حامل بكيس دون جنين

لاراء · 07-26-2011, 04:04 AM

السلام عليكم ورحمة الله وبركاته
كيفكم كروشات عساكم بخير
امممم عندي مشكله قلقتني بحملي مرررره
اخر دوره كانت لي 12/7/1432
ورحت لدكتوره امس وقالت لي على حسب الحساب يكون حجمه كبير بالتصوير يعني شهر واسبوع
لكن طلع بالتصوير كيس بس بدون جنين ولانبض والحجم صغير
هي تقول احتمال وارد انه الحساب غلط
ومن وقتها وانا مهمومه وخلتني اسوي تحليل هرمون وطلع عالي
وقالت راجعني يوم الخميس نسوي نفس التحليل واذا طلع اعلى من اول كويس واذا موعالي معناه موكويس
موعارفه ايش اسوي غير ادعي ربي يسرها لي
مين صار لها كذا اوتعرف احد صارله طمنوني
مررره قلقانه
ربي افرج لي همي ياااارب
دعواتكم لي ..........

خجل*أنثى · 07-26-2011, 04:08 AM

والله الدكتوره مارضيت تسووي لي سونار تقوول لأنه طبيعي مايبان لانبض ولا جنين يعني اتطمني حبيبتي شي طبيعي خصووصا اذا كان هرمون الحمل مرتفع..انا قالت لي اول سونار لما اصير بالاسبوع العااشر ان شااء الله..والله بعض الدكتورات مع احترامي ماعندها سالفه من الاسبوع الرابع تشوف مافيه نبض قالت نزليه..وهو الطبيعي مايبان الا بالاسابيع الاخيره من الشهر الثالث..
الله يتمم لنا ولك ع خير ياارب..

لاراء · 07-26-2011, 04:16 AM

شاكره لك ياقلبي
على ردك المريح
يارب يتمم لك على خير ياقلبي

ياويل حاااالي · 07-26-2011, 04:18 AM

تطمني حبيبتي انا بحملي الاول قالت لي كيس بدون جنين هذا مستوصف خاص ولما رحت الحكومه نفس الحكايه قالت لي نزليه كيس بس وكلمت امي وهاوشتني قالت اتركيها تولي اكيد توك حامل لازم بس الكيس فـ الشهر الثالث يبدا نمو الجنين وصحيح دخلت الثالث وبيين الجنين..
الله يتمم لنا ع خير يارب ...

لاراء · 07-26-2011, 04:29 AM

سترك يارب
اكتب الخير لي يارب
شاكره مرورك ياقلبي

أم حسون · 07-26-2011, 05:33 AM

الله يكتب لكِ الخير ويفرج همك يارب

ويتمم حملك وحملي على خير

ويرزقنا الذرية الصالحة يارب توكلي على الله وأستغفري الله كثير إن شاء الله خير

سوسو77 · 07-26-2011, 05:43 AM

ياااارب يحقق لكم الي تتمنونه
انا زيك توني داخله الاسبوع السادس وسويت تحليل هرمون حمل وكانت النتيجه ثمان الاف وتقول النتيجه كويسه بس النمو بطيء احتمال يكون حمل خارج الرحم او كيس بدون جنين
والله العظيم اني طلعت من عند الدكتوره وانا ابكي مدري وشلون وصلت للسياره وبعدين هي ليش قالت كذا وهي ماسوت اشاعه ولاشي وانا احس باعراض الوحااام واستفراغ وكاره بعض الاكلات ودوخه على اي اساس قالت كذا صعب علي اسقط مرتين ورى بعض
تكفوووووووون ادعولي

Moon Flowers · 07-26-2011, 08:21 AM

ياقلبي انا دورتي مثلك 12 / 7 وقالت الدكتوره مافي الا كيس لان لسى على حسابها ماخلصت شهر اخلص الشهر بـ 27 / 8
فأتوقع انك مثلي
واعطتني موعد بـ 7 رمضان تقول يمكن يبان وقتها واختي قالت لي نفس الشي مستحيل يبان النبض او الجنين الحين

انصحك تغيري الدكتورة لأنها خبلة شي طبيعي مايبان الجنين لسى ماتكون الا كيس الحمل ماقد تكون الجنين

فديت قلبك لاتقلقي

عوافي حوووبي

وردة القدس · 07-26-2011, 05:12 PM

الله يثبت حملك حبيبتي والله كلام الاخوات يطمن
انشالله تطمني على جنينك وترتاحي

لاراء · 07-26-2011, 06:57 PM

شاكره لكم
ويارب يتمم حملكم على خير جميعا ويارب اتبشر بشرى خير وارتاح
يااارب

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع للحملو بكيس حمل من غير جنين!!!	ام ميمي ان شاءالله	منتدى أنواع الحمل	30	07-31-2013 08:37 AM
الحمل بكيس حمل بلا جنين...	ربوة الرياض	منتدى الولادة المبكرة والإجهاض	6	06-15-2011 02:00 AM
اسباب الحمل بكيس بدون جنين	عزيزة النفس	منتدى أنواع الحمل	10	10-07-2010 09:57 PM
حامل بدون كيس ولا جنين	فجر الغلا	منتدى الولادة المبكرة والإجهاض	10	08-14-2010 08:51 AM
امرأة حامل فى 12 جنين	الشوق عطري	منتدى حوامل الطبي	2	09-28-2009 05:11 PM