قصة ولادتي باحلى بنوته (نوره الاموره) ...

[kyot]

بسم الله الرحمن الرحيم
السلام عليكم و رحمة الله*
رجعت للمنتدى بعد غياب تقريبا ثلاث اشهر كانت فترة النفاس قضيتها عند اهلي*
مالكم يالربع بالطويله بخش في الموضوع سيدا*
من اول مادخلت شهري كنت امشي كثير من نص ساعه الى ساعه يوميا *وأكل تمر قد مااقدر وهذا خفف عني الطلق بعد الله سبحانه وكنت ادعي كل ماافتكر الولادة واقرأ قران يوميا والحمد لله ربي يسرها*
في البدايه كانت الدكتوره على حسابها تقول ولادتك يوم 27 ذو الحجة والدكتوره اللي عند اهلي تقول 26 ذو الحجة يعني توقعت أني أولد خلال هذي اليومين لكن العلم عند الله وحده وكانت ولادتي يوم 23 ذو الحجة قبل التوقعات بيومين او ثلاث*

كنت بكريه وزي كل بكريه اسأل عن الولادة وادخل النت اقرأ قصص الولادات عشان أشوف كيف الولادة واستفدت كثير من المنتدى وعشان كذا اكتب لكم قصة ولادتي * *<<<<<< * * يالله اخلصي قوليهاااا
حسيت بالألم تقريبا من الساعه 7 الصباح صليت الفجر ونمت والساعة 7 صحيت وكلمت زوجي اصحيه وقلت احس بالم قال لايكون ولاده قلت لامااتوقع والألم زي الم الدورة مغص اسفل البطن والم في الظهر والفخذين بس كنت ماني متوقعه نهاااااااااااائيا تكون ولاده لان الألم ذا قد جاني زيه وكان يجئ ويروح فقلت أكيد انه بيروح وأنام وارجع اصحى من الألم وذا راح ارجع أنام اخر شي صحيت الساعه 10 لقيت أمي الله يحفظها مجهزه الفطور وما كنت أبغى أقولها شي لأني اعرف أمي تشيل هم ولا ودي اتعب خاطرها فصبرت على نفسي فطرت وسوالف أنا وأمي وكل ما حسيت المغص اقوم اتمشى في البيت قالت أمي وجهك اليوم مؤ عاجبني لا يكون تعبانه!!!!*
قلت لا بس الاام الحمل ما عندي ولاده الحين باقي مطوله يقولون البكر تطول تأخذ شهرها وتزيد عليه*
رحت الحمام وكانت المفاجأة بعد ما غسلت لقيت إفراز مع خيوط دم أنا استغربت وقلبي دققق من الخوف قلت لايكون ولاده !!! المهم خرجت ورحت كلمت أختي كانت فعملها أدق ماترد وماابغى اقول لامي وساكته وصابره وعلى الساعه 1 ظهر كلمتني أختي قالت هذي ولااااادة هذي علامة الولاده !!!! قلت لا يمكن على بكره أولد ما أتوقع اليوم <<<< باقي الأخت ماهي مصدقه والسبب كلام الناس وحده تقول أنا نزل دم ورحت وقالو بكره تعالي فقلت أكيد أنا باقي قالت أختي والله ولادتك اليوم قلت استغفري يا شيخه المهم عصبت علي وقالت يابرودك العصر مريني ونروح المستشفى صكرت منها وقلت بروح اكشف وأشوف بعد العصر تروشت و شربت كاسين حليب دافئ مع قرفه وتمر وأختي تدق مريني كلمت اخوي وقلت مايمديني أمرها بروح اكشف وارجع >>>> مصدقه الأخت انها بترجع والله يا بنات كنت حاسه برجع البيت وأول ما دخلت وكشفت علي قالت : خلاااااص ولااااده الرحم مفتوح 8 سانتي وكانت الساعه 5 عصر وانا اطقهااا بكاااااااا والممرضة تهدي فيني وتقول احمدي الله غيرك تطول أمورك تيسرت ونا ادعي وأبكي حسيت بالخوووووف مرررره وأدق على أختي قالت جايتك أنا مانمت افكر فيك ومرت البيت أخذت شنطتي وأغراضي وأمي شافتها يا حياتي تقول أمي عرفت ان عندك ولاده وقعدت على سجادتي الين ولدتي ونا ادعي*
طبعا حطولي مغذي وغيرولي ونا ابكي غاااااارقه في دموعي هههههه والله يا بنات خفت وحسيت ان خلاص جا اليوم اللي افكر فيه وآخيرن بشوف بنتي يارب سهل وساعدني*
ودقيت على زوجي كان في مدينة ثانيه عشان دوامه وكان نائم ورد قلت أنا في المستشفى وأبكي قال خلاص ياقلبي لا تبكين الله يسهل عليك أمانه طمنوني بجلس ادعي لك*
شوي الا وأختي جأت *وقعدت عندي تهديني وانا المغص كل ماله يزيد ويزيد واتمسك في السرير الين يروح وأوقات امسك ايد أختي وجات الدكتوره تضحك وتقول خليكي قدعه ! وانا ابكي وأقول أنا بكريه ما اعرف شي قالت لسى اذا انفتح الرحم 9 سانتي بجيك وراحت*
المهم كل ما للألم يزيد والله يابنات طولت جلست لين الساعه 7 وبدا الألم يشد ونا اتعصر واتمسك في السرير وكل شوي تجئ تكشف علي وتعورني بايدها واصيييح وقالت لسى 8 وراس الجنين بعيد قومي امشي ورحت مشيت واحس الوقت ياطوووله طولااه والألم يزيد والرأس مازال بعيد تخيلو جأت الساعه 9 ونا لسى الرأس بعيد بعدين جأت الممرضة وحطت ابره في المغذيه اتوقع انها طلق صناعي لان بعدها حسيت الم زي الناااار وصرت أصيح ماني قادره أتحمل ولا قادره انسدح على السرير من الألم وجات اختي تمسك ايدي عضيت يدها * وصاحت قالت لا تعضيني (هههه يا عمري عليها بهذلتها معاي ) وجات تكشف علي الممرضة رفستها برجلي قالت لا قلت انت ما تخافون الله تتركوني أتعذب قالت أنا عشان أساعدك ماتعمليش كدا ونا ارفسها وانحاشت المسكينه الا وجات الدكتوره قالت *يلا على السرير حق الولادة يمممه يخرع شكله ونا اطلع وأبكي وكلهم يقولون الرأس بعيد ويروحون ونا اصيييح يادكتوره تعالي وجات *قلت خليكي عندي أنا مااعرف شي قالت اذا حسيتي بالطلق ادفعي وذا راح خذي نفس وصرت ادفع وينقطع نفسي وتصيح الدكتوره لا لا تقطعين الطلقه كمليها للآخر قلت تعبت يادكتوره قامت تدعي لي وتحط يدها علي وتقرا سورة الزلزله والقابلات يدعون اللهم يسر ولا تعسر تخيلو قعدت لين الساعه عشرة ونا على ذا الحال اخر شي قلت خلاص سوولي عمليه قالت الدكتوره لا يابنتي أنا مش عايزه أعملك عمليه انتي طولتي ادفعي قد ماتقدري بعدين استجمعت كل قوتي ودفعت بأقوى ما عندي وقلت فنفسي ياااارب ساااعدني وحسيت جسمي كله يعتصر من الالم والحمد لله خرجت بنتي وشفت رجولها وهي شايلتها الممرضة وصاحت وحسيت بفرحه وسعاااده وصرت اقول للطاقم والدكتوره جزاكم الله خير يارب لك الحمد وبعدها ما حسيت بنفسي الا والممرضة تنقلني على سرير ثاني ونا اقول خلاص الخياطة تقول يس مبروك مدام ونا ما على لساني غير الحمدلله ..الحمدلله بعدين طلعوني غرفتي والساعة تقريبا 12 الا ربع وجات أمي واخواني ودق زوجي واخواتي يتصلون والكل يهني ويبارك وجابولي بنتي وكانت أحلى لحظه في حياتي لما ضميتها وشفتها ربي يخليها لي وأشوفها عروس قولو اميييين ... وتووته توته خلصت الحتوته ... اذا عجبتكم قصتي لاتنسوني من التقييم والله يسهل على كل وحده حامل يارب ...*

[kyot]

افا ولا رد واحد !!!!

[نسمة دفا]

الحمد لله على سلامتك أنتي والبنوتة

تتربى في عزكم وربي يرزقك برها وصلاحها

[kyot]

اللهم امين نورتي ومشكوره على الرد

[ام شوووق]

الحمد لله على السلامه
ماشاء الله ولادتك كانت ميسره
ومبروك عالحلوه الله يحفظها

[kyot]

الله يبارك فيك يا قلبي ونا كنت ادعي واستغفر واقرأ قران والحمدلله ربي يسرها وعقبال ماتفرحينا بولادتك الله يسهل عليكي

[روضه]

الحمدالله علي سلامتك وااالف مبرووووك الله يخليها لكم وتفرحي فيها عروس

[غلاامي]

الحمدلله على سلامتك والله يسهل لنا

[شهرزاااد]

الف مبروك
والحمد لله على السلامة

[ياشمس عمري]

مبروك ماجبتي تتربى في عزكم ان شاء الله بس ياليت تقولي في الاسبوع الكم ولدتي.