واهم شي ملابس دفيهم

[أم حمودي وعبودي]

ألف مبروووووووووك حبيبتي
صحيح كنتي تتمني بنت بس الأولاد بعد حلوين وإن شاء الله الحمل الجاي بنت
أنا أخوي آخر العنقود قالوا بنت وأمي وأبوي راحوا مبسوطين اشتروا كل شي بناتي وكم شغلة محايدة بس بالأخير طلع ولد
وبعد الولادة أبوي مع أختي راحوا اشتروا كم لبسة ولادي عشان الإستقبال
وباقي الأوقات لبسوه البناتي بالعكس طالع حلو عليه الوردي يهبل الله يحفظه ونشوفه عريس

[أنوار الولاية]

حياتي توأمي ، شوشو ، سعاد الروح ، ام حمودي وعبودي

شكراً لكم يعني رايكم مثلي والله يتمم حملي على خير يارب

تخيلوا عندي صديقة بعد ولادتي ببنتي فوق الحالة النفسية طحنت جبدي تباني اتخلص من لثياب الي شريتهم قلت ليها في الحلم هذه ذكرى حتى لو تظل عندي زينة ما اتخلص منها

ام حمودي الله يتمم حملك يارب ع خير

[υм вtℓαα]

كلام زوجك سليم
واشتري لك قطعتين او ثلاثه لون ازرق او بيج
والله يتمملك بخير ويجي بالسلامه ياربب

[أنوار الولاية]

المشاركة الأصلية كتبت بواسطة zo0on

الله يقر عينك فيه يارب انا اشوف كلامك صح

وقت الاستقبال خذي كم قطعه

اعذريني ما انتبهت لأسمك

الله يقر عينك ويتمم حملك يارب بصحة وسلامة ❤

[أنوار الولاية]

المشاركة الأصلية كتبت بواسطة υм вtℓαα

كلام زوجك سليم
واشتري لك قطعتين او ثلاثه لون ازرق او بيج
والله يتمملك بخير ويجي بالسلامه ياربب

ام بتلاء 😩 ههههه

هذا كلامي مو كلام زوجي ههههه

إن شاء الله يارب الله يتمم ويرزقك بالحمل ويعوضك عن ابنك ❤

[ردينة عمرو]

طبعا تصرفك صحيح
شوي ويكبر وتحتاجي مصاريف اخرى
الله يتمم حملك وتلدي بالسلامة