ساعدوني تعبانه ) :

[Moon Flowers]

السلام عليكم حبيباتي

هذا اول موضوع لي واتمنى تردون علي وماتخجلوني

انا بعد دورتي بحوالي 5 ايام بديت احس باوجاع خفيفه في الظهر واسفل البطن يجي ويروح وغثيان وكأن فيه شي كاتم على نفسي وماكنت اقدر انام الا 4 ساعات وطول الوقت انعس بس مقدر انام وكل يوم هالاوجاع تقوى وتزيد مثلا صرت احس بثقل وبوجع بصدري والم في الجهة اليسرى من الرحم احسه مشدود لتحت وغثيان وبعض الروائح اتجنبها احسها تقلب لي معدتي وكمان احس بحرارة في المعده وببدايه المعده مثل الحموضه وخمول وكسل وثقل بالمعده وصدااااااااع مستمر مع الام بالبطن والظهر مثل الام الدورة بس هذي متعبه اكثر ومعي طول اليوم
حتى نومي بالقوة انام حدي 5ساعات بعدها اقوم وطول اليوم انعس بس مقدر انام

رحت للدكتورة بعدها بكم يوم كنت متوقعه عندي مشاكل بالرحم بس سوت لي سونار قالت انتي سليمه مافيك شي وبالنسبه للوجع اللي باليسار ورتني اياه قالت شوفي هنا فيه بويضه مافهمت هي ملقحة والا ايش بس انا عمري ماحسيت وجع ايام التبويض شكيت بالوضع جلست كم يوم يعني بعد نهاية الدورة ب 15 يوم وسويت تحليل الحمل الهرموني لأن اختي جتها مثل اعراضي وطلعت حامل المهم سويت التحليل وطلع النتيجه اقل من 2 يعني مافي حمل اجل هالتعب من ايش لاقاعده مرتاحه ولانايمه متهنيه كل يوم ابكي من الضيقة اللي فيني احس اني موطبيعيه وتحلمت 5 مرات وكل ماافسره يطلع حمل بأنجن باقي على دورتي 6 ايام ومره حالتي مايعلم بها الا الله

اخاف استعمل حبوب مسكنه واكتشف اني حامل وصعبه اجلس كذا لاليلي ليل ولا نهاري نهار

هل ممكن يكون تحليل الحمل الهرموني غلط؟ زوجي يحاول يعطيني امل ويقول فيه ناس طلع لهم مافي حمل وحملوا
واختي تقول مااتوقع فيه حمل لأن نتيجة التحليل اقل من 2 وباقي على دورتك 6 ايام متى بيمديها ترتفع

ماادري ايش اسوي ولاادري ايش فيني اول مرة بحياتي اتعب كذا وماادري ايش طاري هالاحلام مع العلم اني صليت استخارة قبل الرغبة بالحمل وقبل التحليل

ساعدوني ايش اسوي التعب هاد حيلي ومدري ايش سببه

[#ام جوان#]

والله مادري بس حبيت ادعيلك
ان الله يرزقني واياك اختيMoon Flowers
بالذريه الصالحه يارب

[التفاؤؤؤل]

الله يفرج همك اختي عليك بالاستغفار والزميه في كل وقت وحين فبه تفريج الكروب

[غيووو]

الي فيك غآلبآ آعراض حمل بس آصبرري الي مآبعد الدورره والله يكتب لك الي فيه الخير

[Moon Flowers]

الله يجزاكم الجنة

مشكورات على ردودكم الحلوة

[leah algssa !]

يا قلبييي انتي اصبري إلا ما بعد الدوره وراح ترتفع النسبه انتي بس اصبري واذا تأخرت عليك الدوره يوم او يوميين حللي وان شااء الله حمل تحلي بالصبر أختي آخر الصبر فرج ^^ والله يرزقنا ويفرح قلوبنا وقلوب أزواجنا

[إنكسار الورد]

الله يجعل مافيك خيير يارب ..
و بإذن الله حمل ..
الله قادر على كل شيء

[Moon Flowers]

الله يسمع منك زوجي واهله متفائلين ونفسي افرحهم بخبر حملي

الله يكتب اللي فيه الخير

[ندى المطر]

الله يرزقك يارب
ويسعد قلبك ~

[حوريه السعوديه]

سوي تحليل الدم الرقمي وريحي بالج ولاتنسين تطمنينا