رجاءا اخواتي انصحوني..هل قراري صح؟؟

[زهرة الربيع 82]

السلام عليكم..مرحبا صبايا...ارجوكم تنصحوني شو اسوي
الله يسلمكم بشهر 4 عملت اول تجربة وما انكتب لي فيها التوفيق فقررت اعيدها بس بعد ما اخذ فترة راحة...فالحين قررت اسويها وكلمت الدكتورة قالت تعالي ثاني يوم الدورة علشان الصبح ناخذ فحص هرمونات وبعد الظهر نسوي فحص سريري,,المهم رحت الصبح وعملت فحص الدم وبعد الظهر لما رحت قالت لي الدكتورة ما يحتاج نعمل فحص سريري مع انه فحوصاتي كانت كلها سليمة وراح تبداي تاخذي حبوب منع الحمل علشان نريح المبايض وبعد شهر راح نبدأ
بصراحة واجد توسوست وما حبيت فكرة حبوب منع الحمل,,فقابلت الدكتورة وقالت لي انه بما انه ما نجحت معاكي اول تجربة فقررنا ناخذ معاكي العلاج الطويل والي هو انك تاخذي حبوب منع الحمل وبعد شهر نبدا المنشطات,,سالتها هل يفرق اذا بدات على طول المنشطات قالت لا,,فقالت لي انه اقرر,,وفي كلا الحالتين ما بيأثر بالنتيجة النهائية لانه اصلا المشكلة مو مني وكل شي طبيعي عندي بس المشكلة عند زوجي وهالعلاج ما راح ياثر بشي
فقلت لها ما اريد اخذ هالحبوب وعلى طول ابدا المنشطات,,,بس وامس بدات اول ابرة منشطة, مع العلم انه زوجي طلع عنده شغل ضروري وما قدر يحضر معاي بس لما خبرته بعدين ايدني بقراري وقال انا لو مكانك كنت باخذ هالقرار.
رجاءا اخواتي خبروني هل احد صار معاه الشي قبل واذا كنتوا مكانوا شو كنتوا بتقرروا وهل قراري كان صحيح؟؟؟

[أم عائشة]

والله ماعندي علم حبيبتي
بس انا بعد سويتها مرتين
المرة الاولى ولله الحمد حملت بس كان كيس بدون جنين
وهالمرة ولله الحمدوالمنة حملت
وبالمرتين كان علاجي نفسه الا اني بالمرة الاولة خذيت ابرة طويلة المدى وبعدين ابتديت سيدة بالابر عشان التنشيط
هالمرة ماعطاني الابرة التحضيرية وابتديت سيدة بالابر وزودلي عيار الابر
يعني بالمرة الاولة كانت 300
هالمرة عطاني 450

ربي يكتبلج الحمل عاجلا يارب وتبشرينا باحلى توام
ادعيلي ربي يتمملي على خير فديتج

[زهرة الربيع 82]

هلا حبيبتي,,اسمحيلي عالسؤال بس هل التاخير منك او من زوجك..؟؟؟
انا حاليا اخذ الابر تبع 150 لمدة خمس ايام بعد كذا قالت لي اراجعها علشان تفحص هل احتاج زيادة عيار او نكمل بنفس العيار
واتمنى يارب يتتم لك حمل باذنه الواحد الاحد ويرزقني بالحمل والذرية التامة السليمة,,,,ادعيلي

[أم عائشة]

المشاركة الأصلية كتبت بواسطة زهرة الربيع 82

هلا حبيبتي,,اسمحيلي عالسؤال بس هل التاخير منك او من زوجك..؟؟؟
انا حاليا اخذ الابر تبع 150 لمدة خمس ايام بعد كذا قالت لي اراجعها علشان تفحص هل احتاج زيادة عيار او نكمل بنفس العيار
واتمنى يارب يتتم لك حمل باذنه الواحد الاحد ويرزقني بالحمل والذرية التامة السليمة,,,,ادعيلي

لا مني اختي
مشكلتي بويضاتي ماتكبر للحجم المطلوب
اسال الله العظيم رب العرش العظيم ان يرزقج بتوام معافى ياااااااااااااارب

[عَ ـشٌقً]

انا بعد ماعندي فكره فديتج بس حبيت ادخل ادعي لج
ويارب تحملين ويتمم عليج وتجيبين احلى نونه ..!
بالتوفييييق

[عطري أنفاسك]

مآعندي خبر بس حبيت آقول لك الله يسهل آمرك وينولك اللي في بآلك
يآآرب وتحملي بآذن الله وتشوفيه بين ذرآعك وتنبسطي فيه يآكريم ويارب يرزق كل محرومه

[الوازعيه..]

ياحبيبتي وكلي امرك لله ودامنك بديتي خلاص ريحي نفسيتك وامشي على كلام الدكتوره

اهم شي الراحه النفسيه ....وحطي في بالك ان امر المسلم كله خير والله يتمم عليكي وتجين

تبشرينا نصيحه لك اكثري الاستغفار فوالله انه فيه فرج باذن الله اقلها الراحه والطمناينه

[s.n.s.z]

الله يكتب لك الي فيه الخير ويريح بالك

[rwan]

الله يرزقك ويهديكى الى الصواب

[demoshka]

اذا زوجك السبب لازم هو يلي يتعالج

وانتي وقفي كل المنشطات وارتاحي فترة لانه مابنفع كثرها كل شهر