احم احم السلام عليكم ورحمة الله وبركآآته
اولا الحمدلله على سلامتي ومبرؤؤك ماجاني >> احلفي
ثآنيآ تصدقون ياحريم ان عيالي الاثنين يجون ثلاثه كيلو ونص وطلووقهم تجي حاره وورا بعض وينزلون بسرعه مااجلس اتمرمر فيهم زي ولادتي هذي
ياربي لك الحمد جاء عموري 2 كيلو ونص بس تعبني مره طلووقي باارده وجلست اسبوع مبهذلتني
رحت للمستشفى يوم الاثنين على اساس ان معي طلق ولاده وكشفت الدكتوره تقول الرحم مقفل وانصدمت وانا من قبل لي اسبوع اشرب زنجبيل ويانسون
وماسوت لي شي المهم قالت الدكتور ارجعي البيت واذا نزلت مويه او اختفت حركة البيبي او زاد الطلق بشكل لايحتمل تعالي ويالله ارجع للبيت وامشي
ومن البكره امشي والام الطلق البارد لازالت مستمررره ويعدي يوم الثلاثاء والاربعاء والخميس وابو الشباب يقول انتي مو والده الا برمضآن غلطانه بالحساب يمكن
وانا اقول الا خلاص بولد ويوم الجمعه الصباح جاني الم فضيع صحاني من النوم واستمر معي ساعتين قلت لزوجي يالله المستشفى قال لا مافيه انتي مو تعبانه
قلت له وانا اصاارخ يعني لازم اصيح عشان تعرف انها ولاده المهم شوي وراحت الطلووووق وانخمد انام الى العصر لاني سهرانه وتعبانه وافطرت دقت علي امي تقول
تعالي حريم الجيران متجمعات عندها وانا خلاص نفسيتي زفت ماحب اقابل احد وانا بشهري الاخير قلت لها لا مايمديني ورحت امشي العصريه ورجعت البيت والطلق معي من المغرب
الى 3 الفجر يوم السبت وقمت اقرا في النت وش اللي يحمي الطلق وقمت سويت كاسه مويه دافيه وعسل واشربهاااا وجلست ربع ساعه وزاد علي الطلق لدرجة اني اعرق مره ماستحملت
دقيت على امي عشان اسآلها عن الدم اللي نزل معي لانه اول مره اشوف دم قبل الولاده امي يحليلهاا جات عندي ركض بيتهم جنب بيتي وجابت اختي عشان تاخذ
عيالي ( لمو وفوفو ) ودتهم عندهم البيت وامي الله يخليهاا جلست عندي تقول بروح معك للمستشفى قلت اصلن مافيني ولاده يمكن طلق كاذب وفعلا راح الالم عني قلت لأمي
روحي البيت ونامي انا ادق عليكم اذا صار شي وراح زوجي يصلي الفجر وجا قالي انام ولا اوديك المستشفى قلت لا نام مافيني شي وراح شغل التلفزيون وجلس يتفرج في الصاله
وانا منسدحه ع الكنبه كان يطويني الم فضيييييييييييييع ماقدرت افتح فمي لاني رح اصيح وراح عني استنيت شوي قمت امشي وخمس دقايق الا ويرجع الالم نفس الشي مادري شسوي
وانا واقفه وقمت احرك يدي لزوجي ااشر له قام واقف هاه ولاده وانا اهز راسي واخطف عباتي وهو دق على امي ورحنا ع الطوارئ كانت الساعه 5 الفجر قالووووو مافيه غير دكتور
اللي يكشف قال زوجي لا مانبي دكتور وانا اصيح اقول هاتوووه وزوجي سوالهم فوضى بالمستشفى مستشفى طول وعرض مافيه غير دكتور واحد بقسم الولاده قالو الا فيه دكتوره فوق عندها حالة
ولاده قلت خلاص خلوها تخلص وتنزلي بسرعه هههههههه ياحليلي حنيت ع الفوق تولد المهم نص ساعه وانا اتمرمر مع الطلق وامي عندي تدعيلي وتذكرني بالادعيه
بعدها جات الدكتوره وكشفت قالت 7 سم يلاااااااه طلعوهاااا فوق ولاده وودووني لغرفة الولاده وانا داخله اسمع وحده تصيييح بصوت قوي قلت بخاطري يالله لك الحمد ليش تصيح لو تصبر احسن تبي تخوفناا
وشبكووو المغذيه و الجهاز حق الطلق فيني وانا حالتي حاله كل شوي غثيان احس اني برجع وبردانه مووووت رجولي تنافض وكشفت الدكتوره تقول 9 سم خلاص ولاده ويجيبون بلاوي وابر يحطونها من تحت الظاهر انه بنج موضعي خخخخخخ
اخر 3 دفات مرررررره موووووووووووووت وحشر لا اله الا الله والدكتوره تقول يلاه خلاص نزل راس البيبي وادف بقوووووووووه ونط بسم الله عليه صغيروون وبعدها ياااااربي لك الحمد حسيت برااااااحه وحمدت ربي والسسترتقول مبرؤؤك ماما ولد ولد قلت بخاطري ادري من قبلك قلت لها جيبيه وضميته يانسووو صغنوووووون مرررره
ايوه وكانت الساعه 9 ونص صباحا وخيطوني الحمدلله ماحسيت فيها ابداا
وجلست تحت الملاحظه الى الساعه 11 بعدها جات السستر وودتني قسم التنويم امي كانت عند الباب تنتظرني اطلع فديتها تطمنت علي وراحت من البكره طلعت المستشفى
وانا شايله النونو ( عموري ) رايحه البيت اول مادخلت مع الباب ولدي فوفو مبسوط يقول جبتيلي اخو العب معاه ولموو زعلانه قالت يلاااه روحي طلعي لي بنت العب معاهاا هههههههههههه
وتوته توته انتهت الحتوته