بنات ارجوكم ساعدوني ضروري

[شذا الورد 123]

السلام عليكم ورحمة الله وبركاته اخواتي انا في حيره من امري لا اعلم كيف ابدا قصتي غالياتي العزيزات انا في مشاكل دائما مع زوجي قبل شهر تقريبا حصلت مشكله معي زوجي ظالم لابعد الحدود المشكله انه مريض في القلب و يوم من الايام تعب وانا حاولت اقوم في اسعافه لكن لاسف ما يستاهل لكن المعروف مع الله ما يضيع ادور على علاجه في كل مكان في البيت لانه ما يدري وين حطه اخر شي قام من فراشه ضربني وقال لي انتي اللي ضيعتيه والله ما ادري وين محله حسبي الله ونعم الوكيل بعدها تنوم في المستشفى ماعنده احد في الرياض غير ولد خالته
وكان يكلمني ولد خالته في الجوال ويقول ناقصكم شي انت وعيالك تبون شي اقوله الحمد لله كل شي عندنا موجود كنت اروح انا وعيالي نزوره في المستشفى مع ولد خالته والحمد لله انا بفضل الله امراه ملتزمه واخاف الله ولا يوم حاولت اني يوم اني اكلم رجال مو محرم لي لكن اضطريت اني اكلم ولد خالته ويعلم الله انه ماكان بيننا كلام حب او غزل او اي شي بس كنت اكلمه اشكيله عنه وعن الضرب والاهانات والضلم اللي انا عايشه فيه وطلبت من ولد خالته انه يجيب زوجته علشان تشوف الضرب اللي في وجهي وفي جسمي علشان تكون شاهد يوم من الايام لما ينفذ الصبر عندي للاسف الضروف ماسمحت وما جت وبعدها طلع من المستشفى واخذ جوالي بنفس اليوم وبدا يفتش فيه والمشكله مو هنا المشكله انه ولد خالته فهم الاخوه غلط لاني كنت اقول له انت مثل اخوي بعث لي رساله بنفس اليوم وكاتب لي فيها ياام فلان اسم ولدك مكبرك اسمك احلى بكثير وابصير اناديك فيه اذا سمحتي وزوجي شاف الرساله انجن وتعالو يابنات على الاتهامات بالشرف والعرض خلاني اوسخ انسانه بالدنيا وخلاني اني اروح مع رجال وارقص مع رجال واني ادخل رجالي علي لما يكون بالمستشفى او لما يكون في صلاة الجمعه على قولته ينزلو عيال الجيران عندي وهم ماشاء الله في قمة الالتزام والاخلاق وقعد يتكلم على شرفي ويصرخ ويتفل في وجهي اكرمكم الله وانا ساكته علشان عيالي اخر شي قلي ابتصل على اهلك يجو ياخذوك وخلي العيال هنا وابعلم اهلك على كل شي قلت له علمهم لاني واثقه من حالي وانقهر حيل يوم قلت له علمهم قال ايه انت قليلة حيا بدام ماتقولي استر علي قلت ليش تستر علي انا واثقه من حالي واهلي واثقين مني وعلم العالم كله انا واثقه مين انا رد علي وقال اسمعي علاقتي معك ماتربطنا الا عيالنا ولا عاد تحطي راسك على السرير نامي عند عيالك قلت وانا ابغا كذا وتمنيت من زمان اني يصير كذا والمشكله واللي خلق الناس ورربي اني مااكذب او اتهمه زور انه يدخل على اوسخ مواقع في النت ويكلم بنات وانا ساكته مو علشانه علشان عيالي الحين لنا شهر وهو نايم في غرفته لحاله وانا الحمد لله مبسوطه مع عيالي حيل لكن انا ابسالكم سؤال ؟ بالنسبه للبسي بالبيت صرت البس لبس تقل شغاله كل شي طويل كم طويل وثوب طويل وشوشتي طايره وانا من عادتي البس واتمكيج والبس احلى لبس عندي والحين تغير الوضع ماادري احس ودي ارجع البس واتمكيج واقهره واهتم بنفسي وبعيالي شوروا علي وش اسوي وكيف اتصرف مع هذا الظالم الله يخليكم قولو لي وانا مستعده لاي سؤال تسالوه المعذره طولت عليكم سامحوني يالنشاما ودمتم وجزاكم الله خير على سعت صدوركم على قراءة قصتي انا بانتضار ردودكم تقبلو تحياتي \شذوووووووووو

[sweet moon]

انتي حليتي المشكله بنفسك يا أختي

خلاص هو قالها اللي بيني وبينك العيال وبس

يعني عيشي معاه عشان عيالك مو عشانه

ومانتي ملزومه لابلبس ولا بكشخه

وزياده عليه

والله ييسر امرك

[مرور سري]

الله يكون بعونك ياااااااااااااارب

خليك عند عيالك الين يعرف ان الله حق

ويرجع هو يراضيك

واحذري انتي تراضيه لانه بحط في باله انك ندمتي على الي سويتيه

وبكذا تثبتين الي براسه

[أإأم ع‘ـــزُوـوزُ]

سوي إللي تبين وإلبسي إللي تبين تلبسين لآ تحرمين نفسك شي عشانه بيني إنك سعديه بحياتك ولآ مقهوره ولآ شي

هذآ عشان عيالك لآ يحرمك منهم ..

ويارب يسخركم لبعض ...

[عطور فرنسيهے]

زي ماقالو الاخواااات وبعدين اكشخي لنفسسك مو له
واهتمي بنفسسسك عشان الناس وعشانك ولا هوو ولايهمك

[ناديا]

انا استغرب من شغله ليه ماحاولتي تواجهينه مع ولد خاله عشان يعرف زوجك انه ظلمك دامك مظلومه ليه استسلمتي بكل بساطه بدون ماتحاولين حتى تثبتينله انك مظلومه ترا سكوتك ذا كأنك غلطتي فشي !! وبعدين يعني ايش متوقعه منه يوم يلاقي رساله مثل كذا !! اكيد بيشك واي واحد مكانه بيشك بس يمكن زودها بردة فعله شوي لاكن شوفي هو ايش قرا !! دخلي احد من اهلك فالموضوع لان هذي ماهي حياه لازم يعرف الحقيقــــــــــــــــــــــــــه ليه الضعف والاستسلام لازم ترجعين كل شي بينكم وبعدين ولد خاله ذا ابدآ لاعاد تشكينله ولاتردين عليه خير مرسل رساله كذا !! يمكن حاول يستغل لحظة ضعفك شوفي ايش استفدتي من وراه !! انتي وشطارتك اذا بريئه اثبتي برائتك ؟ او ادفني نفسك احسن ..

[طبيبة القلوب]

ردة فعل طبيعية من زوجك ....
كل اناء بما فيه ينضح ..........
زي ماهو بعمل فاكر بنات الناس زيو.
خيتو اصبري واحتسبي بينكم عيال وهذا انسان شكاك ومريض ....ولازمه علاج نفساني
ربي يكون بعونك ...

[دافئة المشاعر]

المشاركة الأصلية كتبت بواسطة ناديا

انا استغرب من شغله ليه ماحاولتي تواجهينه مع ولد خاله عشان يعرف زوجك انه ظلمك دامك مظلومه ليه استسلمتي بكل بساطه بدون ماتحاولين حتى تثبتينله انك مظلومه ترا سكوتك ذا كأنك غلطتي فشي !! وبعدين يعني ايش متوقعه منه يوم يلاقي رساله مثل كذا !! اكيد بيشك واي واحد مكانه بيشك بس يمكن زودها بردة فعله شوي لاكن شوفي هو ايش قرا !! دخلي احد من اهلك فالموضوع لان هذي ماهي حياه لازم يعرف الحقيقــــــــــــــــــــــــــه ليه الضعف والاستسلام لازم ترجعين كل شي بينكم وبعدين ولد خاله ذا ابدآ لاعاد تشكينله ولاتردين عليه خير مرسل رساله كذا !! يمكن حاول يستغل لحظة ضعفك شوفي ايش استفدتي من وراه !! انتي وشطارتك اذا بريئه اثبتي برائتك ؟ او ادفني نفسك احسن ..

انا مع كلام ناديا
حاولي لآخر لحظه ماراح تخسرين شي اذا بجد تبين زوجك يرجع لك
وديري بالك ع عيالك ونفسيتهم
الله يعينك ويفرجها عليك يآرب

[اميرة علاوي]

لا تسكتين على ظلمه ابدا
لان الرجال الي من هذا النوع البنت الي
تسكت له يزود فيها
الله يقويك ويخارجك من المشاكل
ويفرح قلبك يارب

[الملاك]

ياااااويلي انا لو زوجي شاف هالرساله بجوالي وظربني والله ماالومه...مهما كان ولد خالته مو محرم لك واذا بغيتي شي منه المفروض تكلمي زوجته او عالاقل تخبري زوجك انه يعرف رقمك..
وانتي بعد مابينتي له شالسالفه والمفروض مااحتفظتي بهالرساله بجوالك ليش مامسحتيها اول ماجت ؟؟؟؟

لا وتلووومي زووجك بعد!!!!

اختي ترى الي لاقدر الله يتوفا زوجها وهو مو راضي عنها ماتشم ريحة الجنه ..اذا ماتبيه روحي لاهلك لاتخلي علاقتك معه كذاا ايش ذنب الاطفال الي بينكم يكبرون ويشوفون امهم في جهه وابوهم في جهه...
حبيبتي خلي احد من اهلك انتي يتدخل بالموضوع احد من اخوانك ويجي ويجلس معك انتي وياه وتفاهمو على كل شي واذا على الغزل حقه وخرابيطه اذا عوضتيه عن الي يدوره برا بيرجع معك زي العسل واحسسسسن صدقيني بس سالفة كل منكم بجهه والله حرام ماينفع ...هذا الهجر في الفراش

حاوولي انك تبدأي حياتك معه من جديد مو تقعدي تفكري كيف تعانديه اكثر!!!!

مثل ماقلت لك الموضوع بينحل من حد من اهلك يقعد معكم الاثنين واذا انحل اطلعي انتي وياه سافرو يومين رجعوو ايام العسل وغيرو جو.. وشووفي النتيجه